Mateo 14 - Ṅmãle̱ Kroṅkroṅ Le̱

¹ No be le̱ mli le̱ tetrarke Herode nu Iesu he sane;

² ni ekē̱ etšũdši le̱ ake̱: Iohane, baptisilo̱ le̱ ni; le̱ éte ši ke̱-dše̱ gbohĩĩ ateṅ, nohewo̱ ni hewale̱i le̱ tšuo̱ nii ye̱ emli ne̱.

³ Ši Herode émõ Iohane éfĩle̱ ni *éwole̱ tšũṅ ye̱ Herodia, enyemi Filipo ṅã le̱, hewo̱; *11,2.

⁴ edšake̱ Iohane ékē̱le̱ ake̱: *Edšaa ake̱ ow̌e̱o̱le̱. 3 Mose 18,16.

⁵ Ni kũle̱ etao ake̱ egbele̱, ši ēše asafo le̱ gbeyei, edšake̱ *ame̱buo̱le̱ gbalo̱, *21,26.

⁶ Ši beni ayeo̱ Herode fo̱mo̱gbĩ le̱, Herodia biyō le̱ badšo ye̱ mei le̱ ahĩe, ni efe Herode fe̱o;

⁷ nohewo̱ le̱ ekã kitã eke̱-wole̱ ši ake̱ nofẽno ní eebile̱ le̱ eehãle̱.

⁸ Ni enye wole̱ ṅā ni ebakē̱ ake̱: Nõ Iohane, baptisilo̱ le̱, yitšo ofõ kã mli ehami ye̱ bie̱!

⁹ Ni edo̱ maṅtše̱ le̱; ši ekitãi ní ekã-mo̱ le̱ ke̱ mei ni ke̱le̱ trá niyenii aši le̱ ahewo̱ le̱, efã́ ake̱ aṅõ-hãle̱.

¹⁰ Ni etšũ ayafo Iohane yitšo ye̱ tšũ le̱ mli.

¹¹ Ni aṅõ eyitšo le̱ afõ kã mli ke̱-ba, ni aṅõ-hã oblayō le̱, ni eke̱-yahã enye.

¹² Ni ekaselo̱i le̱ ba ame̱bawó egbonyo le̱ ni ame̱yafũ, ni ame̱te ame̱yakē̱ Iesu.

¹³ Ši beni Iesu nu le̱, etšṍ lele mli ke̱-dše dše̱i ke̱-te ṅãno̱ heko bãnē. Ni beni asafoi le nu le̱, ame̱dše mãdši le̱ amli amenyie amenane ke̱-tiule̱.

¹⁴ Ni Iesu dše kpo ni ebana asafo babaō, ni *emũsũṅ tšõle̱ ye̱ ame̱hewo, ni etšá ame̱teṅ helatše̱mei le̱. *9,36.

¹⁵ Ši beni še̱ gbe̱ke̱ le̱, ekaselo̱i le̱ ba eṅõ amebakē: Ṅāno̱ dši bie̱, ni dše mīna; dšiemo̱ asafoi le̱ agbe̱, ni ameya mãdši le̱ amli ní ame̱yahe niyenii.

¹⁶ Ši Iesu kē̱ame̱ ake̱: Ehĩaa ake̱ ame̱ate; nyehãaame̱ nii ame̱yea.

¹⁷ Ši ame̱kē̱le̱ ake̱: Aboloi enumo̱ ke̱ lōi enyo̱ pe̱ wo̱yo̱ ye̱ bie̱.

¹⁸ Ši ekē̱ame̱ ake̱: Nyeke̱-bahãami ye̱bie̱!

