Hiob 22 - Ṅmãle̱ Kroṅkroṅ Le̱

¹ Ke̱ke̱ ni Elifaz, Temannyo le̱, here no̱ ni ekē̱:

² Ani ádesã ko he ye̱ se̱námo̱ hã Mawu? Moṅ nilelo̱ le̱, le̱dientše̱ enáa ehe se̱!

³ Ani ké̱ dšalo̱ dšio le̱, Ofe le̱ náa se̱ ko ye̱ mli? alo ké̱ oha ogbè̱i le̱ ye emū le̱, enáa noko ye̱ mli?

⁴ Aso o-Nyoṅmo̱ gbeyeišemo̱ hewo̱ ekaa ohĩe ni eke̱o yeo̱ sane ne̱?

⁵ Ani dšee onifõdšianii le̱ ni fá babaō, ní onišaianii le̱ alee nā?

⁶ Edšake̱ oheo̱ awaba ye̱ onyemimei adeṅ yakatſā, ni heyayaiatše̱mei hũ o kplaä ame̱he mamai. 24,9. 10. 2 Mose 22,25. 23. Ies. 58,7.

⁷ Moni eto̱le̱ le̱, ohããle̱ nu enu, ni moni hõmo̱ eyele̱ hũ, okãmãale̱ abolo. Mat. 25,42. 43.

⁸ Ši gbomo ni nineši wa le̱, le̱ enõ dši šikpoṅ le̱; ni moni hĩe yo̱ nyam le̱, le̱ ehĩo̱ no̱.

⁹ Yei okũlafoi le̱ ofieo̱ame̱ ke̱ ame̱-dẽ flo, ni awusãi le̱ okũmoo̱ ame̱nidši. 29,12.

¹⁰ Nohewo le̱ tšõnei ebo̱leo ke̱-kpe, ni ṅmiṅmi mõo̱o trukā!

¹¹ Alo onaa duṅ ke̱ nu afua ní eha ono̱ le̱?

¹² Nto Nyoṅmo̱ kwo̱ fè ṅwei? Ni kwe̱ ṅulamii akwo̱le̱, bo̱ni ame̱kwo̱ ame̱hã!

¹³ Nĩ okē̱o̱ ake̱: Meni Mawu le? Ani eenyẽ etšṍ duṅ kpī ne̱ mli ekodšo?

¹⁴ Atatui dši ehehānõ, hewo̱ le̱ enaa nii; ni ṅwei ati le̱ mli ešẽraä ši ye̱.

¹⁵ Ani oonyie blema gbe̱ le̱ ni meifõdši nyie no̱ le̱ no̱?

¹⁶ mei ni alōame̱ ke̱-te *dãni še̱ ame̱-be, ni †amešišitō le̱ tšṍ nu tamo fā? *15,32-33. †1 Mose 7,21.

¹⁷ Mei ni kē̱ Mawu ake̱: Dše wo̱no̱! Ni asaṅ: Meni Ofe le̱ aanyẽwo̱ afe le? 21,14.

¹⁸ Tše̱ ewo ame̱šĩai obõbõ ke̱ nii kpakpai, — ši *meifõdši aṅāwō le̱ akagbalemi fō̃ṅfõ! *21,16.

¹⁹ Dšalo̱i naa, ni ame̱mī še̱o̱ ame̱he; ni mei ni efeko efõṅ ko le yeo ame̱he feo, Lal. 107,42.

²⁰ ame̱kē̱o̱ ake̱: “Le̱le̱ṅ mei ní te ši wowo̱ le̱ akpãtã ame̱hĩe, ni ame̱nii ni ſe̱ le̱, la ešā.”

²¹ Agbe̱ne̱ ṅõ ohe obo̱ ehe, ni ohe aadšo̱o; no no̱ aatšṍ ni aahĩ ahão!

²² Nohewo le̱ mõ nitšõmo̱ ni dšeo̱ enā le̱ mli, ni oṅõ ewiemo̱i le̱ oto otšuiṅ!

²³ Ke̱dši okũ ose̱ ke̱-te Ofe le̱ ṅõ le̱, aatſao amã ši; ke̱dši oodšie musunii ke̱-dše obu le̱ṅ ke̱-ya nenēne le̱ — 8,5-7; 11,14-19.

²⁴ ṅõ ošikasũ le̱ owo mlu mli, ni oke̱ *Ofir šika awo fāi amli tei amli! — *1 Maṅ. 9,28.

²⁵ ni Ofe le̱ aatšṍ ošika ke̱ dſie̱te̱i babaō hũ ahão.

²⁶ No le̱ *omli aaflio ye̱ Ofe le̱ he, ni oowó ohĩe no̱ ohã Nyoṅmo̱. *Lal. 37,4.

²⁷ Ookpale̱ fai, ni eeboö toi, ni oowo ošiwōi le̱ anyõmo̱. Lal. 60,14. 15.

²⁸ Ooto oyiṅ ye̱ noko hewo̱, ni aahã aba mli ahão; ni la aakpe ye̱ ogbē̱i le̱ ano̱.

²⁹ Ke̱dši ame̱mīmã ame̱nã ši le̱, ookē̱: Aawo no̱! ni hešibalo̱ le̱, aahere eyi wala. 1 Pet. 5,5.

³⁰ Moni yee bem tete le̱, aadšiele̱: aadšiele̱ ye̱ odeṅ tšemo̱ nā. Lal. 18,21. 25.