Abe̱i 10 - Ṅmãle̱ Kroṅkroṅ Le̱

¹ Salomo abe̱i. Bi nilelo̱ hãa etše̱ náa mīše̱; ši bi kwašia le, ehãa enye tšui yeo̱. 15,20; 17,21. 25.

² Efõṅfemo̱ mli dſetrii le̱, ehe be̱ se̱námo̱ ko; ši dšale̱ dšieo̱ mo ye̱ gbĕle deṅ.

³ Iehowa *hãṅ hōmo̱ aye dšalo̱ susuma; ši meifõdši anitaomo̱ le̱, etſaä efõo̱. *Lal. 37,19. 25.

⁴ Moni nidšiaṅ ṅõle̱ le̱, ohĩa hĩaä le̱; ši moni nine kãã ši le̱, ehãa etšṍo̱ niiatše̱. 5,9-11; 12,24. 27; 19,16; 28,19.

⁵ Moni buaä nii anā ye̱ latšābe mli le̱, bi nilelo̱ ni; ši moni wo̱ö̱ ye̱ nikpamo̱be mli le̱, bi ní woo̱ mo hĩegbĕle ni

⁶ Dšō̱mo̱ aaba dšalo̱ yiteṅ, ši meifõdši le̱, amimyeli so̱ṅṅ aamõ ame̱nãbu.

⁷ Ké̱ akai dšalo̱ le̱, adšō̱o̱le̱; ši *meifõdši agbe̱i aašăra. Hiob 18,17. Lal. 9,3.

⁸ Moni le nii ye̱ etsui mli le̱, emõo̱ kitãi amli; ši kwašia nāfūtše̱ le̱, eegbē ši.

⁹ Moni nyieo̱ ye̱ emūyeli le̱ mli le̱, enyieo̱ ſeſēſe; ši moni kõdòo̱ egbē̱i le̱, aayole̱.

¹⁰ Moni *bē̱o̱ hĩṅme̱i le̱, ewoo̱ aw̌ere̱hõ; ši kwašia nāfūtše̱ le̱, eegbē ši. *6,13.

¹¹ Dšalo̱ dā le̱, wala nubu ni; ši meifõdši le̱, amimyeli so̱ṅṅ aamõ ame̱nābu. K. 31. Y. 13,14.

¹² Nyē̱ tēo̱ béi aši; ši *suomo̱ baä no̱tõmo̱i fẽ no̱. *1 Pet. 4,8.

¹³ Sanese̱yolo̱ dāṅ anaä nilē ye̱; ši moni be̱ yitšoṅ le̱, tšo sa ekotose̱.

¹⁴ Nilelo̱i tĩaä nilē; ši kwašia dā le̱, ebe̱ṅke̱ hĩekpãtãmo̱.

¹⁵ Niiatše̱ nii le̱ dši emō̃ ni wa; ohĩafoi ahĩekpãtãmo̱ dši ame̱hĩa le̱. 18,11.

¹⁶ Dšalo̱ nitšumo̱nii le̱, ehãa eyi naa wala; *mofõṅ nibānii le̱, ehãa efeo eša. *Luk. 16,19.

¹⁷ Moni buo̱ tšo̱semo̱ le̱, enyie wala gbe̱ le̱ no̱; ši moni kwaä kãmo̱ le̱, edũo̱ gbe̱,

¹⁸ Moni ke̱ nyē̱ tēo̱ le̱, ehĩe apasa nābu, ni moni wieo̱ mo he le̱, kwašia dšile̱.

¹⁹ Wiemo̱ babaō yo̱ ne̱, no̱tõmo̱ kpaa ye̱ mli; ši moni mõo̱ enabu mli le̱, nilelo̱ ni.

²⁰ Dšalo̱ lile̱i le̱, etamo̱ dſie̱te̱i kro̱ṅṅ; ši meifõdši atšui le̱, ehĩĩ hãã nokonoko.

²¹ Dšalo̱ nābu lè̱o̱ mei babaō; ši kwašiai le̱, dſẽṅmo̱ ní ame̱be̱ hewo̱ le̱ ame̱-gboio̱.

²² Iehowa dšō̱mo̱ le̱, no feo̱ mo niiatše̱; ši deṅmegbomo̱ nyẽṅ eke̱ noko afata he. Lal. 127,2.

²³ Kwašia le̱, efõṅfemo̱ feo̱le̱ mīše̱; ši moni yo̱ dſẽṅmo̱ le̱, nilē feo̱le̱ mīše̱.

²⁴ *Noni mofõṅ šeo̱ le̱, no noṅṅ baba eno̱; ši †dšalo̱ le̱, aahãle etaomonii le. *1,27; †Lal. 37,4.

²⁵ Ké̱ lasũogbĕle te ši pe̱ le̱, mofõṅ le̱ be̱ doṅṅ; ši dšalo̱ le̱, eye̱ nāno̱ šišitō.

²⁶ Bo̱ni ašiṅ feo̱ nyãnyõdši ke̱ bo̱ni lasũ feo̱ hĩṅme̱ii le̱, nakai anihaolo̱ feo̱ mei ní tšũle̱ le̱.

²⁷ Iehowa gbeyeišemo̱ hãa gbĩĩ ase̱ tšeo̱; ši meifõdši afii le̱, aafo no̱ kuku. 9,11; 14,27.

²⁸ *Dšalo̱i ahĩeno̱kãmo̱ le̱ bafe mīše̱; ši †meifõdši agbe̱kwemo̱ le̱ bafe yaka. *9,19. †Hiob 8,13.

²⁹ Iehowa gbe̱ le̱ dši mō̃ hã mei ni eye emū le̱; ši mei ni tšuo̱ nišaianii le̱, edši hĩekpãtãmo̱ bãame̱. 3.26.

³⁰ *Dšalo̱ le̱, afãṅle̱ gbĩkogbĩko; ši †meifõdši le̱, amehĩṅ šikpoṅ le̱ no̱. *Lal. 112,6. †Abe̱i 2,22.

³¹ Dšalo̱ nābu dšieo̱ nilē kpo; ši kũtũmpo̱o lile̱i le̱ aafo. K. 11. Lal. 37,30.

³² Dšalo̱ nābu le noni sa; ši meifõdši adã wieo̱ kũtũmpo̱o wiemo̱i.