Bɔfoi 27 - Ṅmãle̱ Kroṅkroṅ Le̱

¹ Ni beni akpe mli ake̱ *wo̱baya Italia le̱, ame̱ṅõ Paulo ke̱ gbokle̱foi krokomei hũ ame̱wo asafoatše̱ ní atšé̱o̱le̱ Iulio ní dše̱ Augusto asafo le̱ mli le̱ deṅ. *25,12.

² Ši beni wo̱bote Adramitio le̱le̱ ko ní bafã ke̱-yatšṍ Asia ṅšo̱nā mādši le̱ ano̱ le̱ mli le̱, wo̱fã, ni *Aristarko, Makedonianyo ní dše̱ Tesalonika le̱, fata wohe. *19,29; 20,4.

³ Ni dšetše̱reno̱ le̱ wo̱yadamo̱ Zidon, ni ake̱-ní Iulio hĩe Paulo do̱dō̱do̱ hewo̱ le̱, eṅmẽle̱ gbe̱ ake̱ eya ešientše̱mei le̱ aṅõ ni eyadšō̱ ehe. 24,23; 28,16.

⁴ Ni wo̱fã ye̱ dše̱i le̱ wo̱šrã Kipro meo le̱, edšake̱ wo̱mīkpē kō̱yo̱.

⁵ Ni beni wo̱fo Kilikia ke̱ Pamfilia ṅšo̱ le̱ṅ le̱, wo̱badamo̱ Mira ye̱ Likia.

⁶ Ni asafoatše̱ le̱ na Aleksandria le̱le̱ ko ye̱ dše̱i ní yaä Italia, ni edšiewo̱ ewo mli.

⁷ Ni gbĩĩ pī wo̱nyie ble̱ō ni ekpakpa wo̱fe fẽdã ni wo̱še̱ Knido ṅe̱le̱no̱, ni ake̱-ní kō̱yo̱ le̱ eṅmẽẽwo̱ gbe̱ hewo̱ le̱, wo̱šrã Kreta meo le̱ ke̱-ba Salmone;

⁸ ni ekpakpa wo̱sā wo̱fe fẽdã ni wo̱foṅ ye̱ dše̱i ke̱-ba heko ní atšē̱o̱ dše̱i ake̱ Le̱dšiatōhe-fe̱fe̱o ni be̱ṅke̱ Lasea maṅ le̱.

⁹ Ši agbe̱ne̱ beni be pī éfite ni *ṅšo̱-hĩe-nyiemo̱ le̱ hũ efe ahuntō, edšake̱ †buadayelibe le̱ eho momo hewo̱ le̱, Paulo woame̱ ṅā *2 Kor. 11,25. 26. †3 Mose 16,29.

¹⁰ ekē̱: Atāmei, mina ake̱ amanehũlũ ke̱ nilādšemo̱ pī baba gbe̱fā̃ ne̱ mli ni dšee le̱le̱ mli nii le̱ ke̱ le̱le̱ le̱ ke̱ke̱, ši moṅ wo̱wala dientše̱ hũ.

¹¹ Ši asafoatše̱ le̱ heo̱ kudō̱tše̱ le̱ ke̱ le̱le̱tše̱ le̱ eyeo fè wiemo̱i ní Paulo wieo̱ le̱.

¹² Ši ake̱-ní le̱dšiatōhe le̱ kãã ši dšogbāṅ bo̱ni aanyẽ aye fẽibe le̱ ye̱ dše̱i hewo̱ le̱, ame̱teṅ mei pī wo ṅā ake̱ afã ye̱ dše̱i akwe̱ ake̱ aanyẽ aše̱ Foinīke ní dši Kreta le̱dšiatōhe ni kã wuoyi-anai ke̱ kōyi-anai teṅ le̱ lo, koni aye fẽibe le̱ ye̱ dše̱i.

¹³ Ši beni wuoyigbe̱ kō̱yo̱ bõi tſā nyãrãkē le̱, efeame̱ ake̱ noni ame̱taoo̱ le̱ eba mli, ni ame̱fã ke̱-šrã Kreta he kpakpa.

¹⁴ Ši etše̱e̱ ke̱ke̱ le̱ ahum ko ní atšé̱o̱le̱ kōyi-bokã kō̱yo̱ le̱ fã bakpēame̱.

