Bɔfoi 24 - Ṅmãle̱ Kroṅkroṅ Le̱

¹ Ši no se̱ gbĩĩ enumo̱ le̱ oso̱fonukpa Anania ke̱ maṅ onukpai le̱ ekomei ke̱ otšãme ko ní atšé̱o̱le̱ Tertulo le̱ ba dše̱i, ni ame̱badšadše Paulo he sane ame̱tšõ amralo le̱.

² Ni beni ayatšé̱le̱ ke̱-ba le̱, Tertulo bõi enāflo̱mo̱ ni ekē̱:

³ Felike dšŭrõ, ake̱-ní oyino̱ ne̱ wo̱toiṅ edšo̱wo̱ babaō, ni asaṅ ono̱kwe̱mo̱ le̱ nā le̱ ohã nibii pī eba hĩṅme̱i no̱ ye̱ ne̱ke̱ šikpoṅ ne̱ no̱ hewo̱ le̱, wo̱daäo ši babaō dāne̱ ye̱ hefẽhe ye̱ ene̱mei fẽ ahewo̱;

⁴ ši beni afe ní misane se̱ akadše̱ke̱ tūtu ko hewo̱ le̱, mikpao fai ní obowo̱ toi fiō ye̱ omlihĩle̱ nā.

⁵ Edšake̱ wo̱na nū ne̱ ake̱ edši mei atoigbole̱, ni *etše̱o̱ atũatšemo̱ ewoo̱ Iudafoi fẽ ní yo̱ šikpoṅ mū le fẽ no̱ le̱ mli, ni asaṅ edši Nazaremei aku le̱ nā kpã, *17,6.

⁶ eka so̱lemo̱we le̱ bulemo̱, ni wo̱mõle̱ (ni kũle̱ we̱mītaole̱ wo̱kodšo le̱ ye̱ wo̱mla le̱ nā. 21,28.

⁷ Ši asafoiatše̱nukpa Lisia ba ni ebašõle̱ ye̱ wo̱deṅ eka nā, ni eke̱le̱ te,

⁸ efã́ *enāflo̱lo̱i le̱ ake̱ ameba oṅõ), ni ke̱dši bodientše̱ obi enā sane le̱, oona sãdši ní wo̱flo̱ö̱ enā ye̱ hewo le̱ fẽ. *28,30.

⁹ Ni Iudafoi le̱ hũ ká mli ni ame̱mã ne̱ mĩ́ ake̱ sãdši ne̱ ye̱ mli nakai.

¹⁰ Ši heni amralo le̱ fõ Paulo nine ake̱ ewie le̱, ewó enā no̱ ni ekē̱: Ake̱-ní mile ake̱ odše̱ oye šikpoṅ ne̱ no̱ amralo etše̱ hewo̱ le̱, miná tšuidšŭrõ nĩ mĩke̱adšie minā,

¹¹ edšake̱ ké̱ obu le̱ oona ake̱ gbĩĩ nyoṅma ke̱ enyo̱ pe̱ ne̱ ní *mibaho Ierusalem ake̱ miyadšá Nyoṅmo̱. *21,17.

¹² Ni asaṅ ame̱nakomi dã ake̱ mike̱ mei mītā nā, lo mībú mei ye̱ so̱lemo̱we le̱, lo kpēhei le̱, lo mã le̱ṅ,

¹³ ni asaṅ sãdši ni ame̱ke̱-ſieo̱ mino̱ ne̱, ame̱nyẽṅ nā ametšõ.

¹⁴ Ši noni migbaä mli faṅṅ mikē̱o̱o dši ene̱ ake̱, tšõmo̱ ní ame̱tšé̱o̱le̱ ake *amaletšõmo̱ le̱ no noṅṅ nā midšáa wo̱tše̱mei a-Nyoṅmo̱ le̱ ye̱, miheo̱ nibii fẽ ní aṅmã ye̱ mla le̱ ke̱ gbalo̱i le̱ amli le̱ miyeo̱, *K. 5.

