Lalai 85 - Ṅmãle̱ Kroṅkroṅ Le̱

¹ Korabii le̱ alala ni ame̱ke̱-hã lalatše̱ nukpa le̱.

² Iehowa, oná ošikpoṅ le̱ he tšui, okpla Iakob nom ní aṅõle̱ ke̱-ba ekoṅ.

³ Oṅõ omaṅ le̱ tõmo̱ le̱ ofa, otšĩmo̱ ame̱he ešai le̱ fẽ no̱. (Sela.) Lal. 89,50.

⁴ Odšie omlila le̱ fẽ ke̱-dše wo̱no̱, okpale ke̱-dše̱ omlifũ ní nā wa le̱ mli.

⁵ Wo̱yiwalaheremo̱ Nyoṅmo̱, tšṍ ohe ohãwo̱, ni ohā omli ní ewowo̱ la le̱ se̱ afo!

⁶ Aso omli aafũwo̱ ke̱-ate nāno̱? ookã omlifũ le̱ he ke̱-te yino̱i fẽ no lo? Lal 77,8.

⁷ Aso ohãṅ wo̱yi aná wala ekoṅ, beni afe ní omaṅ le̱ anyã́ ye̱ omli?

⁸ Iehowa, dšiemo̱ omo̱bo̱nale̱ le̱ otšõ-wo̱, ni oke̱ oyiwalaheremo̱ le̱ adrowo̱!

⁹ Mabo noni Mawu Iehowa aawie toi; edšake̱ ewieo̱ hedšo̱le̱ wiemo̱i etšṍo̱ emaṅ le̱ ke̱ emei kroṅkroṅi le̱, ni ame̱kakũ ame̱se̱ ekoṅ ke̱-mīya kwašiafemo mli. Lal. 72.5.

¹⁰ Le̱le̱ṅ eyiwalaheremo̱ be̱ṅke̱ mei ni šeo̱le̱ gbeyei le̱, koni anumnyam ahĩ wo̱-šikpoṅ le̱ no̱.

¹¹ Mo̱bo̱nale̱ ke̱ ano̱kwale ebakpe, dšale̱ ke̱ hedšole̱ eſo̱ſō̱ amehe nā.

¹² Ano̱kwale le̱, šikpon ekwẽo̱ ke̱-dše̱o̱, ni dšale̱ dše̱o̱ ṅwei gboo̱ ehĩe ši ekwe̱o̱.

¹³ Iehowa aṅō nõkpakpa ahã, ni wo̱-šikpoṅ le̱ aaba enii.

¹⁴ Dšale̱ aanyie ehĩe ni eeṅõ enanemāhei le̱ efe gbe̱.