Lalai 46 - Ṅmãle̱ Kroṅkroṅ Le̱

¹ Korabii le̱ alala ní ake̱-hã lalatše̱ nukpa le̱, ni ake̱ oblayei agbē ala.

² Nānyoṅmo̱ dši wo̱bobāhe ke̱ wo̱-hewale̱, wo̱buamo̱ ní wa ní wo̱náa ye̱ ſĩmo̱i amli.

³ Nohewo̱ le̱, ké̱ šikpoṅ hĩe tšṍ bu ši ni gõdši fãmo̱ yagbē ṅšo̱ teṅ po le̱, wo̱šeṅ gbeyei;

⁴ ké̱ emli nui le̱ hū ni efe hãmãhãmã ni gõdši tete hoso ye̱ egrimo̱ le̱ hewo̱ po le̱, wo̱šeṅ gbeyei. (Sela.)

⁵ Fā ko ye̱ ní enidši le̱ hãa Nyoṅmo̱ maṅ le̱ mī še̱o̱ ehe, moni yo̱ ṅwei šoṅṅ le̱ šihĩle̱hei kroṅkroṅi le̱. Lal. 48,2. 2 Maṅ. 19,21. Ies. 12,3.

⁶ Nyoṅmo̱ ye̱ eteṅ, edidãṅ; Nyoṅmo̱ aaye abuale̱ lebi mā̃ṅkpa.

⁷ Dšeṅmãdšì le̱ feo̱ hō, maṅtše̱yelii le̱ didãa: Ewoo̱ egbē, ni šikpoṅ le̱ sẽreo̱.

⁸ Iehowa Zebaot ke̱wo̱ ye̱, wo̱bobāhe dši Iakob Nyoṅmo̱ le̱. (Sela.)

⁹ *Nyebaä nyebakwe̱a Iehowa nitsumo̱i le̱, no hĩekpãtãmo̱ ni ehã eba šikpoṅ le̱ no̱ le̱! *2 Maṅ. 19,35.

¹⁰ Ehãa *tai ase̱ foo̱ ke̱-yaã šikpoṅ le nāgbēhei le̱, ekũo̱ gai mli, ni efoo̱ akplo̱ mli, ta ſīlii le hũ ešãa ke̱ la. *Lal. 76,4.

¹¹ Nyefea diō ni nyenáa nyelea ake̱ midši Nyoṅmo̱; aawó mino̱ godšō ye̱ dšeṅmãdši ateṅ, aawó mino̱ godšō ye̱ šikpoṅ le̱ no̱!

¹² Iehowa Zebaot ke̱wo̱ ye̱, wo̱bobāhe dši Iakob Nyoṅmo̱ le̱. (Sela.)