Marko 6 - Ṅmãle̱ Kroṅkroṅ Le̱( 6,1-6 . Mat 13,53-58. Luk. 4,15-20.) 1 Ni edše dše̱i, ni eyiṅ ete le̱dientše̱ emã le̱ṅ, ni ekaselo̱i le̱ nyie ese̱. 2 Ni beni še̱ hedšō̱mo̱gbĩ le̱, ebõi nitšõmo̱ ye̱ kpēhe le̱; ni mei pī ní nu le̱ ahe dšõ ame̱he ame̱kē̱: *Nẽgbe̱ mone̱ yaná nii ne̱ ke̱-dše̱? ni mẽ nilē ake̱-hãle̱, ní ake̱-tšṍo̱ enine no̱ atšuo̱ ne̱ke̱ hewale̱-nitšumo̱i ne̱? *Ioh. 7,15. 3 Ani dšee ṅālo̱ le̱ ne̱, Maria bi le̱, ke̱ Iakobo ke̱ Iose ke̱ Iuda ke̱ Simon nyemi le̱? ani dšee enyemimeiyei le̱ hũ ke̱wo̱ yo̱ bio̱ le̱? Ni ehe sane le̱ hā ame̱nane tõtõ. 4 Ši Iesu kē̱ame̱ ake̱: Akpaa gbalo̱ wó, ake̱ dša ernaṅ ke̱ ewekumei ateṅ ke̱ ewe ke̱ke̱. 5 Ni enyẽẽ hewale̱-nitšumo̱ ko etšu ye̱ dše̱i, ake̱ dša noni eṅõ enidši eṅmẽlẽ helatše̱mei fiō ko no̱ ni etšáame̱ le̱. 6 Ni ehĩe fele̱ yā ye̱ he ní ame̱hee ame̱yee le̱ hewo̱. Ni eyakpa akrowai le̱ amli ni etšõ nii. (7-13. Mat 10,1. 9-16. Luk. 9,1-3) 7 Ni etšé̱ mei nyoṅma ke̱ enyo̱ le̱ ke̱-ba eṅõ, ni ebõiame̱ tšũmo̱ *enyo̱nyo̱, ni ehãame̱ hegbe̱ ye̱ mumo̱i fõdši le̱ ano̱. *Luk. 10,1. 8 Ni ewoame̱ akpo̱ ake̱ ame̱kahĩe noko ye̱ gbe̱ le̱ no̱, ake̱ dša tšo ke̱ke̱; ame̱-kahĩe kotoku lo abolo lo šika ye̱ ame̱-he̱fĩnii amli; 9 ši ame̱wo tokotai, ni ame̱kawo flakai enyo̱. 10 Ni ekē̱ame̱ ake̱: Hefẽhe ní nyeabote šĩa ko ye̱ le̱, nyehĩa dše̱i ke̱-yaši beyino̱ ni nyeadše dše̱i ekoṅ. 11 Ni mei abo̱ ni eṅõṅnye ni ame̱boṅ nyewiemo̱ le̱ toi le̱, ké̱ nyemīdše dše̱i le̱ nyekpokpoa nyenaneši mlu nyeſiea ši nyeke̱-yeaame̱ odase. Le̱le̱ṅ, mīkē̱nye ake̱, kodšomo̱gbĩ le̱ no̱ le̱, aafãṅ Sodombii ke̱ Gomorabii fè nakai maṅ le̱. 12 Ni ame̱yiṅ ame̱te, ni ame̱yašie̱ ame̱tšõ mei ake̱ amé̱tšake ame̱tšui. 13 Ni ame̱fãmo̱ daimonioi pī, ni *ame̱-fo̱fō̱ helatše̱mei pī amũ ni ametšáame. *Iak. 5,14. 15. (14-29. Mat. 14,1-12. Luk. 9,7-9; 3,19. 20.) 14 Ni maṅtše̱ Herode nu ehe, edšake̱ egbe̱i ehehe; ni ekē̱ ake̱: Iohane, baptisilo̱ le̱, éte ši ke̱-dše̱ gbohĩĩ ateṅ; nohewo̱ ni hewale̱i ne̱ tšuo̱ nii ye̱ emli ne̱. 15 Meikomei kē̱ ake̱: Elia ni; ši meikomei hũ kē̱ ake̱: Gbalo̱ ni, alo etamo̱ gbaloi le̱ eko. 16 Ši beni Herode nu le̱, ekē̱: Iohane ni mifo eyi le̱, le̱ ete ši ekoṅ ke̱-dše̱ gbohĩĩ ateṅ ne̱. 17 Edšake̱ le̱ Herode le̱ noṅṅ etšŭ abamõ Iohane, ni efĩle̱ ewo tšùṅ, ye̱ Herodia, enyemi Filipo ṅã le̱, hewo̱; edšake̱ eṅõle̱ efe eṅã. 18 Edšake̱ Iohane kē̱le̱ ake̱: Edšaa ake̱ oṅõo̱ *onyemi le̱ ṅã le̱. *3 Mose 18,16. 