Hosea 5 - Ṅmãle̱ Kroṅkroṅ Le̱

¹ Nyeboa ene̱ toi, nye oso̱foi, ni nyekaä toi, nye Israel! we, ni nyefea toi, maṅtše̱ we! Ši nye no̱ kodšomo̱ le̱ ba-ba; edšake̱ nyetšṍ tšõne nyehã Mizpa, ke̱ yā ní aṅõ-lē̱ ši ye̱ Tabor no̱.

² Efõṅfelo̱i le̱ ebote nyenyeṅtſibō̱ mli vī̃; ši midši moni kãa ame̱fẽ.

³ Mile Efraim, ni Israel hũ aṅõkole̱ atēkomi; ši agbe̱ne̱ obo̱ö̱ adſamaṅ, Efraim, ni Israel ebule ehe. 1,2.

⁴ Ame̱nifemo̱nii le̱ hãã ame̱kũ ame̱se̱ ke̱-ba ame̱-Nyoṅmo̱ le̱ ṅõ; edšake̱ *adſamaṅbō̱ mumo̱ ye̱ ame̱mli, ni ame̱lee Iehowa. *4,12.

⁵ Ni Israel hewō le̱ mīye odase ye̱ ehĩe, ni Israel ke̱ Efraim aagbē ši ye̱ ame̱nišai-anii le̱ amli; Iuda hũ ke̱ame̱ aagbē ši.

⁶ *Ame̱ke̱ ame̱tōi ke̱ ame̱tšinai le̱ aate ayatao Iehowa, ši ame̱naṅle̱: egbla ehe ši ke̱-dše̱ ame̱ṅõ. *Ies. 1,11-15.

⁷ Ame̱ye Iehowa kũtũmpo̱o, edšake̱ ame̱fo̱fō̱ maikpõdši abii. Agbe̱ne̱ nyõṅ hē aayeame̱ ke̱ ame̱gbe̱fãṅnii le̱!

⁸ Nyekpãa te̱tre̱mantre̱ ye̱ Gibea, nye-kpãa kōfẽṅ ye̱ Rama! Nyebo̱a oše ye̱ *Bet-Awen, — ke̱-nyie ose̱, Benyamin! *4,15.

⁹ Efraim aatšṍ amaṅfõ ye̱ kãmo̱ gbĩ le̱ no̱. Mihã ale ano̱kwale le̱ ye̱ Israel akutšei le̱ amli!

¹⁰ Iuda lume̱i le̱ tamo̱ mei ní tšio̱ hũsũ ke̱-yaä se̱; mafo̱se mimlifũ le̱ ma-ſie ame̱no̱ tamo̱ nu.

¹¹ Aye Efraim amim, atšṍ esane hĩe abu ši; edšake̱ ēsumo̱ ake̱ enyie yakanii ase̱.

¹² Nohewo̱ le̱ mĩtšṍ tamo̱ omlẽgẽ mi-hã Efraim, ke̱ šramo̱ hũ mihã Iuda we le̱.

¹³ Ni beni Efraim na ehela le̱, ni Iuda hũ na epilamo̱ le̱, ke̱ke̱ ni Efraim yiṅ ete *Ašur ṅõ, ni etšũ ke̱-te maṅtše̱ †Iareb ṅõ; ši le̱ hũ enyẽẽnye etšá, lo ní eetšá nyepilamo̱ le̱. *7,11. †10,6.

¹⁴ Edšake̱ mitšṍ *tamo̱ kōtše̱ mihã Efraim, mitšṍ tamo̱ dšata mihã Iuda we le̱; mi noṅṅ †matšere̱ mli ni mate, ma-wó ke̱-ate, ni dšielo̱ ko be̱. *13,7. †6,1.

¹⁵ Makũ mise̱ ke̱-ate migbe̱he le̱, ke̱-yaši beyino̱ ní ame̱akalẽ ame̱tõmo̱ le̱ ni ameabatao mihĩegbe̱; *ké̱ efĩame̱ le̱, ame̱-ataomi mrã. *Ies. 25,13.