¹⁵ Ši beni eta le̱le̱ le̱ mli ni enyẽẽ kō̱yo̱ le̱ ekpē le̱, wo̱hã ekpla.

¹⁶ Ni beni wo̱sa foi ke̱-šrã ṅšo̱kpo̱ fiō ko ni atšé̱o̱le̱ Klaudia le̱ meo le̱, ekpakpa wo̱fe fẽdã ni wo̱nyẽ bonto le̱ wo̱mõ,

¹⁷ ni beni ame̱wó le̱, ame̱ke̱ yeli-ke̱-buamo̱nibii fĩmo̱ le̱le̱ le̱, ni ake̱-ní ame̱mīše gbeyei ake̱ aleenõ ame̱agbē šia futufutu (Sirti) le̱ mli hewo̱ le̱, ame̱kpa abalā le̱, ni ame̱kpla ke̱ke̱.

¹⁸ Ni ake̱-ni ahum le̱ tſaäwo̱ basabasa naakpa hewo̱ le̱, dšetše̱reno̱ le̱ ame̱fã le̱le̱ le̱ mli nii le̱ eko ame̱ſie.

¹⁹ Ni gbĩ ní dši gbĩ etẽ le̱ wo̱ke̱ wo̱dientše̱ wo̱nidši dšie le̱le̱ he nibii le̱ wo̱ſie.

²⁰ Ši ake̱-ni wo̱naa hũlũ lo ṅulamii gbĩĩ pī ni asaṅ ahum ní tſaä kpeo̱wo̱ le̱ nā wa naakpa hewo̱ le̱, agbe̱ne̱ wo̱hĩe kãã wala no̱ doṅṅ.

²¹ Ši beni awoo niyeli āhũ le̱, ke̱ke̱ ni Paulo te ši edamo̱ ame̱teṅ ni ekē̱: Atāmei, kũle̱ esa ake̱ nyeboo̱mi toi ní akafã ye̱ Kreta ni abaná ne̱ke̱ amanehũlũ ke̱ nilādšemo̱ ne̱.

²² Ni agbe̱ne̱ hũ miwonye ṅā ake̱ nyená tšui; edšake̱ nyeteṅ moko yiwala tõṅ, dša le̱le̱ le̱ ke̱ke̱.

²³ Edšake̱ nyõ ne̱ṅ le̱ Nyoṅmo̱ mo nõ ní midsi ke̱ mo hũ ní misúmoo̱ le̱ bo̱fo badamo̱ mimase̱i

²⁴ ni ekē̱: *Kăše gbeyei, Paulo! dša ake̱o yadamo̱ Kaisare hĩe kẽ; ni na, Nyoṅmo̱ éṅõ mei fẽ ni ke̱o nyie le̱le̱ le̱ mli le̱ ekeo. *23,11.

²⁵ Hewo̱ le̱ nyenáa tšui, atāmei, edšake̱ miheo̱ Nyoṅmo̱ miyeo̱ ake̱ bo̱ni abakē̱mi le̱, nakai baba mli.

²⁶ Ši befẽbe ní fe le̱ wo̱o̱yaša ṅšo̱kpo̱ ko no̱ kẽ. 28.1.

²⁷ Ši beni nyōṅ ní dši nyoṅma ke̱ edſe̱ le̱ še̱ ni wo̱kplaä ke̱-yaä ke̱-baä ye̱. Adria ṅšo̱ le̱ no̱ le̱ aafe nyōṅteṅ le̱, amlãkui le̱ susu ake̱ ame̱be̱ṅke̱ šikpoṅ ko,

²⁸ ni ame̱fõ susumo̱kpã, ni ame̱ná abasam nyoṅmai-enyo̱; ni beni ame̱te ame̱hĩe fiō le̱, ame̱fõ ekoṅ, ni ame̱ná abasam nyoṅma ke̱ enumo̱.

²⁹ Ke̱ke̱ ni ame̱še gbeyei ake̱ aleenõ wo̱o̱yagbē te̱sāi ano̱, ni ame̱ṅmẽ se̱ke̱i edſe̱ ye̱ le̱le̱ le̱ se̱gbe̱, ame̱ke̱-mīmẽ dšetše̱remo̱.

