Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

Hiob 12 - Ṅmãle̱ Kroṅkroṅ Le̱

1 Ni Hiob here no̱ ni ekē̱:

2 Eye̱ mli le̱le̱ṅ, ake̱ nye dši maṅ, ni ké̱ nyegboi le̱, nilē egbo!

3 Mi hũ miye dſẽṅmo̱ tamo̱nye noṅṅ, nyefèèmi; ni namo po lee ene̱mei?

4 Mitšṍ moni enanyo ṅmõo̱le̱, moni blo̱ō̱ tšē̱o̱ Nyoṅmo̱, ni ehereo̱le̱ no̱ le̱. Dšale̱ ni kpa ko be̱ ehe le̱ etšṍ moni aṅmōo̱!

5 Moni he edšo̱le̱ le̱, edſẽṅmo̱ dši ake̱ agbe amanehũlũ be guo̱; no dši noni kã ši hã mei ni nane šãnee̱ le̱.

6 Odšotſalo̱i abūi ſereo̱, ni mei ní woo̱ Mawu mlila le̱ hũ ye̱ ſeſẽſe, mei ní hĩe ame̱nyoṅme̱ ye̱ ame̱deṅ le̱

7 Ši agbe̱ne̱ bi koloi, ni ame̱atšõo, ke̱ ṅwei lofõdši hũ, ni ame̱agbao.

8 Alo oke̱ šikpoṅ awie, ni eetšõo, ni ṅšo̱ṅlōi tete aagbao.

9 Namo lee ye̱ ene̱mei fẽ mli ake̱ Iehowa nine fe ene̱?

10 Mo deṅ ni hĩekãle̱i fẽ asusuma ye̱, ke̱ gbomei ádesãi fẽ amumo̱ le̱. 4 Mose 15.22.

11 Nto toi kaã wiemo̱i ekwe̱o̱, tamo̱ bo̱ni dā hũ saä niyenii anā le̱?

12 Hĩĩ onukpai adeṅ nilē yo̱, ni walase̱tše̱le̱ mli dſẽṅmo̱ yo̱. 8,8.

13 Le̱ edeṅ nilē ke̱ hewale̱ ye̱, enõ dši ṅāwō ke̱ dſẽṅmo̱ hũ.

14 Na, ekũmoo̱ eſĩeo̱ ši, ni anyẽẽ atſa, eṅã́a mo yi, ni anyẽẽ agble.

15 Na, *etšĩo̱ nui anā, ni ame̱mĩo̱; ni esā eṅmẽo̱ame̱ gbe, ni †ame̱butuo šikpoṅ. *1 Maṅ. 17,1. 7. †1 Mose 7,19-23.

16 Le̱ noṅṅ edeṅ hewale̱ ke̱ ſeremo̱ yo̱; enõ dši moni ašišiuo̱ ke̱ šišiulo̱ le̱ fẽ.

17 Ekplo̱ö̱ adšinafoi ahe nii ni eke̱-ame̱ yaä, ni ehãa kodšolo̱i hũ tšṍmoo̱ kwašiai.

18 Ešõo̱ maṅtše̱mei adeṅ hewale̱, ni ewoo̱ ame̱he kpã.

19 Ekplo̱ö̱ oso̱foi ahe nii ni eke̱ame̱ yaä, ni mei ní efĩ ši šiṅṅ le̱ etšire̱o̱ame̱ etſiaä ši.

20 Ehãa ane̱kwafoi to̱ö̱ mū, ni ešõo̱ onukpai adſẽṅmo̱.

21 Eṅõo̱ heguo̱gbĕle eſĩeo̱ abladei ano̱, ni efẽneo̱ hewalo̱i amlifĩnii.

22 Edšieo̱ nibii ni mli kwŏ̱lo̱ le̱ akpo ke̱-dše̱o̱ duṅ mli, ni eke̱ gbĕlehõṅ dšeo̱ kpo ke̱-baä la hĩe.

23 Ehãa dšeṅmãdši le̱ ſereo̱, ni esā ekpãtãa ame̱hĩe; elē̱o̱ dšeṅmãdši le̱ amli, ni esā elōo̱ame̱ ke̱-yaä.

24 Ešõo̱ šikpoṅ le̱ no̱ maṅbii le̱ anukpai le̱ adſẽṅmo̱, ṅi ehãa ame̱tšomloo̱ ye̱ ṅāno̱ heni gbe be̱;

25 ame̱gbugbūo̱ ši ye̱ duṅ ní la be̱ mli le̱ mli, ni ehãa ame̱dĩdãa tamo dā̃to̱lo̱. 5,14.

The Bible in Ga © Bible Society of Ghana, 1896, 1992.

Bible Society of Ghana
ကြှနျုပျတို့နောကျလိုကျပါ:



ကြော်ငြာတွေ