Ezekiel 8 - Ṅmãle̱ Kroṅkroṅ Le̱1 Ni eba mli ye̱ afi ní dši ekpa le̱ no̱ nyõṅ ní dši ekpa le̱ no̱ gbĩ ní dši gbĩ enumo̱ le̱ no̱, beni mitá miwe le̱, ni Iuda *onukpai le̱ trá mihĩe le̱, ake̱ Nuṅtšo̱ Iehowa nine ba mino̱ ye̱ dše̱i. *14,1. 2 Ni mikwe̱, ni na, noko ní tamo̱ gbomo; ni ke̱-dše̱ ehe̱ su le̱ no̱ ke̱-kplekeo̱ ši le̱, la so̱ṅṅ; ni asaṅ ke̱-dše̱ ehe̱ le̱ no̱ ke̱-yaä ṅweigbe̱ le̱, tamo̱ la kpe̱-mo̱, tamo̱ šika ni kpe̱o̱ su. 3 Ni edšie noko ní tamo̱ nine su, ni emo miyiteṅ tšo̱i le̱ mli, ni *mumo̱ le̱ wómi ke̱-te šikpoṅ ke̱ ṅwei teṅ, ni eṅõmi ke̱-te Ierusalem ye̱ Nyoṅmo̱ he nināi le̱ amli, ke̱-ba mligbe̱ kpo le̱ no̱ agbó ní kwe̱o̱ kōyigbe̱ le̱ šĩnā le̱ nā, heni awuṅãyeli amãgã ní tšé̱o̱ awuṅãyeli ke̱-baä le̱ mã le̱. *3,12. 4 Ni na, Israel Nyoṅmo̱ le̱ *anumnyam le̱ ye̱ dše̱i, tamo̱ ninā ní mina ye̱ dšō̱ le̱ṅ le̱. *1,4-28. 5 Ke̱ke̱ ni ekē̱mi ake̱: Gbomobi, holemo̱ ohĩṅme̱ii ano̱ ke̱-ya kōyigbe̱! Ni mihole mihĩṅme̱ii ano̱ ke̱-te kōyigbe̱ le̱, ni na, afo̱lešãlate̱ le̱ he agbó le̱ kōyigbe̱ le̱ nakai awuṅãyeli amãgã le̱ mã ši ye̱ agbó le̱ nā. 6 Ni ekē̱mi ake̱: Gbomobi, ōna noni ame̱feo̱ ne̱? nihĩnii wudši ní Israel we le̱ feo̱ ye̱ bie̱, koni madše mihekroṅkroṅ le̱ ke̱-ya se̱ šoṅṅ le̱? Ši osā oona nihĩnii wudši krokomei bũ! 7 Ni eke̱mi ba kpo le̱ no̱ šĩnā le̱ nā; ni mikwe̱, ni na, flo̱ ko ye̱ gbogbo le̱ mli. 8 Ni ekē̱mi ake̱: Gbomobi, gbu gbogbo le̱ mli! Ni beni migbu gbogbo le̱ mli le̱, na šĩnā ko. 9 Ni ekē̱mi ake̱: Botemo̱ mli ní oyakwe̱ nõ nihĩnii fõdši ní ame̱feo̱ ye̱ bie̱ ne̱! 10 Ke̱ke̱ ni mibote mli ni mikwe̱, ni na, *wāmo̱nibii ke̱ koloi ní ahio̱ sro̱toi abo, ke̱ Israel we le̱ wo̱dši le̱ fẽ amfonirii ní atẽṅame̱ ye̱ gbogbo le̱ he ke̱-bo̱le ke̱-kpe. *Rom. 1,23. 11 Ni Israel we le̱ onukpai le̱ ateṅ hĩĩ nyoṅmai-kpawo damo̱ ame̱hĩe, ni Iaazania, Šafan bi le̱, damo̱ ame̱teṅ, ni mofẽmo hĩe etšofã-ke̱-ṅma ṅe̱sũ ye̱ edeṅ, ni tšoſā-ke̱-ṅma atatu le̱ ṅma mīte ši ke̱-mīya ṅwei. 12 Ni ekē̱mi ake̱: Gbomobi, ōna noni Israel we le̱ onukpai le̱ feo̱ ye̱ dũdšiaṅ, mofẽmo ye̱ emãgã piai le̱ amli lo? Edšake̱ *ame̱kē̱o̱ ake̱: Iehowa enaawo̱, Iehowa ešĩ šikpoṅ le̱! *9,9. Lal. 94,7. 13 Ni esā ekē̱mi ake̱: Osā oona nihĩnii wudši krokomei hũ ní ame̱feo̱! 14 Ke̱ke̱ ni eke̱mi ba Iehowa we le̱ agbó le̱ šĩnā ní kā ke̱-yaä kōyigbe̱ le̱ nā, ni na, yei le̱ trá dše̱i, ame̱mīfó Tamuz. 15 Ni ekē̱mi ake̱: Gbomobi, ōna ene̱? Osā oona nihĩnii wudši ní fè ene̱mei. 16 Ke̱ke̱ ni eke̱mi ba Iehowa we le̱ mligbe̱ kpo le̱ no̱; ni na, Iehowa so̱lemo̱we le̱ nā šĩnā le̱ nā, ye̱ koi le̱ ke̱ afo̱lešālate̱ le̱ teṅ le̱, hĩĩ aafe nyoṅmai-enyo̱ ke̱ enumo̱ yo̱ dšei, ni ame̱tšṍmo̱ *ame̱se̱ ame̱hã Iehowa so̱lemo̱we le̱ ni ame̱tšṍmo̱ ame̱hĩeaṅ ame̱hã bokãgbe̱, ni ame̱mīkwe̱ bokãgbe̱ ame̱mīdšá hũlũ. *2 Kron. 29,6. 17 Ke̱ke̱ ni ekē̱mi ake̱: Gbomobi, ōna ene̱? Ani efáá hãã Iuda we le̱ ake̱ ame̱feo̱ nibĩnii ní ame̱feo̱ ye̱ bie̱ ne̱ le̱? edšake̱ ame̱ke̱ yiwale̱ so̱ṅṅ ewo šikpoṅ le̱ no̱ obõ to̱, ni ame̱kũ ame̱se̱ amebawo mimli la ekoṅ? Ni na, ame̱ke̱ tšonine oo̱ ame̱gugõ nā! 18 Nohewo le̱ mi hũ maye sane ye̱ mlifũ ní nā wa mli: mihĩṅme̱i enaṅ mo̱bo̱, ni mibāṅ yi, ni *ame̱ablo̱ ame̱awo mitoiiaṅ ke̱ gbẽ ni wa moṅ, ši miboṅame̱ toi. *Ies. 1,16. |
The Bible in Ga © Bible Society of Ghana, 1896, 1992.
Bible Society of Ghana