Jajelɔ 6 - Ṅmãle̱ Kroṅkroṅ Le̱

¹ Efõṅ ko ye̱ ní mina ye̱ hũlũ šiši ne̱, ni ebu ye̱ gbomei ateṅ:

² nū ko ní Nyoṅmo̱ ehãle̱ šika ke̱ nii babaō ke̱ anumnyam hũ ní nibii ní esusuma ſeo̱ le̱ amli eko ebo̱o̱le̱: ši kẽle̱ Nyoṅmo̱ hããle̱ hewale̱ ní eke̱-ye eko, ši *mokpõṅ moṅ yeo̱ le̱: ene̱ le̱ yakayakanoko ke̱ hedšramo̱ ni. *3,18.

³ Ke̱dši moko fo̱ oha, ni eye afii pī, ni efii ní eye le̱ amli gbĩĩ le̱ fá babaō, ši esusuma eto̱o̱ ke̱ nii kpakpai, ni asaṅ enáá fū̃ kpakpa le̱, le̱ le̱ mīkē̱ ake̱: fãṅ šrãkemo̱bi āhũ fèle̱.

⁴ Edšake̱ yakatſā eba, ni duṅ mli enyieo̱ ke̱-yaä, ni duṅ noṅṅ haä egbe̱i le̱ no̱;

⁵ asaṅ enaa hũlũ ni eleele̱ moṅ; ši kẽle̱ fãṅ le̱ fè mone̱.

⁶ Ni ké̱ eeye afii akpe toi enyo̱ tete, ši eyee nii kpakpai amli ṅõmo̱ ko le̱: ani dšee hekome mei le̱ fẽ yaä?

⁷ Gbomo deṅme ní egboo̱ ne̱ fẽ le̱ edā hewo̱ṅ; ši kẽle̱ esusuma eto̱o̱ gbĩkogbĩko.

⁸ Ši meni nilelo̱ ke̱-fè kwašia? ni meni ohĩafo ni le bo̱ní enyieo̱ ye̱ hĩekalo̱i ahĩe le̱ yo̱?

⁹ Noni ona he ke̱ ohīṅme̱ii le̱ ehĩ fè noni osusuma feo̱. Ene̱ hũ yakayakanoko ke̱ kō̱yo̱ hakumo̱ ni.

¹⁰ Nofẽno ni alo le̱, awole̱ gbe̱i momo, ni ale noni gbomo bafe, ni enyẽṅ ni eke̱ moni hewa fèle̱ le̱ abé.

¹¹ Ši wiemo̱i pī ye̱ ní hãa yakayakanii fáa pī, ni mẽ se̱námo̱ yo̱ mli hã gbomo?

¹² Ši namo le noni hĩ hã gbomo ye̱ ewala mli, ewala ni dšee noko le̱ mli gbĩĩ fẽ ní eyeo̱ tamo̱ *hō̃ṅ le̱? Alo namo aagba gbomo noni baba ye̱ ese̱ ye̱ hũlũ šiši ne̱? *1 Kron. 29,15. Lal. 90,5.