Marko 7 - Ṅmãle̱ Kroṅkroṅ Le̱

¹ Ni Farisifoi le̱ ke̱ woloṅmãlo̱i le̱ ateṅ meikomei hũ ní dše̱ Ierusalem ba le̱ bua ame̱he nā ke̱-ba eṅõ.

² Ni ake̱-ní ame̱na ake̱ ekaselo̱i le̱ ateṅ meikomei yeo̱ nii ke̱ bulemo̱ dẽ ní dši dẽ ní afo̱ko le̱, amekãame̱. Luk. 11,38.

³ Edšake̱ Farisifoi le̱ ke̱ Iudafoi le̱ fẽ le̱, dša ame̱ke̱ nu fo̱ ame̱dẽ dãni ame̱-yeo̱ nii, ame̱ke̱-yeo̱ onukpai le̱ ablemasãdši le̱ ano̱;

⁴ ni ké̱ ame̱dše̱ dšā no̱ ame̱ba le̱, dša ame̱dšu, dãni ame̱yeo̱ nii. Ni nii krokomei pī hũ ye̱ ní ato ahãame̱ ní ame̱feo̱ ye̱ kpudši ke̱ gbé̱i ke̱ ayawai ke̱ sātšei ahefo̱mo̱ hewo̱.

⁵ Ni Farisifoi le̱ ke̱ woloṅmãlo̱i le̱ bile̱ ake̱: Menihewo̱ okaselo̱i le̱ yee onukpai le̱ ablemasãdši le̱ ano̱ le̱? Edšake̱ ame̱fo̱o̱ ame̱dẽ dãni ame̱yeo̱ nii?

⁶ Ši ehere no̱ ni ekē̱ame̱ ake̱: Odšogbāṅ ni *Iesaia gba ye̱ nye osatofoi ne̱ ahe, tamo̱ bo̱ni aṅmã le̱ ake̱: “Maṅ ne̱, ame̱nābui ame̱ke̱-woo̱mi; ši ame̱tšui étši ehe ke̱-dše mihe ke̱-te šoṅṅ. *Ies. 29,13.

⁷ Ši yakatſā ame̱dšáami le̱, edšake̱ ame̱tšõo̱ tšõmo̱i ní dši gbomei akitãi.

⁸ Nyoṅmo̱ kitã le̱ nyešĩ ni gbomei ablemasãdši ano̱ nyeyeo̱ ke̱ gbé̱i ke̱ kpu-dši ahefo̱mo̱, ni nii ní tamo̱ ene̱mei so̱ṅṅ nyefeo̱.”

⁹ Ni ekē̱ame̱ ake̱: Gbe̱ po nyedše nyekwa Nyoṅmo̱ kitã le̱, koni nyeye nyeblemasane le̱ no̱.

¹⁰ Edšake̱ Mose kē̱: *“Wo otše̱ ke̱ onye!” ni “moni lomoo̱ etše̱ lo enye le̱, gbe aagbele̱!” *2 Mose 20,12; 21,17.

¹¹ Ši nye le̱ nyekē̱: Ké̱ moko kē̱ etše̱ alo enye ake̱: “Noni kũle̱ oona ye̱ mideṅ le̱, Korban [noni ake̱-ke Nyoṅmo̱] ni le̱”,

¹² bĕle̱ nyehãã efe noko ehã etše̱ lo enye doṅṅ;

¹³ ni nyegu Nyoṅmo̱ wiemo̱ le̱ ye̱ nyeblemasane ni nyeke̱-ba dšeṅ le̱ hewo̱, ni nii ní tamo̱ ene̱mei so̱ṅṅ nyefeo̱.

¹⁴ Ni etše̱ asafo le̱ fẽ ke̱-ba eṅõ ekē̱-ame̱ ake̱: Nyefẽ nyeboami toi koni nyenu šiši!

¹⁵ Noko be̱ ní dše̱o̱ kpono̱ gbe̱ boteo̱ gbomo mli ní aanyẽle̱ *abule; ši noni buleo̱ gbomo dši noni dše̱o̱ emli le̱. *Bo̱f. 10,14. 15.

¹⁶ Ke̱ moko ye̱ toi ní eke̱-anu le̱, hã ní enu!

¹⁷ Ši beni edše asafo le̱ ṅõ eba šĩa le̱, ekaselo̱i le̱ bile̱ abe̱ le̱ šiši.

