Mateo 21 - Ṅmãle̱ Kroṅkroṅ Le̱

¹ Ni beni ame̱be̱ṅke̱o̱ Ierusalem ní ame̱še Betfage ye̱ Mũgoṅ le̱ hewo̱ le̱, ke̱ke̱ ni Iesu tšũ ekaselo̱i le̱ ateṅ mei enyo̱,

² ni ekē̱ame̱ ake̱: Nyeyaä akrowa ní yo̱ nyehĩe le̱ mli, ni amrõ le̱ nyeana tedšiyō ní aṅmõle̱ ši ke̱ ebi; nyefẽnea-ame̱ nyebahãami.

³ Ni ké̱ moko binye sane ko le̱, nyekē̱ale̱ ake̱: Ame̱he mīhĩa Nuṅtšo̱ le̱; ni amrõ le̱ eehã nyeke̱ame̱ aba. 26,18.

⁴ Ši afe ene̱ fẽ, koni noni gbalo̱ le̱ wie le̱ aba mli ake̱:

⁵ “Nyekē̱a *Zion biyō le̱ ake̱: Na, omaṅtše̱ le̱ miba oṅõ, ehe dšo̱ ni etá tedši no̱ ke̱ tedši ní dši nitšumo̱kolo le̱ bi no̱.” *Zak. 9,9. Ies. 62,11.

⁶ Ni kaselo̱i le̱ te yafe bo̱ni Iesu fãame̱ le̱.

⁷ Ni ame̱ke̱ tedši le̱ ke̱ ebi le̱ ba, ni ame̱nõ ame̱tadei le̱ ame̱ſie eno̱, ni ame̱wóle̱ ame̱tá no̱.

⁸ Ni mei pī ṅõ *ame̱tadei ame̱ha gbe̱ le̱ no̱, ni meikrokomei hũ flo̱ tšei-anidši ame̱ṅõ-ſie gbe̱ le̱ no̱; *2 Maṅ. 9.13.

⁹ ni mei ní nyie hĩe ke̱ mei ní nyie se̱ le̱ fẽ blo̱ ame̱kē̱: *Hosiana David bi le̱! “Adšō̱ moni baä ye̱ Nuṅtšo̱ le̱ gbe̱i ano̱ le̱!” Hosiana ye̱ ṅwei flōflo! *Lal 113,25. 26.

¹⁰ Ni beni ebote Ierusalem le̱, maṅ mū le̱ fẽ bu hō ame̱kē̱: Namo ne̱?

¹¹ Ši asafoi le̱ kē̱: Mone̱ dši Iesu, gbalo̱ le̱ ní dše̱ Nazaret ye̱ Galilea le̱.

¹² Ni Iesu te Nyoṅmo̱ so̱lemo̱we le̱ ni eyaſie mei ní hõo̱ nii ke̱ mei ní heo̱ nii ye̱ so̱lemo̱we le̱, ni etšire̱ šikatšakelo̱i le̱ akplõi le̱ ke̱ mei ní hõo̱ okpoi le̱ amãṅõi le̱ etſiatſiā ši. Ioh. 2,14-16.

¹³ Ni ekē̱ame̱ ake̱: *Aṅmã ake̱: “Aatšé̱ miwe le̱ so̱lemo̱we,” ši nye le̱, nyeke̱-fe †“odšotſalo̱i abu.” *Ies. 56,7. †Ier. 7,11.

¹⁴ Ni ſilafoi ke̱ obubuafoi ba eṅõ ye̱ so̱lemo̱we le̱, ni etšáame̱.

¹⁵ Ši beni oso̱fonukpai le̱ ke̱ woloṅmälo̱i le̱ na nākpe̱nii ní efe ke̱ gbekẽbii le̱ ni blo̱ö̱ ye̱ o̱lemo̱we le̱ ake̱: Hosiana David bi le̱! ame̱mli wo la,

¹⁶ ni ame̱ke̱le̱ ake̱: Ōnu noni mene̱mei kē̱o̱ ne̱ lo? Ni Iesu kē̱ame̱ ake̱: Hē̃, ani nyekaneko dã ake̱: *“Abifabii ke̱ fufo̱bii anā ni osā yidšiemo oto ye̱?” *Lal. 8.5.

¹⁷ Ni ešĩame̱ edše mã le̱ṅ ete Betania, ni eyawo dše̱i.