¹⁵ ni miye̱ Nyoṅmo̱ no̱ hĩeno̱kãmo̱, ake̱ gbohĩĩašitē baba, *ní dšalo̱i ke̱ mei ní edšaa fẽ bate ši, no noṅṅ gbe̱ mene̱mei hũ kwe̱o̱. *Dan. 12,2. Ioh. 5.28. 29.

¹⁶ Ene̱hewo̱ mike̱ mihe efõõ ši le̱, beni afe ní maná henilē ní sõ ko wulaale̱ ye̱ Nyoṅmo̱ ke̱ gbomei ahĩe ye̱ nibii fẽ mli. 23,1.

¹⁷ Ši afii pī ase̱ le̱ miba nĩ mike̱ *nikēnii abahã mimaṅ le̱ ni mašã afo̱le hũ; *Rom. 15,25. 26. Gal. 2,10.

¹⁸ no mli ame̱nami ake̱ mītšū mihe ye̱ so̱lemo̱we le̱, ši ame̱naami ke̱ asafo ko le̱, ame̱naami ke̱ hōfemo̱ ko. 21,27.

¹⁹ Ši Iudafoi komei ní dše̱ Asia le̱ ye̱ dše̱i, ame̱ le̱ kũle̱ sa ake̱ ame̱ba ohĩe, ni ké̱ ame̱ye̱ mihe sane ko le̱ ni ame̱badšadše.

²⁰ Alo mene̱mei dientše̱ po, ke̱ ame̱na sane ko ni edšaa ye̱ mihe heni midamo̱ akuašoṅ le̱ hĩe le̱, ame̱kē̱;

²¹ ake̱ dša ne̱ke̱ wiemo kome ní beni midamo̱ ame̱teṅ ní mibo ake̱: Gbohĩĩašitē hewo̱ nyekodšoomi ṅmene̱ gbĩ ne̱ le ke̱ke̱. 23,6.

²² Ši ake̱-ní Felike le ne̱ke̱ tšõmo̱ ne̱ he sane pe̱pē̱pe̱ hewo̱ le̱, etsiame̱ eto, ni ekē̱: Ke̱dši asafoiatše̱nukpa *Lisia ba le̱, makwe̱ nyesane le̱ maye. *23,26.

²³ Ni efã́ asafoatše̱ le̱ ake̱ eṅõ Paulo eto, ní ehã ená hedšo̱le̱, ni ké̱ ehe gbomei mībale̱ súomo̱ lo sramo̱ le̱ ekatšĩame̱ gbe̱. 27,3.

²⁴ Ši gbĩĩ kplaṅṅ se̱ le̱ Felike ke̱ eṅã Drusila ní dši Iudayō le̱ ba, ni eha ayatšé̱ Paulo ke̱-ba, koni ebo Kristo no̱ hemo̱-ke̱-yeli he sane le̱ toi.

²⁵ Ši beni ewieo̱ dšale̱ ke̱ heno̱kwe̱mo̱ ke̱ kodšomo̱ ní baba le̱ he le̱, Felike še gbeyei pam, ni ekē̱le̱ ake̱: Agbe̱ne̱ ya fẽdã; ši ké̱ miná mihe dekã dšiṅṅ, matšé̱o ekoṅ.

²⁶ Ši asaṅ ehĩe kã ne̱ ake̱ Paulo aahãle̱ šika ní eṅmē̃ ehe, nohewo̱ hũ ní etšé̱o̱le̱ kpitiokpitio ni eke̱le̱ bagbaä sane le̱.

²⁷ Ši afii enyo̱ se̱ le̱, Porkio Festo ba baye Felike nãdšiaṅ; ni ake̱-ni Felike mīsumo̱ ake̱ efe noni sa Iudafoi le̱ ahĩe hewo̱ le̱, ešĩ Paulo ye̱ tšũ le̱ṅ.