Lalai 87 - Ṅmãle̱ Kroṅkroṅ Le̱

¹ Korabii le̱ alala ní ame̱la. Emaṅ ni eto le̱ ye̱ gõdši kroṅkroṅi le̱ ano̱.

² Iehowa sumoo̱ Zion agbói le̱ fè Iakob šihĩle̱hei le̱ fẽ.

³ Agbaä ohe anumnyam sãdši, bo, Nānyoṅmo̱ maṅ le̱! (Sela.)

⁴ Matšĩ *Rahab ke̱ Babel tã mafutu mei ní lemi le̱; na, Filistea ke̱ Tiro ke̱ †Kuš fẽ le̱, aakē̱ ye̱ ame̱he ake̱; Afo̱ mone̱ ye̱ dše̱i. *Ies. 30,7. †Lal. 68,32.

⁵ Ši Zion le̱, aakē̱ ye̱ ehe ake̱: Afo̱ mei le̱ fẽ ekomekome ye̱ dše̱i, ni Ṅweinyo le̱ dientše̱ aahã emã ši.

⁶ Beni Iehowa ṅmãa mãdši le̱ agbe̱i le̱, eekane ni eekē̱ ake̱: Afo̱ mone̱ ye̱ dše̱i. (Sela.)

⁷ Lalatšemei ke̱ dsõ̀bilo̱i fẽ aake: Minubui le̱ fia-kwa ye̱ omli!