Ezekiel 2 - Ṅmãle̱ Kroṅkroṅ Le̱

¹ Ni ekē̱mĩ ake̱: Gbomobi, te ši odamo̱ onãdši ano̱, ní mike̱o awie!

² Ni beni eke̱mi wieo̱ le̱, mumo̱ le̱ bote mimli ni etēmi ši edamo̱ minãdší ano̱, ni mibo moni ke̱mi wieo̱ le̱ toi.

³ Ni ekē̱mi ake̱: Gbomobi! Mitšũo Israelbii ní dši dšeṅmãdši atũatšelo̱i ní etše mihĩe atũa le̱ aṅõ; ame̱ ke̱ ame̱tše̱mei le̱ etõ mino̱ ke̱-baši ṅme̱ne̱ gbĩ ne̱.

⁴ Ni bii ní hĩe wa ni ame̱wadše ame̱tšui le̱ aṅõ mitšũo̱o, ní oyakē̱ame̱ ake̱: Bo̱ni Nuṅtšo̱ Iehowa kē̱ ne̱!

⁵ Ni ame̱ le̱, *ame̱bo toi dšio, ame̱boo toi dšio, ake̱-ní weku toigbolo̱i dšiame̱ hewo le̱, ame̱ná ame̱le kẽ ake̱ gbalo̱ ko ye̱ ame̱teṅ. *3,11. 27.

⁶ Ši bo, gbomobi, kāšeame̱ gbeyei, ni kāše ame̱wiemo̱i le̱ hũ gbeyei: tše̱ ṅmei ke̱ kpitikpitii ke̱o yo̱, ni nyoṅmo̱ṅkrakroi ateṅ ohĩo̱, kẽle̱ kāše ame̱wiemo̱i le̱ agbeyei, ni otšui akafã ye̱ ame̱hĩe hũ; tše̱ weku toigbolo̱i dšiame̱.

⁷ Kẽle̱ ame̱ bo toi dšio, ame̱boo toi dšio, wiemo̱ miwiemo̱i le̱ otšõame̱, edšake̱ toigbolo̱i dšiame̱.

⁸ Ši bo, gbomobi, bo noni mikē̱o̱o ne̱ toi; kāfe ohe toigbolo̱ tamo̱ weku toigbolo̱i ne̱. Gbē̱ odāṅ, ni oye noni mike̱ hãao ne̱.

⁹ Ni mikwe̱, ni na, akpā nine mli ahãmi; ni na, wolokpo ye̱ mli. Kpods. 10,8-11

¹⁰ Ni eṅõ lē̱ ši ye̱ mihĩe, ni aṅmã hĩe ke̱ se̱, ni aṅmã yāfói ke̱ ntšo̱idõme̱ ke̱ yărafemo̱ ye̱ mli.