Hebribii 5 - Ṅmãle̱ Kroṅkroṅ Le̱

¹ Edšake̱ oso̱fonukpa-fẽ-oso̱fonukpa ní afã ye̱ gbomei ateṅ le̱, gbomei awole̱ oso̱fo ahã, ye̱ Nyoṅmo̱ gbe̱fãṅnii ahewo̱, koni eke̱ nikēnii ke̱ afo̱lei abahã ye̱ ešai ahewo̱,

² ake̱ moko ní *nyẽo̱ enuo̱ nõ he ehaa mei ní lee nii ke̱ mei ní edũ gbe̱ le̱, gbĩĩ abo̱ ní le̱dientše̱ hũ le̱ gbedemo̱ ebo̱le ehe ke̱-kpe le̱. *4,15.

³ Ni ene̱ hewo le̱ ehĩa ake̱, tamo̱ bo̱ni efeo̱ ehãa maṅ le̱, efe nakai noṅṅ *ehã ehe, ní ešã ešai ahe afole. *3 Mose 9,7; 16,6.

⁴ Ni moko eṅõõ nyam ne̱ ehãã le̱dientše̱ ehe, ake̱ dša Nyoṅmo̱ tšé̱le̱, *tamo̱ etšé̱ Aaron hũ le̱. *2 Mose 28,1.

⁵ Nakai noṅṅ Kristo hũ, dšee le̱dientše̱ ewo ehĩe nyam ake̱-ní eye oso̱fonukpa le̱, ši moṅ, moni kē̱le̱ ake̱: *“Mibi dšio, ṅmene̱ mifoo” le̱ wole̱. *Lal. 2,7.

⁶ Take̱ bo̱ noṅṅ ní ekē̱ ye̱ hekroko hũ ake̱: *“Oso̱fo dšio ke̱-mīya nāno̱ ye̱ Melkizedek gbe̱dšiano le nā.” *Lal. 110,4. Heb. 7.

⁷ Mo hũ ní ehelo gbĩĩ le̱ amli le̱ eṅõ so̱lemo̱i ke̱ faikpamo̱i ní blo̱mo̱ ní nā wa ke̱ yāfónui fata he *ešā afole ehã moni yo̱ hewale̱ ní eke̱-aherele̱ ke̱-adše̱ gbĕle mli le̱, ni abole̱ toi hũ, edšake̱ ebuo̱ Nyoṅmo̱; *Mat. 23,39-46.

⁸ ni tše̱ Nyoṅmo̱ bi dšile̱ moṅ, ši kẽle̱ ekase *toibō ye̱ amanehũlũi ní ena le̱ amli, *Fil. 2,8.

⁹ ni ake̱-ní *ehĩ ke̱-wula ši hewo le̱, etšṍ mo mli ní nāno̱ yiwalaheremo̱ dše̱o̱ eha mei fẽ ni boo̱le̱ toi le, *Ioh. 17,1. 5.

¹⁰ edšake̱ Nyoṅmo̱ wole̱ oso̱fonukpa ye̱ Melkizedek gbe̱dšiano̱ le̱ nā.

¹¹ Wo̱ye̱ wiemo̱i pī ni wo̱o̱wie ye̱ nohewo, ni ešĩšitšõmo̱ hũ wa, edšake̱ nyetoii esa;

¹² edšake̱ nye ní kũle̱ esa ake̱ nyetšṍmo̱ tšõlo̱i moṅ ye̱ be le̱ nā le̱, ehĩa ake̱ atšõnye Nyoṅmo̱ wiemo̱i le̱ amli šišidšē nibii le̱ ekoṅ, ni nyetšṍmo̱ mei ni *fufo̱ ehĩaame̱, ni dšee niyenii kpakpa. *1 Kor. 3,1-3.

¹³ Edšake̱ mofẽmo ní yeo̱ fufo̱ le̱, ekpako dšale̱ wiemo̱ le̱ ši; edšake̱ *fufo̱ō dšile̱. Ef. 4,14.

¹⁴ Ši mei ní edăra le̱ anõ dši niyenii kpakpa, mei ní fo̱ ni ame̱fo̱ö̱ femo̱ le̱ ehã ame̱henumo̱nii le̱ *ele ekpakpa ke̱ efōṅ mlikpamo̱. *Fil. 1,10. Rom 16,19.