¹⁸ Ši lebi beni ekũ ese̱ eyaä mã le̱ṅ le̱, hõmo̱ yele̱.

¹⁹ Ni ena agbãmitšo ko ye̱ gbe̱ le̱ he, ni etši eše̱ he, ši enaa noko ye̱ no̱ ake̱ dša bāi ke̱ke̱; ni ekē̱ no ake̱: Dše̱ ene̱ no̱ le̱ owoṅ yibii ko doṅṅ gbĩkogbĩko! Ni agbãmitšo le̱ ṅălã amrõ le̱ noṅṅ. Luk. 13,4.

²⁰ Ni beni ekaselo̱i le̱ na le̱, ame̱nā kpe̱ amehe ni ame̱kē̱: Té fe tēṅ ní agbãmitšo le̱ ṅălã amrõ ne̱ṅ?

²¹ Ši Iesu here no̱ ni ekē̱ame̱ ake̱: Le̱le̱ṅ, mīkē̱nye ake̱: Ke̱dši nyeye̱ hemo̱-ke̱-yeli ní nyedšee ṅwane le̱, dšee noni afe agbãmitšo ne̱ ke̱ke̱ nyeafē; ši ke̱dši nyeke̱ goṅ ne̱ tete ake̱: Fã ní oyagbē ṅšo̱ṅ le̱, eete. 17,20.

²² Ni nofẽno ni nyeaso̱le nyebi ke̱ hemo̱-ke̱-yeli le̱, nyenine aaše̱ no̱.

²³ Ni beni eba so̱lemo̱we le̱ ni etšõo̱ame̱ nii le̱, oso̱fonukpai le̱ ke̱ maṅ onukpai le̱ ba eṅõ ame̱bakē̱: Mẽ hegbe̱ oyo̱ hewo̱ ofeo̱ ne̱ke̱ nibii ne̱, ni namo hão ne̱ke̱ hegbe̱ ne̱? Ioh. 2,18.

²⁴ Ši Iesu here no̱ ni ekē̱ame̱ ake̱: Mi hũ mabinye sane kome, ni ke̱dši nyetšõmi le̱, mi hũ matšõnye nõ hegbe̱ ní miyo hewo̱ ní mifeo̱ ne̱ke̱ nibii ne̱.

²⁵ Iohane baptisimo̱ le̱, nẽgbe̱ edše̱? ṅwei edše̱, lo gbomei adeṅ? Ni ame̱tao mli ye̱ ame̱teṅ ake̱: Ke̱dši wo̱kē̱ “edše̱ ṅwei” le̱, eekē̱wo̱ ake̱: Mẽhewo̱ nyeheele̱ nyeyee mo̱?

²⁶ Ni ke̱dši wo̱kē̱ “edše̱ gbomei adeṅ” le̱, no hũ wo̱mīše asafo le̱ gbeyei; edšake̱ mei fẽ *buo̱ Iohane gbalo̱. *14,5.

²⁷ Ke̱ke̱ ni ame̱here Iesu no̱ ame̱kē̱: Wo̱lee. Le̱ hũ ekē̱ame̱ ake̱: Bĕle̱ mi hũ mitšõõnye nõ hegbe̱ ní miyo hewo̱ ni mifeo̱ ne̱ke̱ nibii ne̱ mo̱.

²⁸ Ši agbe̱ne̱ té nyesusuo̱ tēṅ? Nū ko ye̱ bii enyo̱; ni ete onukpa le̱ ṅõ ní ekē̱: Mibi, ṅme̱ne̱ yatšu nii ye̱ miweintrom le̱ mli.

²⁹ Ni ehere no̱ ekē̱: Miyaa. Ši fe se̱ le̱ eſa ehe, ni ete.

³⁰ Ni ete gbekẽ le̱ hũ ṅõ, ni ekē̱le̱ nakai noṅṅ. Si le̱ le̱, ehere no̱ ekē̱: Atã, mate! Ši eyaa. 7,21.

³¹ Té mei enyo̱ ne̱ ateṅ moni fe noni ame̱tše̱ le̱ sumoo̱ṅ? Ame̱kē̱le̱ ake̱: Onukpa le̱ṅ. Iesu kē̱ame̱ ake̱: Le̱le̱ṅ, mīkē̱nye ake̱, *ntōhelo̱i le̱ ke̱ adſamaṅi le̱ mītšṍ nyehĩe ke̱-mīya ṅwei maṅtše̱yeli le̱ mli. *Luk. 18,14.

