Lalai 10 - Ṅmãle̱ Kroṅkroṅ Le̱

¹ Iehowa, mẽba odamo̱ se̱ fle̱ṅṅ, ni otē ohe ye̱ fīmo̱ bei amli ne̱? Lal. 44,25.

² Mofõṅ hewō hewo̱ le̱ ehaoo̱ nõnalo̱; hã amõmo̱ame̱ ye̱ ame̱dientše̱ ame̱ṅāi ni ame̱to le̱ amli!

³ Edšake̱ mofõṅ ſãa efõo̱ esusuma se̱dinii le̱ ano̱, ni amimyelo̱ hũ kwaä Iehowa ni elio̱le̱.

⁴ Mofõṅ wóo̱ egugõ no̱ ekē̱o̱: “Ebiṅ ši!” Eyiṅ fẽ le̱: “Nyoṅmo̱ ko be̱!”

⁵ Egbè̱i le̱ ye̱ ſeſēſe befẽbe; okodšomo̱i le̱ *edše ehĩe ke̱-te šoṅṅ; efũo̱ ewoo̱ ehenye̱lo̱i le̱ fẽ. *Amos 9,3.

⁶ Ekē̱o̱ ye̱ etšui mli ake̱: Mididãṅ, amanehũlũ baṅ mino̱ gbĩkogbĩko. Lal. 73,4-8.

⁷ *Lōmo̱ ke̱ kũtũmpo̱o ke̱ amimyeli eyi edāṅ obõ; haomo̱ ke̱ nišaianii yo̱ elile̱i šiši. Rom. 3,14.

⁸ Etáa ši ewoo̱ ká ye akrowai ahe, egbeo̱ moni efeko noko le̱ ye̱ nifĩfĩaṅ; edšieo̱ ehĩe ekáa moni efĩle̱ le̱.

⁹ Ebuo̱ ši ye̱ tēmo̱he tamo dšata ye̱ ebo mli. Ewoo̱ ká, koni emō nõnalo̱ le̱; kē̱ enine gbe nõnalo̱ le̱, egblaäle̱ ewoo̱ eyã le̱ mli. Lal. 17,12.

¹⁰ Ebuo̱ ši, ekotoo̱ ši, ni mei ní efĩ-ame̱ gbēo̱ eka mli.

¹¹ Ekē̱o̱ ye̱ etšuiṅ ake̱: Mawu hĩe ekpa no̱; eṅõ ehĩe etẽ, ni *enaṅ gbĩko-gbĩko. *Lal. 94,7.

¹² Iehowa, wó ohe no̱! Mawu, wó onine no̱! Ohĩe akakpa nõnalo̱i ano̱!

¹³ Mẽhewo̱ ni mofõṅ lio̱ Nyoṅmo̱, ni ekē̱o̱ ye̱ etšui mli ake̱: Odiṅ se̱?

¹⁴ Le̱le̱ṅ, ona; edšake̱ bo le̱ onaã haomo̱ ke̱ aw̌ere̱hō fẽ, koni atu awo odeṅ; bo odeṅ moni efīle̱ le̱ tuo̱ ehe ewoo̱; bo noṅṅ dši *awusã hefatalo̱. *Lal. 68.6. 2 Mose 23.22.

¹⁵ Kũ mofõṅ le̱ nine, ni otao efõṅfelo̱ *nõfõṅ le̱ ke̱-yaši beyino̱ ní onaa eko doṅṅ! *Lal. 37,10. 36.

¹⁶ *Iehowa dši maṅtše̱ ke̱-dše̱ nāno̱ ke̱-yaši nāno̱; dšeṅmãdši le̱ ahĩe kpãtãa ke̱-dše̱o̱ ešikpoṅ le̱ no̱. *Lal. 99,1.

¹⁷ Iehowa, onu noni nõnalo̱i taoo̱; owo ame̱tšui hewale̱, ohã otoi enu,

¹⁸ koni oye awusã ke̱ moni awaäle̱ yi le̱ sane ohãame̱, beni afe ní gbomo ádesã ní dše̱ šikpoṅ le̱ he akahĩ gbeyei doṅṅ.