19 Hewo̱ le̱ Herodia be̱le̱ wo emli, ni ētaole̱ egbe; ši enyẽẽ; 20 edšake̱ Herode mĩše Iohane gbeyei, ake̱-ní ele ake̱ dšalo̱ ke̱ nū kroṅkroṅ dšile̱ le̱, ni etole̱ ſeſēſe, ni eboo̱le̱ toi ye̱ nibii pī amli, ni ewiemo̱ ṅõ enā. 21 Ni gbĩ ní sa le̱ baše̱, beni Herode yeo̱ efo̱mo̱ gbidsŭrõ le̱, ni eṅmẽ egbomei agboi ke̱ esafoatše̱mei ke̱ Galilea onukpai le̱ okplõ; 22 ni Herodia le̱ noṅṅ biyō ba ebadšo, ni esa Herode ke̱ mei ní ke̱le̱ trá okplõ le̱ he le̱ ahĩe. Ni maṅtše̱ le̱ kē̱ gbekẽyō le̱ ake̱: Bimi nofẽno ni otaoo̱, ni mahão! 23 Ni ekãle̱ kitã ake̱: Nofẽno ni oobimi le̱, mahão, ke̱ mimaṅtše̱yeli le̱ fã te-teṅ le̱! Est. 5,3. 6. 24 Ni edše kpo eyabi enye ake̱: Meni mibi? Ni ekē̱: Iohane, baptisilo le̱, yitšo. 25 Ni amrõ le̱ eba maṅtše̱ le̱ ṅõ oyá ni ebabile̱ ake̱: Mītao ake̱ oṅõ Iohane, baptisilo̱ le̱, yitšo ohãmi amrõ ne̱ ye̱ kā mli! 26 Ni edo̱ maṅtše̱ le̱ naakpa; ši ekitã le̱ ke̱ mei ní ke̱le̱ trá niyenii aši le̱ ahe-wo̱ le̱ esumo̱o̱ ake̱ ekãmãale̱. 27 Ni amrõ le̱ maṅtše̱ le̱ tšũ oblafo ni efã́le̱ ake̱ eke̱ eyitšo aba. 28 Ni ete eyafo eyi ye̱ tšũ le̱ṅ, ni eṅõ-ṅmẽ kã mli ke̱-ba, ni eke̱-bahã gbekẽyō le̱, ni gbekẽyō le̱ hũ ke̱-yahã enye. 29 Ni beni ekaselo̱i le̱ nu le̱, ame̱bawó egbonyo le̱, ni ame̱yafũle̱. 30 Ni bo̱foi le̱ bua ame̱he nā ke̱-ba Iesu ṅõ, ni ame̱bagbale̱ nii ní ame̱yafe ke̱ nii ní ame̱yatšõ le̱ fẽ. Luk. 9,10. 31 Ni ekē̱ame̱ ake̱: Nyeso̱ṅṅ nyebaä ni wo̱tea ṅã le̱ no̱ heko bãnē, ni nyeyadšō̱a nyehe fiō. Edšake̱ mei ní baä yaä le̱ fá tšṍ ni ame̱naa dekã ke̱-ye nii tete. (32-44. Mat 14,13-21. Luk. 9,10-17. Ioh. 6,1-13.) 32 Ni ame̱tšṍ le̱le̱ mli ke̱-te ṅã le̱ no̱ heko bãnē. 33 Ni beni asafoi le̱ naame̱ ni ame̱yaä le̱, mei pī yole̱, ni ame̱dše̱ mãdši le̱ fẽ mli ame̱dšo foi ke̱-tšṍ šikpoṅ ke̱-te dše̱i, ni ame̱ho ame̱nā, ni ame̱yabua ame̱he nā ke̱-ba eṅõ. 34 Ni beni Iesu kpleke le̱, ena mei babaō, ni *emũsŭṅ tšõle̱ ye̱ ame̱hewo̱, edšake̱ ame̱tamo̱ tōi ni be̱ kwe̱lo̱; ni ebõiame̱ nibii pī tšõmo̱. *Mat. 9,36. 35 Ni beni dše bõi namo le̱, ekaselo̱i le̱ ba eṅõ ame̱bakē̱le̱ ake̱: Ṅãno̱ dši bie̱, ni dše hũ mina; 8,1-9. 