5 Mose 31 - Ṅmãle̱ Kroṅkroṅ Le̱

¹ Ni Mose te ni eyadšadše ne̱ke̱ wiemoi ne̱ etšõ Israelbii le̱ fẽ,

² ni ekē̱ame̱ ake̱: Miye afii *oha ke̱ nyoṅmai-enyo ṅme̱ne̱ gbĩ ne̱; minyẽẽ yā ke̱ bā doṅṅ; ni asaṅ †Iehowa ekē̱mi ake̱: Ofoṅ ne̱ke̱ Iordan ne̱! *34,7. †4 Mose 20,12.

³ Iehowa, o-Nyoṅmo̱ le̱, aanyie ohĩe ke̱-fo, le̱ noṅṅ eefite nakai dšeṅmãdši le̱ ye̱ ohĩe, ni ooye ame̱no̱; Iošua dši moni aanyie ohĩe ke̱-fo, tamo̱ bo̱ni Iehowa ekē̱ le̱. 3,28.

⁴ Ni Iehowa aafeame̱, take̱ bo̱ni efe Sihon ke̱ Og, Amorbii amaṅtše̱mei le̱, ke̱ ame̱šikpoṅ le̱, mei ní ekpãtã amehĩe le̱. 4 Mose 21,21-35.

⁵ Ni Iehowa aatuame̱ awo nyedeṅ, ní nyefeame̱ *tamo bo̱ni miwonye kitã le̱ pe̱pē̱pe̱. *7,2.

⁶ Nyehe awaä ni nyefea ekã, nyekašea gbeyei ni nyetšui akafãa ame̱no̱; edšake̱ Iehowa, o-Nyoṅmo le̱, dši moni ke̱o nyie, esĩno ni esa ekwaṅo!

⁷ Ni Mose tšé̱ Iošua ni ekē̱le̱ ye̱ Israel mū le̱ fe hĩe ake̱: Ohe awa ni ofe ekã; edšake̱ bo oke̱ ne̱ke̱ maṅ ne̱ baya šikpoṅ ní Iehowa kã ame̱tše̱mei le̱ akitã ake̱ eke̱-bahãame̱ le̱ no̱, ni bo noṅṅ oodša mli ohãame̱. Ios. 1,6.

⁸ Ni Iehowa le̱, le̱ dši moni aanyie ohĩe, le̱ noṅṅ eke̱o aahĩ ši; ešīṅo ni esā ekwaṅo; kāše gbeyei ni otšui akafã!

⁹ Ni Mose ṅmã ne̱ke̱ mla ne̱, ni eke̱-hã oso̱foi, ní dši Levibii le̱ ní tẽreo Iehowa kpãṅmo̱ adeka le̱, ke̱ Israel onukpai le̱ fẽ.

¹⁰ Ni Mose woame̱ kitã ake̱: Dã afii kpawo nāgbẽ, ye̱ heyeli-afi be le̱ṅ, ye̱ asesei agbĩdšŭrõ le̱ no le̱, 15,1.

¹¹ ké̱ Israel mū le̱ fẽ bapue ye̱ Iehowa, o-Nyoṅmo̱ le̱, hĩe, ye̱ heni ehala le̱, kanemo̱ ne̱ke̱ mla ne̱ fẽ ye̱ Israel mū le̱ fẽ hĩe owo ame̱toiiaṅ.

¹² Hã ní maṅ le̱, hĩĩ ke̱ yei ke̱ gbekẽbii ke̱ ogbo̱ ní yo̱ ogbói le̱ amli le̱ abua ame̱he nā, koni ame̱nu, ní ame̱kase, ní ame̱še Iehowa, nye-Nyoṅmo̱ le̱, gbeyei, ni ame̱dſẽṅ no̱ ní ame̱ye ne̱ke̱ mla ne̱ mli wiemo̱i le̱ fẽ no̱,

¹³ ní ame̱bii ní leko le̱ hũ anu ni ame̱kase, koni ame̱še Iehowa, nye-Nyoṅmo̱ le̱, gbeyei, gbĩĩ abo̱ ní nyeahĩ šikpoṅ ní nyeyafo Iordan nyeyaṅõ le̱ no̱ le̱.

¹⁴ Ni Iehowa kē̱ Mose ake̱: Na, ogbĕle be eše̱; tšé̱ Iošua ke̱-ba, ni nyebadamo̱ kpē-bũ le̱ mli, ni mawole̱ kitã! Ni Mose ke̱ Iošua ba ame̱badamo̱ kpē-bū le̱ mli.

¹⁵ Ni Iehowa bapue ye̱ bū le̱ mli ye̱ *atatu kutū le̱ mli, ni atatu kutū le̱ badamo̱ kpē-bū le̱ šĩnā le̱ ši. *2 Mose 40,34.

¹⁶ Ni Iehowa kē̱ Mose ake̱: Na, oke̱ otše̱mei le̱ yawo̱, ni ne̱ke̱ maṅ ne̱ bate ši ayabo̱ adſamaṅ ke̱-nyie šikpoṅ ní ame̱yaä no̱ le̱ no̱ nyoṅmo̱i kpõdši le̱ ase̱, ni ame̱ašĩmi, ni ame̱akũ mikpãṅmo̱ ní mike̱ame̱ kpãṅ le̱ mli.

