5 Mose 2 - Ṅmãle̱ Kroṅkroṅ Le̱

¹ Ke̱ke̱ ni wo̱tšṍ wohe ni *wo̱fã ke̱-tšṍ Ṅšo̱-tšuru le̱ nā gbe̱ le̱ no̱ ke̱-te ṅã le̱ no̱, take̱ bo̱ni Iehowa †ke̱mi wie le̱, ni wo̱lo̱go̱ ši ke̱-bo̱le Seir goṅ le̱ gbĩĩ babaō. *4 Mose 21,4. †5 Mose 1,40.

² Ni Iehowa kē̱mi ake̱:

³ Bo̱ni nyebo̱le goṅ ne̱ le̱, efá; nyetšṍa nyehĩe nyehãa kõyigbe̱!

⁴ Ni owo maṅ le̱ kitã ake̱: Nyeyatšṍ *nyenyemimei, Esaubii le̱, ní yo̱ Seir le̱, akpokpai le̱ ano̱, ni ame̱bašenye gbeyei; ši nyekwe̱a nyehe no̱ ní ahĩa, *4 Mose 20,14.

⁵ ni nyeke̱ame̱ akawua; edšake̱ mike̱ ame̱šikpoṅ le̱ eko hãṅnye, mihãṅnye nanemãhe kome tete; edšake̱ *miṅõ Seir goṅ le̱ mihã Esau ake̱ egbe̱fãṅnõ. *1 Mose 36,8. 43.

⁶ Niyenii tete le̱ nyeke̱ šika ahea ye̱ ame̱deṅ ní nyeye, ni nu hũ nyeke̱ šika ahea ye̱ ame̱deṅ ní nyenu.

⁷ Edšake̱ Iehowa, o-Nyoṅmo̱ le̱, edšō̱ onine no̱ ye̱ onitšumo̱i fẽ mli; ebā oyi ye̱ ogbe̱nyiemo̱ mli ye̱ ne̱ke̱ ṅã kpeteṅkple ne̱ no̱: ne̱ke̱ afii nyoṅmaì-edſe̱ ne̱ fẽ mli le̱ Iehowa, o-Nyoṅmo̱ le̱, ke̱o ye̱; nokonoko ehĩakoö.

⁸ Ni beni wo̱ho wo̱nyemimei, Esaubii le̱, ní yo̱ Seir le̱, he ye̱ ṅã kplenē ní dše̱ Elat ke̱ Ezion-Geber le̱ no̱, wo̱tšṍ wo̱he ke̱-yayi Moab ṅã le̱ no̱ gbe̱ le̱ no̱.

⁹ Ni Iehowa kē̱mi ake̱: Kāhao Moab, ni asaṅ oke̱ame̱ akawu; edšake̱ mike̱ ešikpoṅ le̱ eko hãṅo; edšake̱ miṅõ Ar mihã *Lotbii le̱ ake̱ ame̱gbe̱fãṅnõ. *1 Mose 19,37.

¹⁰ (Embii dši mei ní hĩ dše̱i sá, maṅ kpeteṅkple ní ame̱yi fá ní ame̱kĕ̱le̱ tamo̱ *Anakbii le̱. *1,28.

¹¹ Ame̱ hũ abuo̱ame̱ oblãṅi, tamo̱ Anakbii le̱, ni Moab-bii le̱ tšé̱o̱ame̱ Embii.

¹² Ni *Seir le̱, Horbii dši mei ní hĩ dše̱i sá; ši Esaubii le̱ baſieame̱ ní ame̱kplenēame̱ ye̱ ame̱hĩe, ni ame̱ne ši ye̱ ame̱nãdšiaṅ, take̱ bo̱ni Israel feo̱ eno̱yeli šikpoṅ le̱ ní Iehowa ke̱-hàame̱ le̱.) *1 Mose 14,5; 36,20.

¹³ Agbe̱ne̱ nyetea ši ni nyeyafoa Zered fā le̱! Ni wo̱yafo Zered fā le̱. 4 Mose 21,12.

¹⁴ Ši gbĩĩ abo̱ ní wo̱ke̱-nyie ke̱-dše̱ Kadeš-Barnea ke̱-yaši beyino̱ ní wo̱bafo Zered fā le̱ dši afii nyoṅmai-etẽ ke̱ kpānyo̱, ke̱-yaši beyino̱ ní tabilo̱i le̱ ayino̱bii le̱ fẽ tã ye̱ nsra le̱ṅ, take̱ bo̱ni *Iehowa ekãame̱ kitã le̱. *1,34.

