Abe̱i 26 - Ṅmãle̱ Kroṅkroṅ Le̱

¹ Bo̱ni snō yo̱ ye̱ latšābe mli ke̱ bo̱ni nyoṅmo̱ne̱mo̱ hũ yo̱ ye̱ nikpamo̱be mli le̱, nakai noṅṅ hĩenyam esaa kwašia. K. 8.

² Take̱ bo̱ni aflimata tšomloo̱ ni nyoṅmo̱bite̱te flikio̱ le̱, nakai noṅṅ yaka lōmo̱ hũ baṅ mli.

³ Kpã sa okpo̱ṅo̱, manyofle̱ sa tedši, ni tšo sa kwašiai akotose̱. Lal. 32,9. Abe̱i 10.18.

⁴ Kāhã kwašia hetō ye̱ ebulufemo̱ le̱ na, koni bo hũ okatšṍ tamo̱le̱.

⁵ Hã kwašia hetō ye̱ ebulufemo̱ le̱ nā, koni ekabu ehe nilelo̱.

⁶ Moni ke̱ šē̱ tšũo̱ kwašia le̱, etamo̱ moni flo̱ö̱ enãdši ke̱ moni nuo̱ hĩekpãtãmo̱.

⁷ Bo̱ni obubuafo nãdši tšotšŏro ehe eflo le̱, nakai abe̱ yo̱ ye̱ kwašiai adāṅ.

⁸ Moni woo̱ kwašia hĩe nyam le̱, etamo̱ moko ni fĩo̱ te̱ kpe̱teo akromia he. K. 1.

⁹ Bo̱ni ṅmeitšo yo̱ ye̱ dā̃to̱lo̱ deṅ le̱, nakai abe̱ yo̱ ye̱ kwašiai adāṅ.

¹⁰ Moni bo̱ö̱ kwašia ke̱ mei ní hoo̱ apā le̱, etamo̱ gãitšẽlo̱ ni pilaä mofẽmo.

¹¹ Kwašia ní kũo̱ ese̱ eyafeo̱ ebuluianii ekoṅ le̱, etamo̱ *gbé ní kũo̱ ese̱ ke̱-yaä eſē he. *2 Pet. 2,22.

¹² Ké̱ ona gbomo ní buo̱ ehe nilelo̱ le̱, hĩeno̱kãmo̱ ye̱ hã kwašia fèle̱. 3,7.

¹³ Anihaolo̱ kē̱o̱ ake̱: Dšata ye̱ gbe̱ le̱ no̱; dšata ye̱ blohũi le̱ amli! 22,13.

¹⁴ Bo̱ni šĩnā tšṍmoo̱ ye̱ ese̱ sai ano̱ le̱, nakai anihaolo̱ le̱ tšṍmoo̱ ehe ye̱ esa no̱. 6,9-11.

¹⁵ Anihaolo̱ ṅõo̱ enine etšo̱ö̱ kã mli, ewaä ehe ake̱ eke̱-awo edāṅ tete. 19,24.

¹⁶ Anihaolo̱ buo̱ ehe nilelo̱ fè mei kpawo ni hãa hetō ní dša.

¹⁷ Moni ke̱ ehe woo̱ béi ko ní dšee enõ mli le̱, etamo̱ moko ní mõmoo̱ gbé ní hoo̱ toii amli.

¹⁸ Boni se̱ke̱yelo̱ ſe̱o̱ latšei ke̱ gãii ke̱ gbĕle he le̱,

¹⁹ nakai dši nū ní šišiuo̱ enanyo ni ekē̱o̱ ake̱: ſe̱ ke̱ke̱ miſe̱o̱! le̱.

²⁰ Ké̱ lai tã le̱, la gboo̱, ni ké̱ able̱biwielo̱ be̱ le̱, béi se̱ foo̱. 22.10.

²¹ Bo̱ni ṅãi yo̱ hã lasrẽmi ni lai yo̱ hã la le̱, nakai noṅṅ hebéilo̱ hãa béi mli waä. 15,18.

²² Able̱biwíelo̱ wiemo̱i tamo do̱ko̱do̱ko̱nii, ši ame̱kplekeo̱ ši ke̱-yaä mũsũṅ piai le̱ amli. 18,8.

²³ Nābu dšũrõ ke̱ tšui fõṅ le̱, etamo̱ ṅe̱sũkó ní ake̱ dſie̱te̱i eha he.

²⁴ Nye̱lo̱ ke̱ enābu sāa ehe, ši emli-gbe̱ le̱ eke̱ apasa too̱.

²⁵ Ké̱ ewie do̱ko̱bī le̱, kāhele̱ oye; edšake̱ nihĩnii kpawo so̱ṅṅ ye̱ etšui mli.

²⁶ Moni ṅõo̱ kũtũmpo̱o ehaä enye no̱ le̱, aadšie egbomo fõṅ kpo atšõ ye̱ asafo hĩe.

²⁷ Moni dšeo̱ bu le̱, le̱ noṅṅ eegbē mli, ni moni kokloo̱ te̱ le̱, le̱ noṅṅ eno̱ eekũ se̱ egbē. Lal. 7,16. Dsads. 10,8.

²⁸ Amale lile̱i nye̱o̱ mei ní epilaame̱ le̱, ni nādo̱ko̱mo̱ dā ke̱ šigbēmo̱ baä.