Lalai 118 - Ṅmãle̱ Kroṅkroṅ Le̱

¹ Nyedaä Iehowa ši, edšake̱ ehĩ; edšake̱ nāno̱ emo̱bo̱nale̱ hĩo̱ ši ke̱-yaä! Lal. 107,1.

² Hã Israel akē̱ ake̱: Nāno̱ emo̱bo̱nale̱ hĩo̱ ši ke̱-yaä! Lal. 115,9-13.

³ Hã Aaron we le̱ akē̱ ake̱: Nāno̱ emo̱bo̱nale̱ hĩo̱ ši ke̱-yaä!

⁴ Hã Iehowa šelo̱i le̱ akē̱ ake̱: Nāno̱ emo̱bo̱nale̱ hĩo̱ ši ke̱-yaä!

⁵ Amanehũlũ mli midše̱ mitšé̱ Iehowa; Iehowa heremi no̱ ni eke̱mi damo̱ he ní lē̱.

⁶ Iehowa ye̱ mise̱, mišee gbeyei; meni gbomo aanyẽmi afe? Lal 56,5. Heb 13,6.

⁷ Iehowa ye̱ mise̱ ake̱ mibualo̱, nohewo̱ le̱ mana noni mitaoo̱ ye̱ mihenye̱lo̱i le̱ ahe le̱. Lal. 51,9.

⁸ Ehĩ ake̱ abaä Iehowa abo fè noni ake̱ hĩe aafõ gbomo no̱.

⁹ Ehĩ ake̱ abaä Iehowa abo fè noni ake̱ hĩe aafo lume̱i ano̱. Lal. 146,3.

¹⁰ Ké̱ dšeṅmãdši fẽ bo̱lemi le̱: Iehowa gbe̱i amli le̱ maflo̱ame̱ maſie.

¹¹ Ké̱ ame̱bo̱lemi ke̱-kpe kwrā po: Iehowa gbe̱i amli le̱ maflo̱ame̱ maſie.

¹² Ké̱ ame̱bo̱lemi tamo̱ wòbii le̱: ame̱-agboi tamo̱ *ṅmei la; Iehowa gbe̱i amli le̱ maflo̱ame̱ maſie! *Ies. 33,12.

¹³ Otšimi ní magbē ši; ši Iehowa ye buami.

¹⁴ Iehowa dši mihewale̱ ke̱ miyidšiemo̱ lala, ni etšṍ miyiwalaheremo̱. 2 Mose 15,2.

¹⁵ Nyã́mo̱ ke̱ yiwalaheremo̱ gbẽ ye̱ dšalo̱i abūi amli: Iehowa ninedšũrõ tšuo̱ nii wudši.

¹⁶ Iehowa ninedšũrõ le̱ awó no̱; Iehowa ninedšũrõ tšuo̱ nii wudši.

¹⁷ Migboṅ, ši moṅ miyi aaná wala, ni madšadše Iehowa nitšumo̱i le̱ matšõ!

¹⁸ Iehowa egbla mitoi moṅ, ši eṅõkomi ehãko gbĕle. 2 Kor. 6,9.

¹⁹ Nyegblea dšale̱ agbói le̱ nyehãami, ni mabote mli, ni mayada Iehowa ši!

²⁰ Iehowa agbó le̱ ne̱: Dšalo̱i le̱ aabote mli.

²¹ Mīdao ši ake oheremi no̱, ni otšṍ miyiwalaheremo̱.

²² Te̱ le̱ ni tšũtſalo̱i le̱ še̱-fō le̱ etšṍ koṅte̱. Ies. 28,16. Mat. 21,42.

²³ Iehowa nifemo̱nii ne̱; eye̱ nākpe̱ ye̱ wo̱hĩe.

²⁴ Ṅme̱ne̱ dši gbĩ ni Iehowa fe le̱; wo̱mli aafliwo̱ ni wo̱nyã́ ye̱ mli!

²⁵ Ō Iehowa, heremo̱ wo̱yiwala ko! ō Iehowa, hã omanye aba ko!

²⁶ Adšō̱ moni baä ye̱ Iehowa gbe̱i ano̱ le̱! Wo̱dse̱o̱ Iehowa we le̱ wodšōo̱nye. Mat. 21,9; 23,39.

²⁷ Iehowa le̱ Mawu ni, ni ehã la etšo ehãwo̱. Nyefĩmo̱a gbĩdsũrõ-afo̱lei le̱ ke̱ kpãi ke̱-yaã afo̱lešãlate̱ le̱ kòdšĩ le̱ ahe!

²⁸ Mi-Mawu dšio, ni madao ši; mi-Nyoṅmo̱ dšio, makafoö!

²⁹ Nyedaä Iehowa ši, edšake̱ ehĩ; edšake̱ nāno̱ emo̱bo̱nale̱ hĩo̱ ši ke̱-yaä!