Lalai 104 - Ṅmãle̱ Kroṅkroṅ Le̱

¹ Dšiemo̱ Iehowa yi, misusuma! Iehowa, mi-Nyoṅmo̱, oda naakpa; owo wō ke̱ agbodšē.

² Oha la tamo̱ mama, ni olē̱ ṅwei mli tamo̱ muhō̱;

³ oke̱ oṅweitšũi le̱ ese̱ṅ nui ano̱, oṅõo̱ atatui ofeo̱ oſīlii, ni oyašĕraä ši ye̱ kō̱yo̱ fĩdši ano̱;

⁴ oṅõo̱ kō̱yo̱i ofeo̱ obo̱foi, oṅõo̱ la ni tšoo̱ plamplam ofeo̱ osúolo̱i; Heb. 1,7.

⁵ oṅõ šikpoṅ le̱ oto ešišitõnii le̱ ane̱, koni ekahoso gbĩkogbĩko.

⁶ Oke̱ nu eha he tamo̱ mama; nui le̱ damo gõdši le̱ ayiteaṅ.

⁷ Oyiṅā̃ nā le̱ ame̱dšo foi, o-nyoṅmo̱-šimo gbē le nā le amehe fe oyá ke̱-te. Hiob 38,8-11.

⁸ Gõdši le̱ holehole ame̱he no̱, dsō̱i le̱ hũ babā ši ke̱-te heni oto ohãame̱ le̱.

⁹ Oto hũsũ, ní ame̱kateke ní ame̱kũ ame̱se̱ ame̱baha šikpoṅ le̱ no̱.

¹⁰ Ohãa fāi anā dšeo̱ ye̱ dšō̱i amli, ame̱hoo̱ ye̱ gõdši le̱ ateṅ.

¹¹ Ame̱hãa ṅãno̱ koloi fẽ nu ame̱nuo̱, ṅãṅ tedšii ke̱-gbeo̱ ame̱kũmai.

¹² Ṅwei lofõdši hĩo̱ ame̱mase̱i, ame̱laä ye̱ tšeianidši le̱ ateṅ.

¹³ Odše̱o̱ oṅweitšũi le̱ amli oſieo̱ gõdši le̱ ano̱ nu; onitšumo̱i le̱ amli yibii le̱ hãa šikpoṅ le̱ to̱ō̱.

¹⁴ Ohãa dſe̱i kwẽo̱ hã šĩa koloi le̱, ke̱ ſie hũ ni gbomo ye̱ he nitšumo̱, ko-ni šikpoṅ le̱ aba niyenii, Lal 147,8.

¹⁵ ke̱ *wein ni hãa ádesã tšui nyõo̱ emli, ke̱ mũ ní hãa ehĩe kpe̱o̱, ke̱ abolo ni woo̱ gbomo tšui hewale̱. *Kodš. 9,13. Dšadš. 10,19.

¹⁶ Iehowa tšei le̱ hũ tō̱ro̱ö̱, Lebanon tšenedrui le̱ ni ete̱o le̱,

¹⁷ heni lofõdši feo̱ ame̱tšũi ye̱; klitšo le̱, se̱se̱oi amli dši ewe.

¹⁸ Gõdši somomõi le̱ ano̱ dši dùdši abobãhe, ni afutuo̱ko̱i anõ dši te̱sãi amli.

¹⁹ Eto nyoṅtšẽre ehã bei; *hũlũ hũ le ešinyō̃be. *Lal. 19,7; 74,16.

²⁰ Ohãa duṅ woo̱, ni dše naä; no mli kōṅ lōi fẽ dšeo̱ kpo.

²¹ Dšatabii hũo̱ ke̱-nyieo̱ mīle̱lo Se̱, ni ame̱taoo̱ ame̱niyenii ke̱-dše̱o̱ Mawu deṅ.

²² Ké̱ hũlũ te ši le̱, ame̱gblaä ame̱he ši ni ame̱yabumoo̱ ame̱wō̱he.

²³ Gbomo dšeo̱ kpo yaä enitšumo̱ ni egboo̱ deṅme ke̱-yašio̱ gbe̱ke̱.

²⁴ Iehowa, kwe̱ bo̱ni onitšumo̱i le̱ fá hã! Nilē oke̱-fe fẽ; šikpoṅ le̱ no̱ eyi to̱ ke̱ onibō̱nii le̱!

²⁵ Ṅšo̱ ne̱, eda ni elē̱ te̱trē̱, nibii ní anyẽẽ akane wamoo̱ ye̱ mli, lōi bibii ke̱ ewudši fẽ.

²⁶ Le̱dši le̱ nyieo̱ dse̱i ke̱ leviatan ní obo̱le̱, koni eſe̱ ye̱ mli le̱.

²⁷ Ame̱fẽ le̱, bo gbe̱ ame̱kwe̱o̱, koni ohãame̱ ame̱niyenii ye̱ be ni sa mli. Lal 145,15. 15.

²⁸ Ohãa-ame̱, ni ame̱buabuaä nā; ogbleo̱ odē, ame̱tō̱ro̱ö̱ ke̱ nii kpakpai.

²⁹ Oke̱ ohĩe tēe̱, ní ame̱haoo̱; odšieo̱ ame̱mumo̱ le̱, ni ame̱plenēo̱, ni ame̱kũo̱ ame̱se̱ ke̱-yaä ame̱sũ le̱ṅ. 1 Mose 3,19.

³⁰ Otšũo̱ omumo̱ le̱ ke̱-baä, ni abo̱ö̱-ame̱, ni ohãa šikpoṅ le̱ hĩe tšṍo̱ ehē.

³¹ Iehowa anumnyam le̱ aahĩ ši ke̱-ate nāno̱, Iehowa aanyã́ enitšumo̱i le̱ ahe.

³² Ekwe̱o̱ šikpoṅ le̱, ni ehosoo̱; etraä gõdši le̱ ahe, ni ame̱dšeo̱ lasũ. Lal. 144,5.

³³ Gbĩĩabo̱ ní mihĩe kã ne̱ mala ma-hã Iehowa, gbĩĩabo̱ ní miyo̱ dšeṅ lolo ne̱ mala madšie mi-Nyoṅmo̱ le̱ yi.

³⁴ Hã miyiṅ susumo̱ aṅõ enā; manyã́ ye̱ Iehowa mli!

³⁵ Hã ešafelo̱i atã ye̱ šikpoṅ le̱ no̱, ni meifõdši hũ akahĩ ši doṅṅ. Dšiemo̱ Iehowa yi, misusuma! Haleluya!