Ezekiel 6 - Ṅmãle̱ Kroṅkroṅ Le̱

¹ Ni Iehowa wiemo le̱ ba miṅõ ake:

² Gbomobi, tšṍ ohĩe *ohã Israel gõdši le̱, ni ogba ošiame̱ ni oke: *36,1. Mika 6,1.

³ Nye Israel gõdši, nyeboa Nuṅtšo̱ Iehowa wiemo̱ toi! Bo̱ni Nuṅtšo̱ Iehowa kē̱o̱ gõdši le̱ ke̱ goṅkpo̱i le̱ fẽ, nudšō̱i le̱ ke̱ dšō̱i le̱ ne̱: Na, mahã klante aba nyeno̱, ni makpãtã nyehei groṅṅi le̱ ahĩe,

⁴ koni afite nyefo̱lešãlate̱i le̱, ni akũmo̱ *nyehũlũ amãgãi le̱, ni maše̱re̱ nyemei ní enyõnyõi le̱ maſie nyewo̱dši le̱ ahĩe; *3 Mose 26,30.

⁵ ni maṅõ Israelbii le̱ agbohĩĩ le̱ maſie ame̱wo̱dšĩ le̱ ahĩe, ni magbe̱ nyewui le̱ maſã nyefo̱lešãlate̱i le̱ ahe ke̱-kpe.

⁶ Nyešihĩle̱hei le̱ fẽ mli mãdši le̱ aatšṍmo̱ amaṅfõi, ni nyehei groṅṅi le̱ aafite, beni afe ní akpãtã nyefo̱lešãlate̱i le̱ ahĩe, ni ame̱tšṍmo̱ amaṅfõ, ni akũmo̱ nyewo̱dši le̱ ni ame̱tã, ni aflo̱ nyehũlũ amãgãi le̱ aſie, ni agu nyenifemo̱nii le̱!

⁷ Ni gbohĩĩ anyõnyõi ye̱ nyeteṅ, ni nyeaná nyele ake̱ midsi Iehowa le̱!

⁸ Ši kẽle̱ maſe̱ ſē̱nõ ko, ni nyeaná mei komei ní edše klante nā ye̱ dšeṅmãdši le̱ ateṅ, beni aagbe̱nye aſã šikpõdšĩ le̱ ano̱ le̱; Ies. 6,13.

⁹ ni nyeteṅ mei ni aadše mli le̱ aakaimi ye̱ dšeṅmãdši ní aṅõame̱ nom ke̱-te mli le̱ ateṅ, beni mikũmo̱ ame̱dſamaṅbō̱ tšui ní etše ehe ke̱-dše mihe le̱ mli, ke̱ ame̱hĩṅme̱ii ní eyabo̱ adſamaṅ ke̱-nyie ame̱wo̱dšĩ le̱ ase̱ le̱; ni ame̱anyãṅe ame̱dĩentše̱ ame̱he ye̱ nifõdšianii ní amefe ye̱ ame̱nihĩnii le̱ fẽ mli le̱ ahewo̱. 5 Mose 30,2.

¹⁰ Ni ame̱aná ame̱le ake̱ midši Iehowa le̱, dšee yakatſā miwie ake̱ mafeame̱ ne̱ke̱ efõṅ ne̱ le̱.

¹¹ Bo̱ni Nuṅtšo̱ Iehowa kē̱ ne̱: Tſa odẽ ni oke̱ onane ašimo̱ ši ni okē̱ ake̱: Kpóo hã Israel we le̱ nihĩnii fõdši le̱ fẽ, edšake̱ ame̱anyõnyõi ye̱ klante ke̱ hõmo̱ ke̱ gbĕle-hela nā!

¹² Moni yo̱ se̱ šoṅṅ le̱ aagbo ye̱ gbĕle-hela nā, ni moni be̱ṅke̱ hũ aanyõ ye̱ klante nā, ni moni eſe̱ ní abā eyi le̱ aagbo ye̱ hõmo̱ nā, ni maṅmẽ mimlifũ le̱ gbe̱ ke̱-aba ame̱no̱.

¹³ Ni nyeaná nyele ake̱ midši Iehowa le̱, beni nye mei ní enyõnyõi le̱ aakãmo̱ nyewo̱dši le̱ ateṅ ke̱-abo̱le nyefo̱lešãlate̱i le̱ kpula, ye̱ goṅkpo̱-fẽ-goṅkpo̱ ní kwo̱ no̱ ke̱ *gõdši le̱ ayiteaṅ fẽ hũ ke̱ tšo-fẽ-tšo ní ebu šiši ke̱ blo̱foyō̱itšo kusū-fẽ-blo̱foyō̱itšo kusū šiši, heni ame̱šãa tšofã-ke̱-ṅma ame̱hãa ame̱wo̱dšĩ le̱ fẽ ye̱ le̱. *1 Maṅ. 14,23.

¹⁴ Ši makpã minine mli ye̱ ame̱no̱, ni mafe šikpoṅ le̱ amaṅfõ ke̱ ole̱ṅle̱ ke̱-dše̱ ṅã le̱ no̱ ke̱-yaši Dibla, ye̱ ame̱šihĩle̱hei le̱ fiā-kwa; ni *ame̱aná ame̱le ake̱ midši Iehowa le̱. *K. 7.