Ezekiel 3 - Ṅmãle̱ Kroṅkroṅ Le̱

¹ Ni ekē̱mi ake̱: Gbomobi, noni onaä le̱, ye! ye ne̱ke̱ wolokpo ne̱, ni oya ni oyawie otšõ Israel we le̱! 2,9.

² Ke̱ke̱ ni migbe midāṅ, ni ehã miye nakai wolokpo le̱,

³ ni ekē̱mi ake̱: Gbomobi, ye wolokpo ní miṅõ hãao ne̱ owo omũsũ mli, ni oke-wo omlinii obõ! Ni miye, ni eṅõmo̱ tamo̱ wò ye̱ midāṅ.

⁴ Ni ekē̱mi ake̱: Gbomobi, yiṅ ní oya Israel we le̱ ṅõ, ni oyawie miwiemo̱i le̱ otšõame̱.

⁵ Edšake̱ dšee maṅ ní wieo̱ maṅse̱ wiemo̱ ní ame̱wiemo̱ wa ṅõ atšũo̱o ne̱, ši moṅ Israel we le̱ ṅõ;

⁶ dšee mãdšimãdši babaō ní wieo̱ maṅse̱ wiemo̱ ní ame̱wiemo̱ wa ni onuu ame̱wiemo̱ ni. Le̱le̱ṅ, ké̱ ame̱ṅõ mitšũo̱o ne̱ kũle̱, ame̱aboö toi!

⁷ Ši Israel we le̱ sumo̱ṅ ake̱ ame̱aboö toi, edšake̱ ame̱sumo̱o̱ ake̱ ame̱boo̱mi toi; edšake̱ Israel we le̱ fẽ ewadše ame̱hĩeṅtšei, ni ame̱tšui hũ wa.

⁸ Na, mihã ohĩe ewa ye̱ ame̱hĩe, ni ohĩeṅtšo hũ ewa ewo ame̱hĩeṅtsei; Ier. 1,18.

⁹ na, mihã ohĩeṅtšo efe tamo̱ diamente ní wa fè tſre̱bo le̱. Kāšeame̱ gbeyei, ni otšui akafã ye̱ ame̱hĩe, tše̱ weku toigbolo̱i dšiame̱!

¹⁰ Ni esā ekē̱mi ake̱: Gbomobi, miwiemoi fẽ ni mike̱o aawie le̱, hemo̱ owo otšuiṅ, ni onu ke̱ otoii,

¹¹ ni oyiṅ oya nomi ní dši omaṅbii le̱ aṅõ, ni oyawie otšōame̱ ni okē̱ame̱ ake̱: Bo̱ni Nuṅtšo̱ Iehowa kē̱ ne̱! ame̱-bo toi dšio, ame̱boo toi dšio. 2,5. 7.

¹² Ni *mumo̱ le̱ wómi, ní minu hosomo̱ kpeteṅkple gbē ye̱ mise̱ ní kē̱ ke̱-dše̱ egbe̱he le̱ ake̱: Aadšie Iehowa anumnyam le̱ yi! *8,3. Bo̱f. 8.39.

¹³ Ni minu hĩekãlo̱i le̱ afĩdši ní eko saä eko he le̱ agbē̱mo̱ ke̱ kokrolontoi ní yo̱ ame̱mase̱i le̱ agbē̱mo̱ ke̱ hosomo̱ kpeteṅkple gbē̱mo̱.

¹⁴ Ni mumo̱ le̱ womi, ni eke̱mi te, ni mite ye̱ mimumo̱ mlila ní nā wa le̱ mli, ni Iehowa nine le̱ mli wa ye̱ mino̱.

¹⁵ Ke̱ke̱ ni miba nomi ní yo̱ Tel-Abib, mei ní yo̱ Kebar fā le̱ nā le̱ ke̱ mei ní hĩo̱ dše̱i le̱ aṅõ; ni mitá ši ye̱ ame̱teṅ ye̱ dše̱i gbĩĩ kpawo so̱ṅṅ, ni mitſaa misẽṅ.