³⁰ Ši beni amlãkui le̱ taoo̱ foi adše ye̱ le̱le̱ le̱ mli le̱, ame̱kwa ame̱ši bonto le̱ ame̱mã ṅšo̱ṅ le̱ hĩe tamo̱ ake̱ se̱ke̱i ame̱yaṅme ye̱ le̱le̱ le̱ yitšogbe̱,

³¹ ní Paulo kē̱ asafoatše̱ le̱ ke̱ asrafoi le̱ ake̱: Ke̱dši mene̱mei ehĩĩ le̱le̱ le̱ mli le̱, no le̱ nyeyi náṅ wala.

³² Ke̱ke̱ ni asrafoi le̱ flo̱ bonto le̱ be taṅkpēi le̱, ni ame̱hã eyagbē ši.

³³ Ši ke̱-baä dšetše̱remo̱ mli le̱ Paulo kpa ame̱fẽ fai ake̱ ame̱ye noko ni ekē̱: Nme̱ne̱ dši *gbĩ nyoṅma ke̱ edſe̱ so̱ṅṅ ní nyewoo niyeli ni nokonoko eyako nyedaṅ. *K. 27.

³⁴ Nohewo le̱ mīkpanye fai ní nyéye nii; edšake̱ no aahã nyeyi aná wala, edšake̱ nyeteṅ moko *yitšo̱i kome edšeṅ eyiteṅ enyõṅ ši. *Mat. 10,30.

³⁵ Ni beni ekē̱ nakai le̱, eko̱ abolo, ni *eda Nyoṅmo̱ ši ye̱ ame̱fẽ ame̱hĩe, ni ekũmo̱ mli ebõi yeli. *Ioh. 6.11. 1 Tim. 4,4.

³⁶ Ke̱ke̱ ni ame̱fẽ ame̱ná tšui, ni ame̱ hũ ame̱ye nii.

³⁷ Ši wo̱ mei ní wo̱yo̱ le̱le̱ le̱ mli le̱ fẽ nā šio̱ mei ohai-enyo̱ ke̱ nyoṅmai-kpawo ke̱ ekpa.

³⁸ Ši beni ame̱ye nii ni ame̱tŏ̱ro̱ le̱, ame̱še̱re̱ able ní ame̱wo le̱ ame̱ſie ṅšo̱ṅ, ni ame̱hã le̱le̱ le̱ fe fle̱fle̱.

³⁹ Ni beni dše tše̱re le̱, ame̱lee šikpoṅ le̱, ši ame̱na ble ko ke̱ enā šia, ni ame̱to ame̱yiṅ ake̱, ké̱ ame̱anyẽ le̱, ame̱ahã le̱le̱ le̱ ayaša ši ye̱ dše̱i.

⁴⁰ Ni ame̱flo̱ se̱ke̱i le̱ ame̱wo ṅšo̱ṅ, ni ame̱fẽne kudō̱ le̱ he kpãi le̱ hũ, ni ame̱ši teṅabalā le̱ ke̱-kpe kō̱yo̱ ní tſaä le̱, ni ame̱tšṍ eyi ame̱hã ṅso̱nāgbe̱.

⁴¹ Ši ake̱-ní ame̱yagbe ṅšo̱i enyo̱ le̱ akpẽhe hewo le̱, ame̱ke̱ le̱le̱ le̱ yaša ši; ni eyitšogbe̱ le̱ yatše̱ke̱ ši šiṅṅ, ši ese̱gbe̱ le̱, ṅšo̱kei le̱ anāwale̱ le̱ dſărale̱.

⁴² Ši asrafoi le̱ ayiṅtō dši ake̱ ame̱agbe gbokle̱foi le̱, koni ame̱teṅ moko akasĕre ke̱-mīya ní edšo foi.

⁴³ Ši ake̱-ní asafoatše̱ le̱ taoo̱ Paulo yiwala ehere hewo̱ le̱ etšĩ ame̱yiṅtō le̱ nā, ni efã́ ake̱ mei ní le sẽremo̱ le̱ tšutšu atũ agbē ṅšo̱ le̱ṅ, ni ame̱ya šikpoṅ;

⁴⁴ ši mei ni eſe̱ le̱ ateṅ meikomei abumo̱ ṅmoṅmodsi ano̱, ni meikomei hũ abumo̱ le̱le̱ koi le̱ ano̱. Ni bo̱ni fe ní *ame̱fẽ ame̱še̱ šikpoṅ ſeſēſe dši no. *K. 22-25.