Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Kojolɔi 18 - Ṅmãle̱ Kroṅkroṅ Le̱

1 Nakai gbĩĩ le̱ amli le̱ *maṅtše̱ ko be̱ Israe̱l; ni nakai gbĩĩ amli hũ le̱ Danbii le̱ akutšo le̱ mitao gbe̱fãṅnõ ko ahã ame̱he ni ame̱yahĩ dše̱i; †edšake̱ ke̱-baši nakai gbĩ le̱ no̱ le̱ ame̱náko ame̱gbe̱fãṅnõ ye̱ Israel akutšei le̱ ateṅ. *17,5. †1,34.

2 Ni Danbii le̱ tšũ hĩĩ kãkãlo̱i enumo̱ ke̱-dše̱ ame̱weku le̱ fẽ mli ke̱-dše̱ *Zora ke̱ Eštaol, koni ame̱yasra šikpoṅ le̱ ní ame̱kpale̱ ši tſẽm, ni ame̱kē̱ame̱ ake̱: Nyeyaä ni nyeyakpaä šikpoṅ le̱ ši! Ni ame̱ba Efraim gõdšĩ ašikpoṅ le̱ no̱ ye̱ Mika we le̱, ni ame̱bawo̱ dše̱i. *13,25.

3 Beni ame̱be̱ṅke̱ Mika we le̱, ame̱na oblanyo *Levinyo le̱ wiemo̱; ni ame̱gbale dše̱i, ni ame̱kē̱le̱ ake̱: Oke̱ namo ba bie̱? ni meni ofeo̱ ye̱ bie̱? ni meni hũ oyo̱ ye̱ bie̱? 17,7.

4 Ni ekē̱ame̱ ake̱: Ne̱ke̱ ke̱ ne̱ke̱ Mika ke̱mi eye efua, ni ebo̱mi apā, koni miye oso̱fo mihãle̱.

5 Ni ame̱kē̱le̱ ake̱: Wo̱mīkpao fai, bi Nyoṅmo̱ ohãwo̱, koni wo̱ná wo̱le ake̱ wo̱gbe̱ ní wo̱nyie ne̱ aafe šade gbe̱ lo?

6 Ni oso̱fo le̱ kē̱ame̱ ake̱: Nyeyaä ke̱ omanye! Gbe̱ ní nyenyie ne̱ dša ye̱ Iehowa hĩe!

7 Ke̱ke̱ ni hĩĩ enumo̱ le̱ yiṅ ni ame̱te Laiš, ni ame̱yana dše̱ibii le̱, bo̱ni ame̱he edšo̱ame̱ tamo̱ Zidonbii le̱, ni ame̱yo̱ kpõ ke̱ ſeſēſe; ni moko be̱ šikpoṅ le̱ no̱ ni yeo̱ame̱ no̱ ní efeo̱ame̱ efõṅ ko, ni ame̱ke̱ Zidonbii le̱ ateṅ dšeke̱, ni ame̱ke̱ mokomoko be̱ nanyobō̱ ko.

8 Ni ame̱kũ ame̱se̱ ke̱-ba ame̱nyemi-mei le̱ aṅõ ye̱ Zora ke̱ Eštaol; ni ame̱-nyemimei le̱ biame̱ ake̱: Té nyeyana tẽṅ?

9 Ni ame̱kē̱: Nyetea ši ni wo̱yani-naä-ame̱! Edšake̱ wo̱yana šikpoṅ le̱, ni na, ehĩ naakpa. Nĩ nye le̱, ši nyetrá? Nyekaṅõšašaoa ši ni nyeya ní nyeyaṅõ šikpoṅ le̱ nyefe nyenõ!

10 Kē̱ nyete le̱, nyeayanina maṅ ko ni ame̱he edšo̱ame̱, ke̱ šikpoṅ ni da; edšake̱ Nyoṅmo̱ eṅõ-wo nyedeṅ; he ko ni šikpoṅ ne̱ no̱ nihii fẽ mli eko eko he be̱ onã ye̱ le̱.

11 Ni Danbii aweku le̱ṅ hĩĩ ohai-ekpa ní emĩa ke̱ tawūnii fã ke̱-dše̱ Zora ke̱ Eštaol.

12 Ni ame̱yĩṅ ame̱te, ni ame̱yabo̱ nsra ye̱ Kiriat-Iearim ye̱ Iuda; nohewo̱ le̱ ame̱-wo dše̱i gbe̱i ake̱ Mabanē-Dan ke̱ ṅmene̱; na, eye̱ Kiriat-Iearim se̱.

13 Ni ame̱fo mli ye̱ dše̱i ke̱-te *Efraim gõdši le̱ ano̱, ni ame̱yase Mika šĩa le̱ he. *17,1.

14 Ke̱ke̱ ni yadše hĩĩ enumo̱ le̱ ni te yasra Laiš šikpoṅ le̱ nā le̱, ame̱kē̱ ame̱-nyemimei le̱ ake: Ani nyele ake̱ ne̱ke̱ šĩai ne̱, *efod ke̱ wo̱dši ke̱ amãgã ní akpe ke̱ noni aſie ye̱ mli lo? nohewo̱ le̱ agbe̱ne̱ nyekwe̱a bo̱ni nyeafe! *17,4. 6.

