Abe̱i 4 - Ṅmãle̱ Kroṅkroṅ Le̱

¹ Bii, nyeboa nyetše̱ tšo̱semo̱ toi, ni nyefea toi, ni nyele sanese̱ko̱mo̱!

² Edšake̱ nilē kpakpa mitšõo̱nye, nyekaše̱a mimla le̱ nyefõa!

³ Edšake̱ mitše̱ bi dšimi, minye bi kome ní eſe̱e̱ ehe dšimi;

⁴ ni etšõmi nii ní ekē̱mi ake̱: Hã otšui ahĩe miwiemo̱i le̱ amli; *ye mikitãi le̱ ano̱, ni oyi aná wala! *3 Mose 18,5.

⁵ Ná nilē, ná sanese̱ko̱mo̱! *Ohĩe akakpa midāṅ wiemo̱i le̱ ano̱, ni kādše he! *3,1.

⁶ Kāšĩle̱, ni eebā oyi; suomo̱le̱, ni eebu ohe.

⁷ Nilē šišidšē dši ake̱: Otao nilē, ni oke̱ onii ní oná le̱ fẽ atao sanese̱ko̱mo̱!

⁸ Būle̱, ni eewó ono̱; ké̱ olōle̱ atū le̱, eewo ohĩe nyam.

⁹ Eke anumnyam yifĩnõ aafĩ oyitšo, eekeo akekre fe̱fe̱o. 1,9.

¹⁰ Mibi, bo toi, ni omõ miwiemo̱i le̱ amli, *ni owala afii le̱ aafá babaō. *3,2.

¹¹ Matšõo nilē gbe̱ le̱, mawao ke̱-tšṍ dšale̱ tempõṅi le̱ ano̱. Lal 32,9; 27,11.

¹² Kē̱ onyie le̱, ofãmo̱ṅ onãdši omãme̱ṅ mli, ni ké̱ oša foi hũ, ote̱ṅ.

¹³ Mõ tšo̱semo̱ mli wā, kāṅmē̃ he! Oke̱-to dšogbāṅ, ši no dši owala.

¹⁴ Meifõdši atempõṅ le̱, kāyi ne̱, ni kānyie efõṅfelo̱i agbe̱ no̱. 1,10. Lal. 1,1.

¹⁵ W̌ile̱ ohã afã, kātšṍ he ke̱-mīho; tšṍ ohe ke̱-dše̱ he, ni ofo mli ke̱-ya!

¹⁶ Edšake̱ ame̱wo̱o̱, ake̱ dša amefe efõṅ ko dã, ni ké̱ ame̱hãko moko agbē ši le̱, wo̱ tšeo̱ ye̱ ame̱hĩe.

¹⁷ Edšake̱ efõṅfemo̱ niyenii ame̱yeo̱, ni yiwale̱ wein ame̱nuo̱.

¹⁸ Ši dšalo̱i atempõṅ le̱ tamo la ní kpe̱o̱ ní eyaä no̱ ekpe̱o̱ āhũ ke̱-yašio̱ ſane fintī̃.

¹⁹ Meifõdši agbe̱ le̱ tamo duṅ kpī, ame̱lee nii ní ame̱tē̱re̱o̱ po. 13,9; 34.20.

²⁰ Mibi, bo miwiemo̱i le̱ atoi, ka otoi ohã noni mikē̱o̱ le̱!

²¹ Kāhã ame̱mīdše ohĩe, ṅõame̱ oto otšui teṅ!

²² Edšake̱ ame̱dši wala hã mei ni naäame̱ le̱, ke̱ noni tšáa ame̱hewodšiaṅ fẽ. 3, 8. 15-16.

²³ Ohĩe akã otšui he fè nii fẽ; edšake̱ no mli wala dše̱o̱.

²⁴ Tši dā kõdõṅ ke̱-dše̱ omase̱i, ke̱ kũtũmpo̱o nābu ke̱-ya flōflo.

²⁵ To ohĩe tē̃, ni ohã ohĩṅme̱iiase̱ akwe̱ ohĩe tū̃ntũ.

²⁶ Dšadšemo̱ onãdši amā̃mo̱he le̱ pe̱pē̱pe̱, ni ohã ogbè̱i fiā adša. Heb. 12,13.

²⁷ Kātšṍ ninedšũrõ lo abe̱ku; ša onane ke̱-dše̱ efõṅ mli. 5 Mose 5,23.