Ezekiel 5 - Ṅmãle̱ Kroṅkroṅ Le̱

¹ Ni bo, gbomobi, ko̱ klante ní nā ba ohã ohe, ni oke̱-fe yiše̱lo̱i asōyi ohã ohe, ni ohã atšṍ oyiteṅ ke̱ otšẽṅ mli; koni oko̱ nsẽni ni oke̱-ṅmẽ tšo̱i le̱ ni odša mli.

² Mlidšāi etẽ mli ekome le̱ oke̱ la ašã ye̱ maṅ le̱ teṅ, beni káwō gbĩĩ le̱ eše̱ le̱; ni oṅõ mlidšāi etẽ mli ekome ni oke̱ klante abãmo̱ mli ye̱ hewo̱ ke̱-kpe; ni mlidšāi etẽ mli ekome hũ oṅõ-ſã kē̱-yo̱ṅ, ni magbla klante ke̱-nyie ame̱se̱.

³ Ni oṅõ ene̱ mli fiō ko ye̱ yibo̱ nā, ni oke̱-ṅmõ otade le̱ nā.

⁴ Ni osā oṅõ nomei amli eko, ni oše̱re̱ oſie la le̱ teṅ, ni ošã ye̱ la le̱ mli; no mli la aadše̱ aba Israel we le̱ fẽ.

⁵ Bo̱ni Nuṅtšo̱ Iehowa kē̱ ne̱: Ierusalem ne̱, mike̱le̱ emã dšeṅmãdši le̱ ateṅ, ni šikpõdši le̱ ebo̱lele̱ ke̱-kpe.

⁶ Ši etše mimlai le̱ ahĩe atũa ni efe efõṅ fè dšeṅmãdši le̱ tete, ni etše mikpo̱i le̱ hũ ahĩe atũa fè šikpõdši ní ebo̱lele̱ ke̱-kpe le̱; edšake̱ ame̱kwa mimlai le̱, ni ame̱nyiee ye̱ mikpo̱i le̱ anā.

⁷ Nohewo̱ le̱ bo̱ni Nuṅtšo̱ Iehowa kē̱ ne̱: Ake̱-ní nyetoi egbo fè dšeṅmãdši ní ebo̱lenye le̱, ni nyenyiee ye̱ mikpo̱i le̱ anā, ni nyeyee mimlai le̱ ano̱, ni dšeṅmãdši ní bo̱lenye le̱ amlai le̱ hũ, nyeyee no̱

⁸ hewo̱ le̱, bo̱ni Nuṅtšo̱ Iehowa kē̱ ne̱: Na, mi hũ mike̱o ená, ni makodšoö ye̱ dšeṅmãdši le̱ ahĩṅme̱ii amli.

⁹ Ni mafeo noni mifeko dã ni asaṅ mifeṅ eno̱ doṅṅ, ye̱ onihĩnii le̱ fiā hewo̱!

¹⁰ Nohewo̱ le̱ tše̱mei *aaye bii ye̱ oteṅ, ni bii hũ aaye ame̱tše̱mei, ni makodšoö ni magbe̱ omli mei ní aaſe̱ le̱ fiā maſã kō̱yoi fẽ amli. *5 Mose 29,53-55. Yāfó 4,10.

¹¹ Nohewo̱ lo̱ gbĩĩabo̱ ní mihĩe kã ne̱, Nuṅtšo̱ Iehowa kē̱, ake̱-ní oke̱ otãṅtãṅnii le̱ fẽ ke̱ onihĩnii le̱ fẽ *ebule mihekroṅkroṅ le̱ hewo̱ le̱, mi hũ matã oyi, ni mihĩṅme̱i enaṅo mo̱bo̱, ni asaṅ mibāṅ oyi. *8,6-18.

¹² Omlidšãi etẽ mli ekome aagboi ke̱ gbĕle-hela, ame̱aaplenē ke̱ hõmo̱ ye̱ oteṅ, ni mlidšãi etẽ mli ekome aanyõnyõi ye̱ klante nā ke̱-abo̱leo ke̱-akpe, ni magbe̱ mlidšāi etẽ mli ekome hũ maſã kō̱yo̱i fẽ amli, ni magbla klante ke̱-nyie amese̱. K. 2.

¹³ Ni maṅmẽ mimlifũ le̱ gbe̱, ni ma-hã mimlila le̱ awula ame̱no̱, ni *mato̱ mihe owele; ni ame̱aná ame̱le ake̱ mi, Iehowa, miwie ye̱ mihĩedō̱ le̱ mli, beni miṅmẽ mimlila le̱ gbe̱ ke̱-ba ameno̱ le̱. *16,42.

¹⁴ Ni mahã otšṍ amaṅfã ke̱ ahorabō̱-nõ ye̱ dšeṅmãdši ní ebo̱leo ke̱-kpe le̱ ateṅ, ye̱ mei ní hoo̱ le̱ fẽ ahĩe.

¹⁵ Ni eetšṍ *ahorabō̱ ke̱ heguo̱gbē ke̱ ko̱ko̱bō̱ ke̱ nākpe̱nõ ehã dšeṅmãdši ní ebo̱le ohe ke̱-kpe le̱, beni makodšoö ye̱ mliſũ ke̱ mlila ke̱ mlila hĩekãmo̱i ámli le̱. Mi, Iehowa, miwie ene̱. *Ier. 24,9.

¹⁶ Beni *matšẽrẽ hõmo̱ gãimlibii fõ-dši le̱ ní dši hĩekpãtãmo̱nii ní matšẽrẽ, ní mike̱-kpãtã nyehĩe le̱, ni mahã †hõmo̱ le̱ afá awonye, ni makũ nyebolo-tšo le̱; *5 Mose 32,23. †Ezek. 4,16.

¹⁷ ni matšũ hõmo̱ ke̱ koloi fõdši ke̱-aba nyeno̱, ni ame̱akpakpā obii le̱ ye̱ ohe; ni gbĕle-hela ke̱ lá aatšṍ omli ke̱-aho, ni mike̱ klante hũ aaba ono̱. Mi, Iehowa, miwie ene̱. 14,21.