5 Mose 8 - Ṅmãle̱ Kroṅkroṅ Le̱

¹ Kitãi fẽ ní miwoo̱o ṅme̱ne̱ ne̱, nyedſẽṅa no̱ ní nyeyea no̱, koni nyeyi aná wala, ni nyeyi afá, ni nyeya nyeyaṅõ šikpoṅ ní Iehowa kã nyetše̱mei le̱ akitã ye he le̱.

² Ni okai gbe̱ fẽ ní Iehowa, o-Nyoṅmo̱ le̱, ehã onyie no̱ ye̱ ṅã le̱ no̱ afii nyoṅmai-edſe̱ so̱ṅṅ ne̱, koni eke̱-bao ši ni *eke̱-kao ekwe̱, beni afe ní ele noni yo̱ otšui mli, ake̱ ooye ekitãi le̱ ano̱ lo oyeṅ no̱. *13,4. Kods. 2,22.

³ Ni ebao ši ni ehã hõmo̱ yeo, ni eke̱ mána ní olee ni otše̱mei hũ lee le̱ *lé̱o, koni ehã oná ole ake̱ dšee abolo ke̱ke̱ hàa †gbomo yi náa wala, ši moṅ nofẽno ní dše̱o̱ Iehowa dāṅ le̱ hãa gbomo yi náa wala. *2 Mose 16,13-15. †Mat. 4,4.

⁴ Otadei suu ye̱ ohe, ni onãdši hũ efũũ ne̱ke̱ afii nyoṅmai-edſe̱ ne̱ fẽ. 29,4.

⁵ Bĕle̱ ná ole ye̱ otšui mli ake̱, *bo̱ni mo tšo̱seo̱ ebi le̱, nakai Iehowa, o-Nyoṅmo̱ le̱, tšo̱seo̱o ne̱. *1,31.

⁶ Nohewo̱ le̱ ye Iehowa, o-Nyoṅmo̱ le̱, kitãi le̱ ano̱, ní onyie egbè̱i le̱ ano̱ ni ošele̱ gbeyei.

⁷ Edšake̱ Iehowa, o-Nyoṅmo̱ le̱, ke̱o miya šikpoṅ kpakpa no̱, šikpoṅ ní fāi ke̱ nubui ke̱ kpākpoi yo̱ no̱, ni ame̱dše̱o̱ dšō̱i ke̱ gõdši le̱ amli ame̱hoo̱ le̱;

⁸ šikpoṅ ní ṅmā̃ ke̱ able ke̱ weintšei ke̱ agbamitšei ke̱ akututšei yo̱ no̱ le̱, šikpoṅ ní mũtšei ke̱ wò yo̱ no̱ le̱;

⁹ šikpoṅ ní odāṅ ṅmā̃ ní ooye le̱ he esẽṅ ye̱ no̱, ni nokonoko ehĩaṅo ye̱ dše̱i; šikpoṅ ní te̱i ní yo̱ mli dši dade, ni ootša akō̱ble ke̱-adše̱ eno̱ gõdši le̱ amli le̱.

¹⁰ Ni ke̱dši oye nii ni oto̱ le̱, dšiemo̱ Iehowa, o-Nyoṅmo̱ le̱, yi ye̱ šikpoṅ kpakpa ní ehão le̱ hewo̱.

¹¹ Kwe̱mo̱ ohe ní ahĩ, koni ohĩe akakpa Iehowa, o-Nyoṅmo̱ le̱, no̱, ni obayeṅ ekitãi ke̱ emlai ke̱ ekpo̱i ní miwoo̱o ṅme̱ne̱ ne̱ no̱.

¹² Ni ke̱ oye nii ni oto̱ ni omãmo̱ tšũi ſe̱fe̱dši ni ohĩ mli,

¹³ ni otšinai ke̱ otōi ayi efà, ni odſie̱te̱i ke̱ ošika efà, ni nofẽno ní oyo̱ le̱ eſere le̱,

¹⁴ ke̱ke̱ ni otšui bawó ehe no̱ ni ohĩe kpa Iehowa, o-Nyoṅmo̱ le̱, no̱, moni dšieo ke̱-dše̱ Mizraim šikpoṅ le̱ no̱, ke̱-dše̱ nyṍdši awe le̱;

¹⁵ moni wao ye̱ ṅã kpeteṅkple ní no̱ yo̱ gbeyei le̱ no̱, heni *onũfũi ní nā dšraä ke̱ nyoṅmo̱ṅkrakroi yo̱ ke̱ šikpoṅ ole̱ṅle̱ no̱, heni nu be̱ le̱, moni dšie †nu ke̱-dše̱ tſre̱bo te̱sā le̱ mli ehão le̱; *4 Mose 21,8. †2 Mose 17,6.

¹⁶ moni ke̱ mána ní otše̱mei lee le̱ lè̱o ye̱ ṅã le̱ no̱, koni eke̱-bao ši, ni eke̱-kao ekwe̱, ní nāgbē le̱ efeo edšŭrõ le̱:

¹⁷ koni okakē̱ ye̱ otšui mli ake̱: Midientše̱ mihewale̱ ke̱ mininešiwale̱ nā mike̱-ná ne̱ke̱ nii ne̱ fẽ!

¹⁸ Ši moṅ kaimo̱ Iehowa, o-Nyoṅmo̱ le̱, edšake̱ le̱ dši moni hãao hewale̱ ní oke̱-náa nii, koni ehã *ekpãṅmo̱ ní ekã otše̱mei le̱ akitã ye̱ he le̱ amã ši, take̱ bo̱ni eyo̱ ṅme̱ne̱ ne̱. *4,31.

¹⁹ Ši ke̱dši aaba mli ake̱ ohĩe aadše Iehowa, o-Nyoṅmo̱ le̱, no̱, ni ooyanyie nyoṅmo̱i krokomei ase̱, ni osúmo̱ame̱ ni odšáame̱ le̱, no le̱ mīgba mli kpō mīkē̱nye ṅme̱ne̱ gbĩ ne̱, ake̱ kpãtãmo̱ kẽ nyehĩe bakpãtã;

²⁰ tamo̱ dšeṅmãdäi ní Iehowa kpãtãa ame̱hĩe ye̱ nyehĩe le̱, nakai noṅṅ nyehĩe bakpãtã, edšake̱ nyesumo̱o̱ ake̱ nyeboo̱ Iehowa, nye-Nyoṅmo̱ le̱, gbē toi.