¹⁷ Ni mimli aawoame̱ la ye̱ nakai gbĩ le̱ no̱, ni makwaame̱, ni maṅõ mihĩe matēame̱, ni aayeame̱, ni nifõdši babaō ke̱ fĩmo̱i aaba ame̱no̱. Ni nakai gbĩ le̱ no̱ le̱ ame̱akē̱ ake̱: Aso dšee Iehowa, wo̱-Nyoṅmo̱ le̱, ní be̱ wo̱teṅ hewo̱ ni ne̱ke̱ nifõdši ne̱ eba wo̱no̱ ne̱?

¹⁸ Ši mi le̱, tēmo̱ mike̱ mihĩe aatē ye̱ nakai gbĩ le̱ no̱ ye̱ efõdši fẽ ní ame̱fe le̱ hewo̱, ake̱ noni ame̱kpale ke̱-te nyoṅmo̱i krokomei aṅõ le̱.

¹⁹ Nohewo̱ le̱ agbe̱ne̱ nyeṅmãa ne̱ke̱ *lala ne̱ nyehãa nyehe, ni otšõ Israelbii le̱ ni ame̱kase; ṅõ-wo ame̱dāṅ, koni ne̱ke̱ lala ne̱ atšṍ odase ahãmi ye̱ Israelbii le̱ ahe. *Yi. 32.

²⁰ Edšake̱ ké̱ mike̱ame̱ yaše̱ šikpoṅ ní fufo̱ ke̱ wò hoo̱ ye̱ no̱ ní mikã ametše̱mei le̱ akitã ye̱ he le̱ no̱, ni ame̱ye ni ame̱tŏ̱ro̱ ni *ame̱ſiſī le̱, ke̱ke̱ le̱ ame̱akpale ke̱-ate nyoṅmo̱i krokomei aṅõ, ni ame̱asúmo̱ame̱, ni ame̱agbe mihe guo̱ ni ame̱akũ mikpãṅmo̱ le̱ mli. *32,15.

²¹ Ni aaba mli ake̱, beni nifõdši babaō ke̱ fĩmo̱i eba ame̱no̱ le̱, no le̱ ne̱ke̱ lala ne̱ aaye ame̱he odase; edšake̱ ame̱sešibii le̱ ahĩe kpaṅ no̱ ní edšeṅ ame̱dāṅ. Edšake̱ *mile ame̱dſẽṅmo̱i ní ame̱dſãṅo̱ amrõmrõ ne̱ po, dãni mike̱ame̱ aayaše̱ šikpoṅ ní mikã he kitã le̱ no̱. *Lal. 139,2.

²² Ke̱ke̱ ni Mose ṅmã ne̱ke̱ lala ne̱ ye̱ nakai gbĩ le̱ no̱ noṅṅ, ni etšõ Israelbii le̱.

²³ Ni ewo Iošua, Nun bi le̱, kitã ake̱: Ohe awa ni ofe ekã; edšake̱ bo oke̱ Israelbii le̱ baya šikpoṅ ní mikãame̱ kitã ye̱ he le̱ no̱, ni mike̱o aahĩ ši!

²⁴ Ni eba mli ake̱, beni Mose eṅmã mla ne̱ mli wiemo̱i le̱ ewo wolo egbe nā kwrā le̱,

²⁵ ewo Levibii ní tĕreo̱ Iehowa kpãṅmo̱ adeka le̱ kitã ake̱:

²⁶ Nyeṅõa ne̱ke̱ mlawolo ne̱, ní nyeṅõ-toa Iehowa, nye-Nyoṅmo̱ le̱, kpãṅmo̱ adeka le̱ mase̱i, ní ehĩ dše̱i ní eye nyehe odase.

²⁷ Edšake̱ mile otũatšemo̱ ke̱ okue̱ṅti ní ti. Na, ṅme̱ne̱ ní mihĩe kã ní mike̱nye yo̱ ne̱ po nyemĩtše Iehowa hĩe atũa; bĕle̱ migbĕle se̱ le̱, té aatamo̱ tẽṅ mo̱?

²⁸ Nyehãa nyekutšei anukpai le̱ fẽ ke̱ nyeno̱kwe̱lo̱i le̱ anā abakpea ši ye̱ miṅõ, koni mawie ne̱ke̱ wiemo̱i ne̱ mawo ame̱toii amli, ni matšé̱ *ṅwei ke̱ šikpoṅ, ní ame̱baye ame̱he odase. *32,1.

²⁹ Edšake̱ mile ake̱ migbĕle se̱ le̱ nyeafite nyehe kwrā, ni nyeakpale ke̱-adše̱ gbe̱ ní miwonye he kitã le̱ no̱, ni eſõṅ aaba nyeno̱ ye̱ nāgbēgbĩĩ le̱ ano̱, edšake̱ nyeafe noni dši eſõṅ ye̱ Iehowa hĩe, ni nyeke̱ nyenidši anā nitšumo̱i le̱ aawo emli la.

³⁰ Ni Mose wie ne̱ke̱ lala ne̱ mli wiemo̱i le̱ fẽ ewo Israel asafo mũ le̱ fẽ toiiaṅ ke̱-yaši egbe nā.