5 Mose 25 - Ṅmãle̱ Kroṅkroṅ Le̱

¹ Ke̱dši meikomei mībé, ni ame̱ba koni akodšo ame̱teṅ le̱, no le̱ moni yeo̱ bem le̱ abule̱ bem, ni moni yeo̱ fo̱ le̱ abule fo̱.

² Ni aba mli ake̱, ke̱dši moni eye fo̱ le̱ sa yī le̱, kodšolo̱ le̱ ahã abule̱ ši, ni ayile̱ ye̱ ehĩe ye̱ efõṅ ní efe le̱ nā.

³ Kpãi *nyoṅmai-edſe̱ eyile̱, ekahã eteke no̱, ši ké̱ ayile̱ kpãi pī ke̱-teke no no̱ le̱, no le̱ onyemi le̱ hĩe aaſie ši ye̱ ohĩe. *2 Kor. 11,24.

⁴ *Kāwo tšina ní gble̱o̱ able le̱ nābu kotoku. *1 Kor. 9,9. 1 Tim. 5,18.

⁵ Ke̱dši nyemimei hĩ ši ye̱ hekome, ni ame̱teṅ mokome gbo ni ebe̱ binū le̱, moni egbo le̱ ṅã le̱ akayagbã mokpoṅ ko ye̱ hekroko, ewṅ nyeminū le̱ aṅõle̱ afe eṅã, ni efe wùnyemi femo̱nii le̱ ehãle̱. Rut 4,5. Mat. 22,24.

⁶ Ni aba mli ake̱ kromo̱binū ní yō le̱ aafo̱ le̱ aye enyeminū ni egbo le̱ nãdšiaṅ, koni egbe̱i akalādše ye̱ Israel.

⁷ Ši ke̱dši nū le̱ sumo̱o̱ ake̱ eṅõ enyeminū le̱ ṅã le̱, no le̱ enyeminū le̱ ṅã le̱ aya maṅ agbó le̱ nā ye̱ onukpai le̱ aṅõ ni ekē̱: Miwù nyeminū le̱ ekplẽẽ ake̱ eetē gbe̱i ši ehã enyemi le̱ ye̱ Israel; esumo̱o̱ ake̱ efe wùṅyemi femo̱nii le̱ ehami.

⁸ Ni, emaṅ onukpai le̱ atšé̱le̱ ni ame̱wie ame̱tšõle̱; ni ké̱ emã no̱ mĩ́ ekē̱ ake̱: Misumo̱o̱ ake̱ maṅõle̱ le̱,

⁹ no le̱ enyemi le̱ ṅã le̱ atši abe̱ṅke̱le̱ ye̱ onukpai le̱ ahĩe, ni edšie otokota ke̱-dše̱ enane, ni etšẽ ladšō eſie ehĩe, ni ekē̱ ake̱: Ne̱ke̱ afe nū ní sumo̱o̱ ake̱ esā enyemi we le̱.

¹⁰ Ni egbe̱i ní awole̱ ye̱ Israel dši: Moni adšie etokota we.

¹¹ Ke̱dši nū ke̱ enanyo nū mīnõ, ni ame̱teṅ mokome ṅã tši be̱ṅke̱ ní ebašõ ewù ke̱-dše̱ moni yio̱le̱ le̱ deṅ, ni ekpã enine mli ni emo enūhe le̱,

¹² no le̱ ofo yō le̱ nine, enii akafeo mo̱bo̱.

¹³ Kāhĩe nsẽnite̱i sro̱toi, ewulu ke̱ bibiō, ye̱ ofotro mli. 3 Mose 19,35. 36.

¹⁴ Kāhĩ efai sro̱toi, ewulu ke̱ bibiō, ye̱ owe.

¹⁵ Ši nsẽnite̱ ní še̱o̱ šišīši ke̱ efa ni še̱o̱ šišīši ahĩ odeṅ, koni ogbĩĩ ase̱ atše̱ ye̱ šikpoṅ ni Iehowa, o-Nyoṅmo̱ le̱, ṅõ-hãao le̱ no̱.

¹⁶ Edšake̱ Iehowa, o-Nyoṅmo̱ le̱, *mīhĩ mei fẽ ní feo̱ nakai nii le̱ ke̱ mei fẽ ní feo̱ nibii ní edšaa gbe̱ le̱. *Mika 6,11.

¹⁷ Kaimo̱ noni Amalek feo ye̱ gbe̱teṅ, beni odše̱ Mizraim obaä le̱. 2 Mose 17,8-16.

¹⁸ Bo̱ni ebatuao ye̱ gbe̱teṅ, ni etſia ose̱bii fẽ ní egbo̱dšo̱ ke-nyie ose̱ le̱ anii, beni oto̱ biti ni eto̱o le̱, ní ešee Nyoṅmo̱ gbeyei le̱.

¹⁹ Nohewo̱ le̱ aba mli ake̱, ke̱ Iehowa, o-Nyoṅmo̱ le̱, ehã ohe edšo̱o ke̱-dše̱ ohenye̱lo̱i fẽ ni ebo̱leo le̱ adeṅ, ye̱ šikpoṅ ni Iehowa, o-Nyoṅmo̱ le̱, ṅõ-hãao ake̱ onõ le̱ no̱ le̱, *obule Amalek seši kwrā ye̱ ṅwei šiši. Ohĩe akakpa no̱! *1 Sam. 15,2. 3.