Lalai 113 - Ṅmãle̱ Kroṅkroṅ Le̱

¹ Haleluya! Nye Iehowa tšũdši, nyedšiea eyi, nyedšiea Iehowa gbei le̱ yi!

² Yidšiemo̱ ahã Iehowa gbei le̱ ke̱-dše̱ be ne̱ mli āhũ ke̱-yaši nāno̱!

³ Esa ake̱ adšie Iehowa gbei le̱ yi ke̱-dše̱ hũlũ šitēhe ke̱-yaši ešinyõhe!

⁴ Iehowa kwe̱ godšō ke̱-teke dšeṅmãdši fẽ, ni enumnyam le̱ teke ṅwei.

⁵ Namo tamo̱ Iehowa, wo̱-Nyoṅmo̱ le̱, moni ešitámo̱he yo̱ ṅwei le̱, 2 Mose 16,11. Ies. 57,15.

⁶ moni mãa ehĩe ši ní ekwe̱o̱ nii ni yo̱ ṅwei ke̱ šikpoṅ le̱ no̱ fẽ le̱? Luk. 1,48.

⁷ Eteo̱ hũmi ši ke̱-dše̱o̱ sũ mli, ni ewóo̱ ohĩafo no̱ ke̱-dše̱o̱ tumu no̱, 1 Mose 41,40. 41. 1 Sam 2,8.

⁸ koni ehã eke̱ abladei, ni dši emaṅ le̱ mli abladei le̱, atrá ši.

⁹ Ehāa yō kene tšṍo̱ šĩanye ni etšṍo̱ biianye ní nyã́a. Haleluya! 1 Mose 21,2. 1 Sam. 1,20; 2,21. Luk. 1,57. 58.