Kojolɔi 14 - Ṅmãle̱ Kroṅkroṅ Le̱

¹ Ni Samson yiṅ ete Timna, ni eyana yō ko ye̱ Timna, ní dši Filistibii le̱ abiyei le̱ eko.

² Ni ekũ ese̱ ke̱-ba, ni ebagba etše̱ ke̱ enye ake̱: Miyana oblayō ko ye̱ Timna ye̱ Filistibii le̱ ateṅ, nohewo̱ le̱ agbe̱ne̱ nyeyaṅõale̱ nyebahãami mafe miṅã.

³ Ni etše̱ ke̱ enye kē̱le̱ ake̱: Aso yō ko yō ko be̱ onyemimei le̱ abiyei le̱ ke̱ midšakubii le̱ fẽ ateṅ, hewo̱ ni oyaã oyaṅõ yō *ye̱ Filistibii fōlo̱i le̱ ateṅ le̱? Ni Samson kē̱ etše̱ ake̱: Yaṅõ le̱ obahãmi, edšake̱ le̱ misumoo̱! *2 Mose 34,16.

⁴ Ši etše̱ ke̱ enye lee ake̱ Iehowa deṅ dše̱, ni Filistibii le̱ ahe gbe̱ etaoo̱, edšake̱ nakai be le̱ mli le̱ Filistibii le̱ yeo̱ Israel no̱.

⁵ Ni Samson ke̱ etše̱ ke̱ enye yiṅ ke̱-te Timna. Ni beni ame̱še̱ Timna weintromi le̱ ahe le̱, na, dšata oblanyo ko hū ke̱-ba eno̱.

⁶ Ni *Iehowa Mumo̱ le̱ bayi eno̱, ni etšere̱ emli, tamo̱ atšere̱o̱ abotiabi mli noṅṅ, tše̱ ehĩee nokonoko ye̱ edeṅ; ni egbaa etše̱ ke̱ enye noni efe le̱, *13,25.

⁷ Ni eyiṅ ete, ni eke̱ yō le̱ yawie, ni Samson sumo̱ esane.

⁸ Ni yee gbĩ ko le̱ ekũ ese̱ ete le̱ ṅõ; ni egbá ke̱-te dšata gbonyo le̱ kwe̱mo̱, ni na, wòbii asafo eto wò ye̱ dšata le̱ mũsũṅ.

⁹ Ni edšie eko ehĩe edẽ, ni ehĩe yeli ke̱-nyie, ni ebanina etše̱ ke̱ enye, ni ehã-ame̱ eko ame̱ye; ši ekē̱ē̱ame̱ ake̱ dšata le̱ mũsũṅ edšie wò le̱ ye̱.

¹⁰ Ke̱ke̱ ni etše̱ yiṅ ke̱-te yō le̱ ṅõ, ni Samson ṅmẽ okplõ ye̱ dše̱i, edšake̱ nakai oblahĩĩ le̱ fo̱ö̱ femo̱.

¹¹ Ni eba mli ake̱, beni ame̱nale̱ le̱, ame̱yaṅõ nanemei nyoṅmai-etẽ ame̱ba-fata ehe.

¹² Ni Samson kē̱ame̱ ake̱: Agbe̱ne̱ mibabunye abe̱ ko; ké̱ nyeanyẽ nyetšõmi šiši ye̱ okplõṅmē̃ gbĩĩ kpawo ne̱ mli, ni nyeana le̱, no le̱ mahãnye mamai nyoṅmai-etẽ ke̱ hetšakemo̱ atadei nyoṅmai-etẽ;

¹³ ši ke̱dši nyenyẽẽ nyetšõmi šiši le̱, no le̱ nye hũ nyebahãmi mamai nyoṅmai-etẽ ke̱ hetšakemo̱ atadei nyoṅmai-etẽ. Ni ame̱kē̱le̱ ake̱: Bu obe̱ le̱, ní wo̱bo toi!

¹⁴ Ni ekē̱ame̱ ake̱: Niyenii dše̱ nõyelo̱ le̱ mli, ni ṅõmo̱ dše̱ hewalo̱ le̱ mli. Ni ame̱nyẽẽ abe̱ le̱ šiši ame̱tšṍ ãhũ gbĩī etẽ so̱ṅṅ.

¹⁵ Ni eba mli ake̱ gbĩ ni dši gbĩ kpawo le̱ ame̱kē̱ Samson ṅã le̱ ake̱: Lakamo̱ owù ni etšõwo̱ abe̱ le̱ šiši, ke̱-dšee nakai le̱, wo̱ke̱ la aašão ke̱ otše̱ we le̱; aso wo̱deṅ nišõmo̱ hewo̱ nyebakpēwo̱ lo?

¹⁶ Ke̱ke̱ ni Samson ṅã le̱ fó wole̱ ni ekē̱: Nye ke̱ke̱ onye̱o̱mi, ši osumo̱o̱mi. Obu midšakubii abe̱, ši otšõkomi šiši! Ni ekē̱le̱ ake̱: Na, mitše̱ ke̱ minye tete mitšõkoame̱ šiši, ni bo ni mitšõo lo?

¹⁷ Ni efó ewole̱ gbĩĩ kpawo le̱ fẽ ní okplõṅmē̃ le̱ kã no̱ le̱; ni eba mli ye̱ gbĩ ní dši gbĩ kpawo le̱ no̱ ake̱ egbale̱, edšake̱ *ēye etšui. Ni eyatšõ edšakubii le̱ abe̱ le̱ šiši. *16,16. 17.

¹⁸ Ni gbĩ ni dši gbĩ kpawo le̱ no̱, dãni hũlũ nyõ ši le̱, mã le̱ṅ hĩĩn le̱ kē̱le̱ ake̱: Meni ṅõ fè wò, ni meni he wa fò dšata? Ni ekē̱ame̱ ake̱: Nyeke̱ mitšina le̱ hũũ dšikũle̱, nyenaṅ mibe̱ le̱ šiši!

¹⁹ Ni Iehowa Mumo̱ le̱ bayi eno̱, ni eyĩṅ ke̱-te Aškelon, ni eyagbe ame̱teṅ hĩĩ nyoṅmai-etẽ, ni eṅõ ame̱hewo̱ nibii, ni eke̱ hetšakemo̱ atadei le̱ yahã mei ni tšõ abe̱ le̱ šiši le̱. Ni emli fũ, ni eyĩṅ ke̱-te etše̱ we le̱.

²⁰ Ši aṅõ Samson ṅã le̱ ahã *enanyo ní eke̱-bo̱ö̱ le̱. *15,2.