Hosea 12 - Ṅmãle̱ Kroṅkroṅ Le̱

¹ Efraim bo̱leo̱ mihe ke̱-kpeo̱ ke̱ amale ni Israel we le̱ hũ ke̱ šišiumo̱, ni Iuda hũ kăa he edšeo̱ Mawu se̱ etšomloo̱, ehĩĩ ši ye̱ nii kroṅkroṅi ní mã ši šiṅṅ le̱ ahe.

² Efraim hakuo̱ kō̱yo̱, ni enyieo̱ bo-kã kō̱yo̱ se̱; dāne̱ ehãa amale ke̱ hĩekpãtãmo̱ fáa, ni ame̱ke̱ *Ašur kpãṅo̱, ni atĕreo̱ mũ ke̱-yaä Mizraim. *7,11.

³ Ni asaṅ Iehowa ke̱ Iuda ye̱ sane, ni ebawo Iakob nyõmo̱ ye̱ egbè̱i le̱ anā, ni eetole̱ nãdšiaṅ ye̱ enifemo̱nii le̱ anā.

⁴ Emõ enyemi le̱ nanetšitši ye̱ mũsũṅ, ni beni eda le̱ eke̱ Nyoṅmo̱ ši mple. 1 Mose 25,22. 26; 32,25-29.

⁵ Hē̃, eke̱ bo̱fo le̱ ši mple ni eye no̱; efó, ni ekpale̱ fai; enale̱ ye̱ Betel, ni *eke̱wo̱ wie ye̱ dše̱i. *1 Mose 35,15.

⁶ Ni Iehowa dši Zebaot Nyoṅmo̱ le̱, Iehowa dši *egbe̱i ní ake̱-kaio̱le. *Lal. 35,19.

⁷ Nohewo̱ lē̱ kpalemo̱ ke̱-ya o-Nyoṅmo̱ le̱ ṅõ; hĩemo̱ mo̱bo̱nale̱ ke̱ kodšomo̱ mli, ni okwe̱ o-Nyoṅmo̱ le̱ gbe̱ dāne̱!

⁸ Dšrayelo̱ dšile̱, šišiumo̱ nsẽni ye̱ edeṅ; esumoo̱ amimyeli!

⁹ Ši Efraim kē̱: Kẽle̱ *mitšṍ niiatše̱, miná nii babaō mihã mihe! Mideṅme-gbomo̱ mli nii le̱ fẽ mli ie̱ anaa tõmo̱ ko ní dši eša ye̱ mihe! *Kpods. 8,17.

¹⁰ Ši *midši Iehowa, o-Nyoṅmo̱ le̱ ke̱-dše̱ Mizraim šikpoṅ le̱ no̱ bēbe, ma-hă ohĩ būi amli ekoṅ tamo̱ gbĩĩ dšudši le̱ ano̱. *13,4.

¹¹ Ni mike̱ gbalo̱i le̱ wie, ni mihã nināi fá pī, ni mitšṍ gbalo̱i le̱ ano̱ mibubū abe̱i.

¹² Ké̱ Gilead dši efõṅ le̱, ame̱fẽ ame̱hĩe aakpãtã; Gilgal ame̱šãa tšinai afo̱le ye̱: ame̱fo̱lešãlate̱i le̱ hũ tamo̱ te̱i kuikui ye̱ ṅmõši akofii le̱ ateṅ.

¹³ Ši Iakob *dšo foi ke̱-te Aram ṅã le̱ no̱, ni †Israel súmo̱ ye̱ ṅã hewo̱, ekwe̱ tōi ye̱ ṅã hewo̱. *1 Mose 28,5. †1 Mose 22,20.

¹⁴ Ni gbalo̱ no̱ Iehowa tšṍ *edšie Israel ke̱-dše̱ Mizraim ke̱-ba, ni gbalo̱ no̱ etšṍ ekwe̱ame̱. *3 Mose 3,10.

¹⁵ Efraim wo emli la naakpa; nohewo̱ le̱ eehã elá le̱ abua eyiteṅ, ni e-Nuṅtšo̱ le̱ aakpale ehorabō̱ le̱ afõ eno̱!