Hiob 10 - Ṅmãle̱ Kroṅkroṅ Le̱

¹ Midšeṅhĩle̱ edše mitšine; maṅmẽ mi-ko̱mo̱yeli le̱ gbe̱, mawie ye̱ misusuma hedšramo̱ le̱ṅ.

² Makē̱ Nyoṅmo̱ ake̱: Kãbumi fo̱! Tšõmo̱mi nohewo̱ ní oke̱mi ená ne̱.

³ Ani ehī hão ake̱ owaã mo yi, ake̱ ogbeo̱ onine nā nitšumo̱ he guo̱, ni mei-fõdši adšina moṅ no̱ ohāa ohĩe kpe̱o̱ ye̱?

⁴ Ani helo hĩṅme̱ii ohĩe, *alo onaä nii tamo̱ ádesã naä le̱? *1 Sam. 13,7.

⁵ Ani ogbĩĩ tamo̱ ádesã gbĩĩ, alo ofii hũ tamo̱ gbomo gbĩĩ?

⁶ Hewo ni obio̱ mino̱tõmo̱ le̱ ši, ni odio̱ mihe eša le̱ se̱?

⁷ Tše̱bele̱ ole ake̱ midšee mofõṅ, ni mokomoko be̱ ni aanyẽ ašõ mo ye̱ odeṅ!

⁸ *Onidšĩ bo̱mi ni ame̱šõmi kwrã ke̱-yi ši; ši kēle̱ ōkpãtã mihĩe. *Lal. 139,14.

⁹ Kaimo̱ ake̱ *ošõmi tamo̱ ašõo̱ sũ, ni agbe̱ne̱ obahã matšṍ sũ ekoṅ! *33,3. 1 Mose 3,7; 8,19.

¹⁰ Nto otšimi oſĩe tamo̱ fufo̱, ni ohã mifĩ tamo̱ fufo̱ fĩo?

¹¹ Oke̱ hewolo ke̱ lō ha mihe, ni oke̱ wui ke̱ fãi lòmi.

¹² Odromi wala ke̱ nii dšudši, ni osramo̱ le̱ bā mimumo̱ yi.

¹³ Kẽle̱ oke̱ nii ne̱ etē ye̱ otšui mli; mile ake̱ ene̱ ye̱ oyĩṅ:

¹⁴ Ke̱dšĩ mife eša le̱, no le̱ okadio̱mi, ni obuṅmi bem ye̱ mitõmo̱ le̱ he.

¹⁵ Ké̱ miye fo̱ le̱, kpóo hãmi! Ni kē̱ miye bem tete le̱, miwóṅ miyi no̱, miyi obo ke̱ hĩegbẽle, ni mina mimanehũlũ le̱!

¹⁶ Ni ké̱ miwó miyi no̱ le̱, ogbo̱bio̱mi *tamo̱ dšata, ni asaṅ ohãa ohe feo̱-mi nākpē̱. *Ies. 38,13.

¹⁷ Otšakeo̱ odasefoi owoo̱mi, ni ohãa omlifũ le̱ fáa ye̱ mino̱; ta nyie ta se̱ ye̱ mino̱.

¹⁸ Mẽba mo̱ ni odšiemi kpo ke̱-dše̱ mũsũ mli? Kũle̱ mĩtšṍ mihe ní hĩṅme̱i ko enaami! 3,5. 11. Ier. 20,14.

¹⁹ Kũle̱ mitamo̱ noko ni be̱: midše̱ mũsũṅ noṅṅ ni awomi ke̱-te gbonyobu mli.

²⁰ Nto migbĩĩ fáá! Ṅmē̃mo̱ mihe! ni mawo mitšui fiō,

²¹ dãni maya heni ké̱ mite ní *mibaṅ doṅṅ le̱, ni dši duṅ ke̱ gbēlehō̃ṅ šikpoṅ le̱ no̱, *7,10.

²² duṅ kpī šikpoṅ ni tamo̱ nyōṅ teṅ, ke̱ gbĕlehõṅ ke̱ sakasaka šikpoṅ ni ela dši duṅ le̱.