¹⁹ Ni efã́ asafoi le̱ ake̱ ame̱trátrá ši ye̱ dſe̱i le̱ ano̱. Ni ekŏ̱lo aboloi enumo̱ le̱ ke̱ lōi enyo̱ le̱, ni ekwe̱ ṅwei edšō̱ no̱, ni ekũmo̱ mli, ni eṅõ aboloi le̱ ehã ekaselo̱i le̱, ni ekaselo̱i le̱ ṅõ-hã asafoi le̱

²⁰ Ni ame̱fẽ ame̱ye ni ame̱tŏ̱ro̱, ni ame̱kŏ̱lo̱ fufudši ní fe̱ le̱ ame̱wo kafũi nyoṅma ke̱ enyo̱ obõbõ. 2 Maṅ. 4,44.

²¹ Ši mei ní ye le̱ aaše̱ hĩĩ akpei-enumo̱, sŏro yei ke̱ gbekẽbii.

²² Ni amrõ le̱ Iesu tšire̱ ekaselo̱i le̱ ayi se̱ ni ame̱bote le̱le̱ le̱ mli ní ame̱tšṍ ehĩe ke̱-ya ṅšo̱ le̱ se̱gbe̱, koni ewo asafoi le̱ agbe̱ dã.

²³ Ni beni ewo asafoi le̱ agbe̱ le̱, ekwo̱ goṅ le̱, ekometō, ní eyaso̱le. Ši beni dše na le, ekometō eyo dšei. Luk. 6,12; 9,18.

²⁴ Ši le̱le̱ le̱ eše̱ ṅšo̱ le̱ teṅ momo ni ṅšo̱kei le̱ mīhe̱le̱le̱, edšake̱ ēkpe kō̱yo̱.

²⁵ Ši nyōṅ sramo̱be ní dši edſe̱ le̱ no̱ le̱ Iesu nyie ṅšo̱ le̱ hĩe ke̱-ba ame̱ṅõ.

²⁶ Ni beni ekaselo̱i le̱ nale̱ ní enyie ṅšo̱ le̱ hĩe le̱, ame̱tšui fã, ni ame̱kē̱ ake̱: *Sisaṅ! ni ame̱blo̱ ke̱ gbeyei. *Luk. 24,37.

²⁷ Ši amrõ le̱ Iesu fã enā ekē̱ame̱ ake̱: Nyenaa tšui, miṅ; nyekašea gbeyei!

²⁸ Ši Petro here no̱ ekē̱le̱ ake̱: Nuṅtšo̱, ke̱dši boṅ le̱, fã́mi koni matao nu le̱ hīe ke̱-ba oṅõ.

²⁹ Ni ekē̱: Ba! Ni Petro dše le̱le̱ le̱ mli, ni enyie nu le hĩe ke̱-mīya Iesu ṅõ.

³⁰ Ši beni ena ake̱ kō̱yo̱ le̱ mītſa hū le̱, eše gbeyei ni ebõi šiumo̱, ni ebo ekē̱: Nuṅtšo̱, heremo̱mi!

³¹ Ni amrõ le̱ Iesu kpã enine mli eso̱ole̱, ni ekē̱le̱ ake̱: Bo ni *ohemo̱-ke̱-yeli fáá, menihewo̱ odše ṅwane? *8,26.

³² Ni beni ame̱bote le̱le̱ le̱ mli le̱, kō̱yo̱ le̱ fõ tfā.

³³ Ni mei ní yo̱ le̱le̱ le̱ mli le̱ bakotole̱ ame̱kē̱: Le̱le̱ṅ, Nyoṅmo̱ bi dšio!

³⁴ Ni beni ame̱fo ṅšo̱ le, ame̱ba Genesaret šikpoṅ le̱ no̱.

³⁵ Ni beni dše̱ibii le̱ yole̱ le̱, ame̱tšũ ate dše̱i niiaṅ fẽ, ni ayaṅõ helatše̱mei fẽ ke̱-ba eṅõ;

³⁶ ni ame̱tuto̱le̱ ake̱ ehã ame̱ná *etade le̱ nāmū le̱ ke̱ke̱ he ame̱tra; ni mei abo̱ ní tra he le̱ fẽ he waame̱ kwrā. *9,21. Luk. 6,19.