Amos 4 - Ṅmãle̱ Kroṅkroṅ Le̱

¹ Nyeboa ne̱ke̱ wiemo̱ ne̱ toi, nye Bašan tšinayei ní yo̱ Samaria goṅ le̱ no̱, nye mei ní nyewaä ohĩafoi ayi, ni nyeſīſĩaä mei ni efĩame̱ le̱ aši, ní nyekē̱o̱ nye-nuṅtšo̱mei le̱ ake̱: Nyeke̱-baä ní wo̱nua le̱!

² Nuṅtšo̱ Iehowa ekã ekroṅkroṅfemo le̱ kitã ake̱: Na, gbĩĩ aaba nyeno̱, ni ake̱ kpodši aašanye ke̱-ate, ke̱ nyese̱bii le̱ hũ ake̱ lōšamo̱-kpodšĩ ašaame̱ ke̱-ate.

³ Ni gbogboiṅfo̱dši amli nyeatšṍ ke̱-adše kpo, mofẽmo aanyie ehĩe tē̃, ni aatšire̱nye aſie Harmon, Iehowa kē̱.

⁴ Nyeyaä Betel, ni nyeyatõa mla! ni nyehãa mlatõmo̱ afáa ye̱ Gilgal! ni nyeke̱ nyefo̱lei le̱ abaä dā lebi; ni nyeke̱ nyenibii amlidšāi nyoṅma mli ekomekome le̱ abaä dā *gbĩĩ etẽ! *5 Mose 14,28.

⁵ Ni nyeṅõa *măša nyešāa šidā-afo̱lei; ni nyešie̱a tšuidšũrõnā-nikē ní anua! edšake̱ nakai nyesumoo̱, nye Israelbii! Nuṅtšo̱ Iehowa kē̱. *3 Mose 2,11.

⁶ Ni mi hũ mihãnye nyãnyõdši ano̱ tšemo̱ ye̱ nyemãdši fiā-kwa mli, ke̱ abolo hõmo̱ ye̱ nyehĩle̱hei le̱ fẽ; ni kẽle̱ nyekpaleko ke̱-bako miṅõ! Iehowa kē̱.

⁷ Ni asaṅ, beni eſe̱ nyõdši etẽ ni akpaä nii le̱, *mihãã nyoṅmo̱ ane̱nye, ni mihã nyoṅmo̱ ne̱ maṅ kome no̱, ši mihãã ene̱ maṅ kroko le̱ no̱: ene̱ ṅmõ kome no̱, ni ṅmõ ní ene̱e̱ no̱ le̱ mli nii ṅălã. *1 Maṅ. 17,1.

⁸ Ni mãdši enyo̱ lo etẽ didã ke̱-yagbā maṅ kome no̱, koni ame̱yanu nu, ši eše̱e̱ ame̱nā; ni kẽle̱ nyekpaleko ke̱-bako miṅõ! Iehowa kē̱.

⁹ Asaṅ mihã *latšā ke̱ nibii aṅālãmo̱ ba nyeno̱; nyebō̱i ke̱ nyeweintromi ke̱ nyigbãmitšei ke̱ nyemũtšeii babaō le, †agãi eye; ni kẽle̱ nyekpaleko ke̱-bako miṅõ! Iehowa kē̱. *Hag. 1,11. †Ioel 1,4.

¹⁰ Mitšu gbĕle-hela ni tamo̱ *Mizraim nõ le̱ ke̱-ba nyeteṅ, ni mike̱ klante gbegbē nyeblahĩĩ le̱; ni mihã aṅõ nyekpo̱ṅo̱i le̱ anom, ni mihã nyensrai le̱ amli fũdšē le̱ te ši ke̱-babote nyegugõdši amli tete; ni kẽle̱ nyekpaleko ke̱-bako miṅõ! Iehowa kē̱. *2 Mose 3,8.

¹¹ Asaṅ mibutunye, tamo̱ bo̱ni *Nyoṅmo̱ butu Sodom ke̱ Gomora le̱; ni nyetamo̱ †latšo ní afã ye̱ la nā; ni kẽle̱ nyekpaleko ke̱-bako miṅõ! Iehowa kē̱. *1 Mose 19,24. 25. †Zak. 3,2.

¹² Nohewo̱ le̱ bo̱ni mibafeo ne̱, Israel: ni ake̱-ni mibafeo nakai hewo̱ le̱, sāmo̱ ohe ni oke̱ o-Nyoṅmo̱ le̱ akpe, Israel!

¹³ Edšake̱ na, moni šõ gõdši ni ebo̱ kō̱yo̱, ni egbaä gbomo noni yo̱ edſẽṅmo̱ mli le̱, moni hãa dšetše̱remo̱ tšṍo̱ duṅ, ni enyieo̱ šikpoṅ le̱ no̱ *hei groṅṅi le̱ ano̱ le̱, Iehowa, Zebaot Nyoṅmo̱ le̱, dši egbe̱i! *Mika 1,3.