¹⁸ Ni ekē̱ame̱ ake̱: Ani ne̱ke̱ nye hũ nyenaa nii ašiši? Nyeyoo se̱ ake̱, nofẽno ní dše̱o̱ kpono̱ gbe̱ boteo̱ gbomo mli le̱, enyẽẽle̱ ebule?

¹⁹ Edšake̱ dšee etšui mli eboteo̱, ši emũsũṅ eyaã, ni eyadšeo̱ kpo ye̱ tiafi ní hăa ṅmā̃ fẽ he tšeo̱ le̱ mli.

²⁰ Ni ekē̱ ake̱: Noni dše̱o̱ gbomo mli le̱, no noṅṅ buleo̱le̱.

²¹ Ši mligbe̱, ní dši gbomei atšuii amli le̱, dše̱i dſẽṅmo̱i fõdši le̱ dše̱o̱, gblãfitemo̱, adſamaṅbō̱, awuyeli,

²² dšū, hĩedšōmo̱ dšeṅšabā, šišiumo̱, nyenyeṅtſibō̱, hĩṅme̱iša, musubō̱, hewo, kwašiaiasaneyeli.

²³ Nii fõdšĩ ne̱ fē le̱, mligbe̱ dše̱o̱ ni ame̱buleo̱ gbomo.

²⁴ Ni ete ši ye̱ dše̱i ni eyiṅ ke̱-te Tiro ke̱ Zidon niiaṅ. Ni eyabote šĩa ko, ni esumo̱o̱ ake̱ aleo̱, ši enyẽẽ ehe etē.

²⁵ Edšake̱ yō ko ní mumo̱ fõṅ yo̱ ebiyō fiō ko mli le̱, enu ehe; ni eba ebakũla ši ye̱ enãdši anā.

²⁶ Ši yō le̱ Helayō ni, ni edše̱ Siro-foinike weku le̱ mli. Ni ebakpale̱ fai ni éfã daimonio le̱ ye̱ ebiyō le̱ mli.

²⁷ Ši Iesu kē̱le̱ ake̱: Hã bii le̱ atŏ̱ro̱ fẽdã; ši edšaa ake̱ aṅõo̱ bii abolo le̱ ašé̱re̱o̱ aſieo̱ gbēbii.

²⁸ Ši yō le̱ here no̱ ekē̱le̱ ake̱: Nuṅtšo̱, eye mli moṅ; ši be̱ gbēbii hũ ni yo̱ okplõ le̱ šiši le̱ yeo̱ bii afufudši le̱ eko!

²⁹ Ni ekē̱le̱ ake̱: Ne̱ke̱ wiemo̱ ne̱ he-wo̱ le̱ ya, daimonio le̱ edše obi le̱ mli.

³⁰ Ni eyiṅ ete ewe le̱, ni eyana ake̱ daimonio le̱ édše kpo, ni ebiyō fiō le̱ kã sā le̱ no̱.

³¹ Ni ekŭ ese̱ ekoi, ke̱-dše̱ Tiro niiaṅ, ke̱-foṅ ye̱ Zidon ni etšṍ Dekapoli kpokpai le̱ ano̱ ke̱-ba Galilea ṅšo̱ le̱ nā. Mat 15,29-31.

³² Ni ake̱ moko ni mũo̱ toi ni mumui hũ dšile̱ ba eṅõ, ni ame̱kpale̱ fai koni eṅõ *enine eṅmẽ eno. *5,23.

³³ Ni eke̱le̱ dše asafo le̱ teṅ ke̱-te afã, ni eṅõ ewabii ewo etoii amli, ni *etšẽ ladšõ eke̱-sa elile̱i le̱ he. *8,23.

³⁴ Ni *ekwe̱ ṅwei, ni edõmo̱ ntšo̱i ye̱ emli ni ekē̱le̱ ake̱: Hefata! ešiši dši: Gblemo̱! *6,41. Ioh. 11,41.

³⁵ Ni amrõ le̱ etoii le̱ gble, ni elile̱i kpā le̱ fẽne, ni ewie faṅṅ.

³⁶ Ni etſa ame̱nā mã ake̱ ame̱kakē̱ moko; ši babaō ní etſaä ame̱nā mã le̱, babaō ní ame̱dšadšeo̱ dši no. 1,43-45.

³⁷ Ni ame̱he dšõ ame̱he babaō dientše̱, ni ame̱kē̱: Efe nii fẽ dšogbāṅ! Ehãa toimũlo̱i nuo̱ nii, ni mumuii hũ wieo̱.