Hiob 24 - Ṅmãle̱ Kroṅkroṅ Le̱

¹ Mẽhewo̱ ni Ofe le̱ etoo be ehãã nyõmo̱wo, ni mei ni lele̱ le̱ enaa egbĩĩ le̱?

² Atšire̱o̱ hũsũi, ašõo̱ koloikui ekã nā ni alè̱o̱ame̱. 5 Mose 27,17.

³ Akplaä awusãi atedši ke̱-yaã, ni aheo̱ okũlafo tšina awaba.

⁴ Atšire̱o̱ ohĩafoi ke̱-dše̱o̱ gbe̱ no̱; šikpoṅ le̱ no̱ šitſialo̱i fẽ tētēo̱ ame̱he.

⁵ Na, ame̱tamo̱ ṅãṅ tedšii ye̱ ṅãno̱, ni ame̱dšeo̱ kpo ke̱-yaä ame̱nitšumo̱, ame̱-mītao lè̱nii; ṅã kpatā le̱ hãa ame̱bii aniyenii.

⁶ Ṅmõ mli ame̱flo̱ō̱ ame̱koloi aniyenii ye̱, ni ame̱yeo̱ kpe̱kpe̱o ye̱ mofõṅ weintrom mli.

⁷ Ame̱wo̱o̱ ke̱ ame̱he yayai ni mama be̱ ame̱he, fẽibe mli hũ amehe hehãnõ.

⁸ Gõdši ano̱ nyoṅmo̱ yio̱ame̱, ni ake̱-ni ame̱be̱ abobāhe hewo le̱, ame̱ho̱lo̱ö̱ te̱sāi ašiši.

⁹ Ame̱tšeo̱ awusã ye̱ fufo̱ nā, ni ame̱-heo̱ awaba ye̱ ohĩafo deṅ.

¹⁰ Ame̱nyienyieo̱ yayai ni mama be̱ ame̱he, ni ame̱ke̱ hõmo̱ tereo̱ abledšatšui. Ies. 58,7.

¹¹ Ame̱gbogboi ateṅ ame̱feo̱ mũ ye̱; ame̱nānāa weinṅã̀tšõnei, ši *kũmai yeo̱ame̱. *Iak. 5,4.

¹² Mei dõmoo̱ ntšo̱i ke̱-dše̱o̱ mãdši amli, ni pilafoi asusuma blo̱ö̱; ši kẽle̱ Nyoṅmo̱ edii nakai nõša le̱ se̱.

¹³ Mene̱mei dši la henye̱lo̱i le̱ ateṅ meikomei, ame̱lee egbè̱i le̱, ni asaṅ ame̱hĩĩ etempõṅi le̱ ano̱ hũ.

¹⁴ Awuyelo̱ teo̱ ši lebi mrã egbeo ohĩafo ke̱ šitſialo̱, ní nyõṅ le̱ etamo̱ dšulo̱ noṅṅ.

¹⁵ Ni gblãfitelo̱ hũ hĩṅme̱i kwe̱o̱ hīebule̱ gbe̱, ekē̱o̱ ake̱: Hĩṅme̱i ko enaami! ni eke̱ no̱hānõ hũ haä ehĩe.

¹⁶ Duṅ mli ame̱gbulo̱ö̱ tšũi ame̱woo̱ mli; ame̱woo̱ ame̱he tšũṅ ſane, ame̱lee la po.

¹⁷ Edšake̱ lebi tamo̱ gbĕlehō̃ṅ hãame̱; edšake̱ duṅ kpī ṅmiṅmii le̱ ehomo̱ame̱.

¹⁸ *Ehoo̱ oyá ye̱ nu hĩe; alomo̱ ame̱-gbe̱fãṅnõ le̱ ye̱ šikpoṅ le̱ no̱, etšṍṅ ehĩe ke̱-yaṅ weintromi agbe le̱ no̱. *1 Mose 49,4.

¹⁹ Dšeṅ hereṅṅ ke̱ latšā hãa snō nui le̱ tãa, nakai noṅṅ gbohĩĩadše hũ lōo̱ mei ní feo̱ eša le̱.

²⁰ Enye mũsũ tete hĩe kpaä eno̱; gõgõmii nyã́a eyeli he. Akaiṅle̱ kwrakwra doṅṅ; ni aakũ nõfõṅ tamo̱ tšo.

²¹ Ehaã yō kene ní fo̱o̱ le̱ nii, ni yō okũlafo hũ, efeele̱ edšũrõ.

²² Kẽle̱ Nyoṅmo̱ tšṍo̱ ehewale̱ no̱ ehãa hewalo̱i yaä no̱; ame̱teo̱ ši, beni ame̱hĩe kãã wala no̱ doṅṅ le̱.

²³ Ehãa ame̱hĩo̱ ši ſeſēſe, ni ame̱ke̱ ame̱he fõo̱ no no̱; ši ehĩṅme̱ii dſere ame̱-gbè̱i le̱ ano̱ kẽ.

²⁴ Awóo̱ ame̱no̱, ši be fiõ se̱ le̱ ame̱be̱; ame̱plenẽ, ni abuaä ame̱nā tamo̱ mei fẽ, ni aflo̱ö̱ame̱ tamo̱ abletšei ayiteaṅ.

²⁵ Ni agbe̱ne̱ ké̱ dšee nakai le̱, namo aake ake̱ mimale, ni eehã miwiemo̱ le̱ afe yaka?