Hiob 14 - Ṅmãle̱ Kroṅkroṅ Le̱

¹ Gbomo ni yō fo̱le̱ yo̱ ne̱, kukuō ke̱ke̱ dši egbĩĩ le̱, ni emli eyi to̱ ke̱ haomo̱ so̱ṅṅ;

² *ekwẽo̱ tamo̱ fo̱fo̱i, ni eṅãlãa; asaṅ edšoo̱ foi tamo̱ bõṅ, ni etše̱e̱. *Lal. 90,6.

³ Ni ogbleo̱ ohĩṅme̱ii ye̱ moni tamo̱ ne̱ke̱ ne̱ no̱, ni otaoo̱ oke̱mi aye sane lo?

⁴ Namo aaná hetšelo̱ ye̱ mei ni he tšee ateṅ? Mokomeflo be̱! Lal. 14,3.

⁵ Ake̱-ni ato egbĩĩ le̱ ahãle̱, *enyõdši ayibo̱ le̱ odeṅ yo̱, ni †oto ehũsũi le̱ hũ, ni enyẽṅ eteke, *Lal. 31,16. †Lal. 39,6.

⁶ hewo le̱ dšiemo̱ ohĩe ye̱ eno̱, ni ewo etsui, ke̱-yaši beyino̱ ni emī aaše̱ egbĩ le̱ he *tamo̱ apāfonyo! *7,1. 2.

⁷ Ši tšo tete, hĩeno̱kāmo̱ ye̱ hãle̱ ake̱ ke̱dši afole̱ le̱, eehere ekoṅ, ni enidši fo̱bii le̱ ase̱ efoṅ.

⁸ Tše̱ ešišifã le̱ etše̱ ahũ ye̱ šikpoṅ, ni etšoku le̱ egbo ye̱ sũ le̱ mli,

⁹ kẽle̱ nu ṅmadšē nā le̱ eehere ekoṅ, ni eetšẽrẽ nidši tamo̱ tšo ni ate̱o.

¹⁰ Ši gbomo le̱, ké̱ egbo le̱, eble ši; ni ádesã le̱, ké̱ edše mli le̱, nẽgbe̱ eyo̱?

¹¹ Bo̱ni nu tãa ye̱ kpākpo mli, ni fā hũ mĩo̱ ni egbĩo̱ le̱,

¹² nakai noṅṅ gbomo kãa ši ni etee ši āhũ ke̱-yaši beyino̱ ní ṅwei be̱ doṅṅ; ame̱hĩe etšẽṅ, ni asaṅ atšĩeṅame̱ ke̱-dše̱ṅ ame̱wo̱ le̱ṅ. 7,10; 19,25.

¹³ Miná ni kũle̱ oṅõmi otē ye̱ gbohĩĩadše, ni *oṅõmi oho̱ ši ke̱-yaši beyino̱ ni omlifũ le̱ aaho, ni oto be ohãmi, ni okaimi! *Ies. 26,20. Lal. 27,5; 31,21.

¹⁴ Ke̱dši gbomo gbo le̱, ani ehĩe aakã ekoṅ? kũle̱ *mitawū gbĩĩ le̱ amli fẽ le̱ makwe̱ gbe̱ ke̱-yaši beyino̱ ni mitšakemo̱ le̱ aaba! *7,1.

¹⁵ Kũle̱ ootšé̱, ni mahereo no̱; ni ootao onine nā nitšumo̱ le̱ se̱gbe̱.

¹⁶ Ši agbe̱ne̱ okane minãdšifãmo̱i; okũũ ohĩe ofõõ mihe eša le̱ no̱.

¹⁷ Aso̱o mino̱tõmo̱ le̱ nā awo kotoku mli, ni ohã minõša le̱ efá. Hos. 13,12.

¹⁸ Ši goṅ tete gbēo̱ ši ni elādšeo̱, ni atšio̱ te̱sā hũ ke̱-dše̱o̱ egbe̱he;

¹⁹ te̱i hũ, nu yeo̱ ame̱he, eyimo̱ le̱ lōo̱ šikpoṅ sū ke̱-yaä, nakai noṅṅ ohãa ádesi *hĩeno̱kãmo̱ le̱ lādšeo̱. *Rom. 5,5.

²⁰ Onine tšṍo̱ eno̱ kwrā, ni ehoo̱ eyaä; ohãa ehĩe tšakeo̱ ni oſieo̱le̱ ke̱-yaä.

²¹ Ebii ahĩe miba nyam hũ, elee, ame̱hĩe miſie ši hũ, enaa.

²² Le̱dientše̱ ehelo ni yo̱ ebe le̱ ke̱ke̱ waä ehe, ni esusuma ni yo̱ emli le̱ hũ yeo̱ ṅko̱mo̱!