¹⁶ Ni eba mli ake̱ gbĩĩ kpawo le̱ se̱ le̱, Iehowa wiemo̱ ba miṅõ ake:

¹⁷ Gbomobi, mitoö *bulo̱ mihã Israel we le̱, nohewo̱ le̱ bo midāṅ wiemo̱ le̱ toi, ni obo̱ame̱ ko̱ko̱ ohãmi. *33,7-9. Ies. 62,8. Heb. 13,17.

¹⁸ Ké̱ mikē̱ efõṅfelo̱ ake̱: Gbo oogbo! ni obo̱o̱le̱ ko̱ko̱, ni osā owiee otšõõ efõṅfelo̱ le̱ ní edše egbe fõṅ le̱ no̱, ní oke̱-here eyiwala le̱: nakai efõṅfelo̱ le̱ aagbo ye̱ enišaianĩi le̱ ahewo̱; ši elá le̱, odeṅ mabi ši ke̱-adše̱.

¹⁹ Ši ke̱dši obo̱ efõṅfelo̱ le̱ ko̱ko̱, ni ekpalee ke̱-dše̱e̱ enõfõṅfemo̱ le̱ṅ ke̱ egbe̱ fõṅ le̱ no̱ le̱, eegbo ye̱ enišaianii le̱ ahewo̱, ši bo le̱ ohere osusuma yiwala.

²⁰ Ni asaṅ ke̱dši *dšalo̱ kpale ke̱-dše̱ edšale̱ le̱ṅ ni efe nii ní edšaa le̱, mike̱ pāmpi aato ehĩe ni eegbo: ke̱dši obo̱o̱le̱ ko̱ko̱ le̱, eegbo ye̱ ehe eša le̱ hewo̱, ni akaiṅ edšale̱nii ní efe le̱; ši elá le̱, odeṅ mabi ši ke̱-adše̱. *18,24

²¹ Ši ke̱dši obo̱ dšalo̱ le̱ ko̱ko̱, beni afe ní dšalo̱ le̱ akafe eša, ni efee eša le̱, no le̱ eyi aaná wala, edšake̱ ekplẽ ko̱ko̱bō̱; ni bo hũ odšie osusuma.

²² Ni Iehowa nine ba mino̱ *ye̱ dše̱i, ni ekē̱mi ake̱: Te ši ní oya dšō̱ le̱ṅ, ní mike̱o ayawie ye̱ dše̱i. *1,3.

²³ Ni mite ši mite dšō̱ le̱ṅ, ni na, Iehowa anumnyam le̱ damo̱ dše̱i, tamo̱ anumnyam ní mina ye̱ *Kebar fā le̱ nā le̱; ni mike̱ mihĩe bu ši. *1,4.

²⁴ Ni *mumo̱ le̱ babote mimli, ní etēmi ši edamo̱ minãdši ano̱; ni eke̱mi wie ni ekē̱mi ake̱: Yaṅã́ oyi owo owe le̱. *2,2.

²⁵ Ni bo, gbomobi, na, ame̱ke̱ kpãi aaſie ono̱ ni ame̱ke̱-afĩo, ni odseṅ kpo ye̱ ame̱teṅ.

²⁶ Ni mahã olile̱i akpe̱te̱ odā yiteṅ, ni ooto̱ mṹ, ni otšṍṅ kãlo̱ ohãṅame̱; edšake̱ weku *toigbolo̱i dšiame̱. *2,5. 7.

²⁷ Ši ke̱dši mike̱o bawie le̱, magble odāṅ, ni ookē̱ame̱ ake̱: Bo̱ni Nuṅtšo̱ Iehowa kē̱ ne̱! Moni nuo̱ le̱, hã ní enu, ni moni nuu le̱, ekanu; edšake̱ weku toigbolo̱i dšiame̱. K. 11.