15 Ni ame̱gbá dše̱i, ni ame̱se̱ oblanyo Levinyo le̱ šĩa le̱, ni dšĩ Mika šĩa le̱, he, ni ame̱ṅãle̱.

16 Ni hĩĩ ohai-ekpa ni emĩa ke̱ ame̱-tawūnii le̱, ní dše̱ Danbii le̱ ateṅ le̱, damo̱ agbó le̱ nā.

17 Ni hĩĩ enumo̱ le̱ ni te šikpoṅ le̱ sramo̱ le̱ te, ni ame̱yabote šĩa le̱ ni ame̱-hole amãgã ni akpe le̱ ke̱ efod le̱ ke̱ wo̱dši le̱ ke̱ amãgã ni aſie le̱; nĩ oso̱fo le̱ damo̱ agbó le̱ nā ke̱ hĩĩ ohai-ekpa ni emĩa ke̱ tawūnii le̱.

18 Ni heni mene̱mei yabote Mika we le̱ ni ame̱hole amãgã ní akpe̱ le̱ ke̱ efod le̱ ke̱ wo̱dši le̱ ke̱ amãgã ni aſie le̱, oso̱ſo le̱ kē̱ame̱ ake̱: Meni nyefeo̱ ne̱?

19 Ni ame̱kē̱le̱ ake̱: Bu onā ni oke̱ onine ato onā, ni obaho ni wo̱te, ni oyatšṍ wo̱tše̱ ke̱ wo̱so̱fo! Ani ehĩ hão ake̱ ooye oso̱fo ohã gbomo kome we moṅ fè noni ooye oso̱fo ohã akutšo ke̱ weku mū ye̱ Israel lo?

20 Ni eṅõ oso̱fo le̱ nā, ní eṅõ efod le̱ ke̱ wo̱dši le̱ ke̱ amãgã ní akpe̱ le̱, ni eke̱-ha mei le̱ aṅõ.

21 Ke̱ke̱ ni ame̱tšṍ ame̱he ni ame̱ṅõ-ſie no̱, ni ame̱ṅõ gbekẽbii ke̱ šĩa koloi ke̱ nibii ni he dšraä le̱ ame̱to ame̱hĩegbe̱.

22 Beni ame̱ke̱ Mika we le̱ mli egbla kplaṅṅ le̱, šĩai ni be̱ṅke̱ Mika we le̱ amlibii le̱ bua ame̱he nā, ní ame̱tiu Danbii le̱.

23 Ni ame̱blo̱ ame̱tšē̱ Danbii le̱ ayise̱. Ni ame̱tšṍmo̱ ame̱hĩe ni ame̱kē̱ Mika ake̱: Meni feo̱o, ni oke̱ asafo ni tamo̱ ne̱ke̱ baã ne̱?

24 Ni ekē̱: Minyoṅmo̱i ni mife le̱ nyebalō, ke̱ oso̱fo le̱, ni nyeṅō-ſie no̱ ke̱-mīya, ni meni miyo̱ ye̱ se̱ doṅṅ? ni mẽba nyekē̱o̱mi ake̱: Meni feo̱o le̱?

25 Ši Danbii le̱ kē̱le̱ ake̱: Kāhã anu ogbē ye̱ wo̱teṅ, ní mlilatše̱mei akatšẽ ke̱-mība ono̱, ní ame̱bakpãtã bo ke̱ owebii le̱ asusuma hĩe!

26 Ni Danbii le̱ yi ame̱gbe̱ no̱ ke̱-te; ni beni Mika na ake̱ ame̱he wa fèle̱ le̱, etšṍ ehe ni ekũ ese̱ ke̱-te ewe le̱.

27 Ši ame̱ le̱ ame̱ṅõ nibii ní Mika efe le̱, ke̱ eso̱fo le̱, ni ame̱te ame̱yatua Laiš, maṅ ko ní yo̱ kpõ ni ame̱he edšo̱ame̱ le̱, ni ame̱ke̱ klante gbegbēame̱, ni ame̱-ke̱ la šã maṅ le̱;

28 ni herelo̱ ko be̱, edšake̱ eke̱ Zidon dšeke̱, ni ame̱ke̱ mokomoko be̱ nanyobō̱ ko. Ni eye̱ dšō̱ ni kã Bet-Rehob mase̱i le̱ṅ. Ni ame̱sā maṅ le̱ ame̱to, ni ame̱hĩ mli,

29 ni ame̱ke̱ ame̱tše̱ *Dan ni dši Israel bi le̱ gbe̱i Dan le̱ wo maṅ le̱. Ši sá le̱ maṅ le̱ gbe̱i dši Laiš. *Ios. 19,47.

30 Ni *Danbii le̱ ke̱ amãgã ni akpe̱ le̱ mã ši hã ame̱he, ni Ionatan, ni dši Mose bi Geršom bi le̱, ke̱ ebihĩĩ le̱ ye oso̱foi hã Danbii akutšo le̱ ke̱-yaši gbĩ no̱ ní aṅõ šikpoṅ le̱ nom. *1 Maṅ. 12,29.

31 Ni ame̱ke̱ amãgã ní akpe̱ ní Mika fe le̱ mã ši hã ame̱he gbĩĩabo fẽ ni Nyoṅmo̱ we le̱ yo̱ *Šilo le̱. *Ios. 18,1.

The Bible in Ga © Bible Society of Ghana, 1896, 1992.

Bible Society of Ghana
ကြှနျုပျတို့နောကျလိုကျပါ:



ကြော်ငြာတွေ