Abe̱i 22 - Ṅmãle̱ Kroṅkroṅ Le̱

¹ Gbe̱i kpakpa hĩ fè nii babaō, ni hĩenyam hĩ fè dſie̱te̱i ke̱ šika. Dsads. 7,1.

² Niiatše̱ ke̱ ohĩafo kpeo̱: Iehowa dši moni fe ame̱fẽ.

³ Hĩetẽlo̱ naä efõṅ ní baä, ni etẽo̱ ehe, ši mei ní nako dſẽṅmo̱ le̱ batšṍo̱ he ke̱-hoo̱, ni ame̱naä nõ. 27.12.

⁴ Hešibā ke̱ Iehowa gbeyeišemo̱ nyõmo̱wo dši nii ke̱ hĩenyam ke̱ wala.

⁵ Ṅmeii ke̱ tšõnei ye̱ kũtũmpo̱fo gbe̱ no̱; moni bāa esusuma yi le̱, eke̱ame̱ teṅ aadšeke̱.

⁶ Tšõmo̱ gbekẽ gbe̱ ní sa ake̱ etšṍ no̱, ni ké̱ egbo̱ hũ le̱, edšeṅ no̱. 20,11.

⁷ Niiatše̱ yeo̱ ohĩafoi ano̱, ni nifalo̱ le̱, moni fale̱ le̱ tšũlo̱ dšile̱.

⁸ Moni dũo̱ nõša le̱, eekpa amanehũlũ, ni emlila tšo le̱ aašā ata. Hiob 4,8.

⁹ Moni yo̱ mlihĩle̱ hĩṅme̱i le̱, aadšō̱le̱; edšake̱ eṅõo̱ ebolo le̱ eko ehãa ohĩafo. 18,17.

¹⁰ ſiemo̱ hefe̱oyelo̱, ni blo̱mo̱ aadše kpo, ni béi ke̱ sopamo̱ hũ se̱ aafo. 26,20. 1 Mose 21,9. 10.

¹¹ Moni sumoo̱ tšui mlitšemo̱ ni edāṅ wiemo̱ ṅõ le̱, maṅtše̱ ke̱le̱ bo̱ö̱ nanyo. Lal. 101,3.

¹² Iehowa hĩṅme̱ii bāa nilē yi, ni etsṍmoo̱ kũtũmpo̱fo wiemo̱i ahĩe ebumoo̱ ši.

¹³ Anihaolo̱ kē̱o̱ ake̱: Dšata ye̱ agbo le̱ nā; aagbemi ye̱ blohũi le̱ amli! 25,15.

¹⁴ Meikrokomei aṅãmei adā le̱, bu kwo̱ṅkwo̱ṅ ni; moni Iehowa hĩo̱ ehĩe le̱, aagbe mli. 5,3. 4; 23,27.

¹⁵ Bulufemo̱ kpe̱te̱ gbekẽ tšui he; ši tšo̱semo̱ tšo le̱ aaſiele̱ ke̱-adše̱ ehe ke̱-ate flōflo. 23,14; 29,17.

¹⁶ Moni yeo̱ ohĩafo w̌ei ní eke̱-ná nii, ke̱ moni hãa niiatše̱ nii le̱, ohĩa kẽ bahĩale̱.

¹⁷ Ba otoi ši, ni onu nilelo̱i awiemo̱i, ni oke̱ otšui afõ minilē le̱ no̱.

¹⁸ Edšake̱ ké̱ oke̱-to omli, ni afĩ akpe̱te̱ onābu le̱, eye̱ fe̱o.

¹⁹ Beni afe ní ohĩe akã Iehowa no̱ hewo̱ le̱, mītšõo nii ṅme̱ne̱, bo ní dši bo.

²⁰ Ani miṅmãko ṅāwō ke̱ nilē he nibii ni be dšraä mihãkoö,

²¹ koni mahã ole ano̱kwa wiemo̱i le̱ amli ano̱kwale, koni oke̱ ano̱kwa hetō ayahã mei ní tšũo le̱?

²² Kãtſa ohĩafo odšo, edšake̱ ohĩafo dšile̱; ni asaṅ kāgba nõnalo̱ nā ye̱ koi le̱ ši.

²³ Edšake̱ Iehowa aaye ame̱sane ahãame̱, ni mei ni haäame̱ le̱, eeba ame̱ hũ ame̱-susumai. 23,11.

²⁴ Oke̱ mlifũtše̱ akabo̱ nanyo, ni oke̱ mlilatše̱ akanyie, 29,22.

²⁵ koni okakase egbè̱i le̱, ní oná tšõne ohã osusuma.

²⁶ Kāfe ohe mei ní tăraä deṅ le̱ eko, lo mei ní damoo̱ nyõdši anā le̱! 6,1.

²⁷ ke̱dši obe̱ noko ní oke̱-awo̱ le̱, mẽhewo̱ ni eešõ osā ye̱ ošiši?

²⁸ Kātši blema šikpoṅ-hũsũ ní otše̱mei le̱ ekadi efõ ši le̱! 23,10. 5 Mose 27,17.

²⁹ Ké̱ ona nū ní bo̱ö̱ mo̱deṅ ye̱ enitšumo̱ mli le̱, maṅtše̱mei ahĩe tete eedamo; edamo̱ṅ mei ní abuuame̱ ahĩe. 21,5.