³² Edšake̱ Iohane ba nyeṅõ ye̱ dšale̱ gbe̱ le̱ no̱, ni nye le̱ nyeheele̱ nyeyee; ši ntōhelo̱i le̱ ke̱ adſamaṅi le̱ hele̱ ye. Ni fe se̱, beni nyeyo hũ le̱, nyeſaa nyehe tete, koni nyehele̱ nyeye. Luk. 7,29.

³³ Nyeboa abe̱ kroko hũ toi: Šĩatše̱ ko ye̱, ni efe *weintrom, ni efo afãbaṅ ewo he ke̱-kpe, ni etša weinbu ye̱ mli, ni etſa mō̃ ye̱ mli; ni eke̱-hã hũlo̱i apāyeli; ni †edom. *Ies. 5,1. 2. †Mat. 25,14.

³⁴ Ni beni yibii be le̱ še̱ le̱, etšũ etšũdši ke̱-te hũlo̱i le̱ aṅõ, ake̱ ame̱yaṅõ eyibii le̱ ame̱bahãle̱.

³⁵ Ni bũlo̱i le̱ mõmo etšũdši le̱, ni ame̱yi mokome, ni ame̱gbe mokome, ni ame̱tſia mokome hũ te̱i.

³⁶ Asaṅ etšũ tšũdši krokomei ni fá fè tšutšubii le̱, ni ame̱feame̱ nakai noṅṅ.

³⁷ Ši fẽ se̱ le̱ etšũ ebi ke̱-te ame̱ṅõ ekē̱: Mibi le̱, le̱ le̱ ame̱hĩe aaso̱le̱.

³⁸ Ši hũlo̱i le̱, beni ame̱na bi le̱ moṅ le̱, ame̱kē̱kē̱ amehe ake̱: Niyelo̱ le̱ ne̱! *Nyebaä, nyehãa wo̱gbeale̱, koni wo̱ye enii le̱! *27,18.

³⁹ Ni ame̱mõle̱ ame̱tšire̱ eyi se̱ ke̱-dše̱ weintrom le̱ mli, ni ame̱gbele̱.

⁴⁰ Agbe̱ne̱, ké̱ weintrom tše̱ le̱ ba le̱, té eefe hũlo̱i ne̱ tēṅ?

⁴¹ Ame̱kē̱le̱ ake̱: Eekpãtã ne̱ke̱ gbomei fõdši ne̱ ahĩe butū, ni eeṅõ weintrom le̱ ehã hũlo̱i krokomei apāyeli, mei ní ke̱ yibii aabahãle̱ ye̱ be ní sa mli.

⁴² Iesu kē̱ame̱ ake̱: Ani nyekaneko *ye̱ ṅmãle̱i le̱ amli dã ake̱: “Te̱ le̱ ní tšũtſalo̱i le̱ šē̱ fõ le̱, no noṅṅ etšṍ koṅ-te̱ ní tĕre tšũ le̱. Nuṅtšo̱ le̱ deṅ ene̱ dše̱, ni eye nākpē̱ ye̱ wo̱hĩṅme̱iiaṅ”? *Lal. 118,22. 28. Bo̱f. 4,11. Rom. 9,33. 1 Pet. 2,6-8.

⁴³ Nohewo̱ le̱ mīkē̱nye ake̱: Abašõ Nyoṅmo̱ maṅtše̱yeli le̱ ye̱ nyedeṅ; ni aaṅõ-hã dšeṅmaṅ ko ní woo̱ yibii.

⁴⁴ Ni mofẽmo ní aagbē te̱ ne̱ no̱ le̱ emli aatšere̱; ši mo no̱ ní te̱ le̱ *aagbē le̱, eegble̱le̱ mõnyõmõnyõ. *Dan. 2,34. 36. 44. 45.

⁴⁵ Ni beni oso̱fonukpai le̱ ke̱ Farisifoi le̱ nu ebe̱i le̱, ame̱ke̱ se̱ ake̱ ame̱hewo̱ ewieo̱ le̱.

⁴⁶ Ni kũle̱ ame̱mītao ake̱ ame̱mõo̱le̱; ši ame̱yaše asafoi le̱ agbeyei, edšake̱ši ame̱buo̱le̱ gbalo̱.