36 woame̱ gbe̱, koni ameya akrowai ke̱ mãdši ní dſere ši ne̱ amli ni ame̱yahe nii ame̱ye; edšake̱ ame̱be̱ noko ní ame̱baye. 37 Ši ehere no̱ ekē̱ame̱ ake̱: Nyedientše̱ nyehãaame̱ noko ame̱yea. Ni ame̱kē̱le̱ ake̱: Ani wó̱ya wo̱yahe abolo denarioi ohai-enyo̱ nā, ní wo̱ṅõ-hãame̱ ame̱ye? 38 Ši ekē̱ame̱ ake̱: Aboloi enyie nyeyo̱? nyeyaä ní nyeyakwe̱a. Ni beni ame̱-yakwe̱ le̱, ame̱kē̱: Enumo̱ ke̱ lōi enyo̱. 39 Ni efã́ame̱ ní ame̱trá ši asafoi-asa-foiaṅ ye̱ dſe̱fo̱ le̱ no̱. 40 Ni ame̱trá ši kuikui ye̱ ohahai ke̱ nyoṅmai-enumo̱-enumo̱i amli. 41 Ni eṅõ aboloi enumo̱ ke̱ lōi enyo̱ le̱, ni *ekwe̱ ṅwei edšō̱ no̱, ni ekũmo̱ aboloi le̱ eṅõ-hã ekaselo̱i le̱ koni ame̱ke̱-hãame̱, ni edša lōi enyo̱ le̱ hũ mli ehã ame̱fẽ. *7,34. 42 Ni ame̱fẽ ame̱ye ni ame̱tŏ̱ro̱. 43 Ni ame̱kŏ̱lo̱ fufudši le̱ ame̱wo kafũi nyoṅma ke̱ enyo obõbõ ke̱ lōi le̱ hũ eko. 44 Ni mei ní ye aboloi le̱ ayibo̱ dši hĩĩ akpei-enumo̱. (45-53. Mat 14,22-35. Ioh. 6.15-21.) 45 Ni amrõ le̱ etšire̱ ekaselo̱i le̱ ayi se̱ ní ame̱ya le̱le̱ le̱ṅ, koni ame̱tšṍ ehĩe ke-ya ṅšo̱ le̱ se̱ ni ame̱ya Betsaida, ke̱-yaši be ní eewo asafo le̱ gbe̱. 46 Ni beni ewoame̱ gbe̱ le̱, eyiṅ ete goṅ le̱ no̱ eyaso̱le. 47 Ni beni dše na le̱, le̱le̱ le̱ eše̱ ṅšo̱ teṅ, ni ekome eye̱ šikpoṅ. 48 Ni ena ake̱ w̌irimo̱ le̱ mīto̱ame̱; edšake̱ ame̱mīkpe kō̱yo̱. Ni nyō le̱ mli, aafe sramo̱be ní dši edſe̱ le̱ ne̱ le̱, enyie ṅšo̱ le̱ no̱ ke̱-mība ame̱ṅõ; ni ẽtao eho ame̱he. 49 Ši beni ame̱nale̱ ní enyie ṅšo̱ le̱ no̱ le̱, amesusu ake̱ sisa ni, ni ame̱blo̱. 50 Edšake̱ ame̱fẽ ame̱nale̱, ni ame̱tšui fã. Ni amrõ le̱ eke̱ame̱ wie ni ekē̱ame̱ ake̱: Nyetšui anyõa nyemli; mi ni; nyekašea gbeyei! 51 Ni eba ame̱ṅõ ye̱ le̱le̱ le̱ mli; ní *kō̱yo̱ le̱ fō tſā. Ni aiue̱nā kpe̱ ame̱he naakpa dientše̱, ni ame̱hĩe feame̱ ya po. *4,39. 52 Edšake̱ ame̱yoko noko se̱ ye̱ aboloi le̱ asane le̱ mli; edšake̱ ame̱tšui wa. 53 Ni beni ame̱fo ṅšo̱ le̱, ame̱ba Genesaret šikpoṅ le̱ no̱, ni ame̱bakpleke. 54 Ni beni ame̱dše le̱le̱ le̱ mli le̱, amrõ le̱ mei le̱ yole̱; 55 ke̱ke̱ ni ame̱ša foi ke̱-yakpà dše̱i niiaṅ fẽ, ni ame̱bõi mei ni he yeo̱ le̱ aholemo̱ ye̱ sāi ano̱ ke̱ eṅõ bā, ye̱ heni amenu ake̱ eyo̱ le̱. 56 Ni hefẽhe ni ebote akrowai lo mãdši lo ṅmõdši amli ye̱ le̱, ame̱ke̱ helatše̱mei baſie blohũiaṅ, ni ame̱kpale̱ fai koni ehã ame̱ná etade nāmū le̱ ke̱ke̱ he *ame̱tra; ni mei abo̱ ní tra he le̱, ame̱he waame̱. *5,27. 28. |
The Bible in Ga © Bible Society of Ghana, 1896, 1992.
Bible Society of Ghana