¹⁵ Ni Iehowa nine kã ame̱no̱, ní ekpãtã amehĩe ye̱ nsra le̱ṅ ke̱-yaši beyino̱ ní ame̱tã.

¹⁶ Ni eba mli ake̱, beni tabilo̱i le̱ fẽ hĩe kpãtã ni ame̱gboi ye̱ maṅ le̱ mli le̱,

¹⁷ Iehowa ke̱mi wie ni ekē̱:

¹⁸ Nme̱ne̱ oyatšṍ Moab kpokpai le̱ ano̱ ye̱ Ar mase̱i, 4 Mose 21,13.

¹⁹ ni ke̱ oše̱ Amonbii le̱ aṅe̱le̱no̱ le̱, kāhaoame̱, ni asaṅ oke̱ame̱ akawu; edšake̱ mike̱ Amonbii le̱ ašikpoṅ le̱ eko hãṅo, edšake̱ miṅõ-hã *Lotbii le̱ ake̱ ame̱gbe̱-fãṅnõ. *1 Mose 19,38.

²⁰ (Abuo̱ no hũ ake̱ oblãṅi ašikpoṅ, oblãṅi hĩ dše̱i sá le̱; ni Amonbii le̱ tšé̱o̱-ame̱ ake̱ Zamzumbii.

²¹ Maṅ ní da ni, ni ame̱yi fá ni ame̱kĕ̱le̱ tamo̱ Anakbii le̱; ni Iehowa kpãtã ame̱hĩe ye̱ nomei ahĩe ni ame̱ſie-ame̱, ni ame̱he ši ye̱ ame̱nãdšiaṅ,

²² take̱ bo̱ni efe ehã Esaubii ní yo̱ Seir le̱, ní ekpãtã Horbii le̱ ahĩe ye̱ ame̱hĩe, ni ame̱ſieame̱ ni ame̱he ši ye̱ ame̱nãdšiaṅ ke̱-baši ṅme̱ne̱ gbĩ ne̱ no̱ le̱.

²³ Ši *Kaftorbii ní dše̱ Kaftor ba le̱ bakpãtã †Avibii, ní hĩ akrowai amli ke̱-yaši Gaza le̱, ahĩe ni ame̱he ši ye̱ ame̱nàdšiaṅ.) *1 Mose 10.14. †Ios. 18,3.

²⁴ Nyetea ši, nyeyiaṅ ni nyeyafoa Arnon fā le̱; na, miṅõ Hešbon maṅtše̱ Sihon, Amornyo le̱, ke̱ ešikpoṅ le̱ fẽ miwo odeṅ. Bõimo̱ eno̱yeli ni oke̱le̱ awu!

²⁵ Ke̱-dše̱ ṅme̱ne̱ gbĩ ne̱ no̱ le̱ mahã ohe ṅmiṅmi ke̱ gbeyei amẽmo̱ mãdši ní yo̱ ṅwei siši le̱ fẽ, ni ke̱dši ame̱nu ohe le̱, ame̱tšui aafã ni ame̱he aakpokpo ye̱ ohĩe.

²⁶ Ni mitšũ bo̱foi ke̱-dše̱ Kedemot ṅã le̱ no̱ ke̱-te Hešbon maṅtše̱ Sihon le̱ ṅõ ke̱ nãdšo̱le̱ wiemo̱i ake̱: 4 Mose 21,21-26.

²⁷ Hã mahatšṍ ošikpoṅ le̱ no̱ ke̱-ho; gbe̱dšēgbe̱ le̱ no̱ ke̱ke̱ mibanyie, migbaṅ ninedšŭrõgbe̱ lo abe̱kugbe̱.

²⁸ Niyenii le̱ hõmo̱ ohãmi mahe ke̱ šika ní maye, ni nu hũ oke̱-hãmi mahe ke̱ šika ní manu; hã manyie minane no̱ ke̱ke̱ ní mafo mli,

²⁹ take̱ bo̱ni Esaubii ní yo̱ Seir le̱ ke̱ Moab-bii ní yo̱ Ar le̱ fe le̱, ke̱-yaši beyino̱ ní mafo Iordan fā le ke̱-ya šikpoṅ ní Iehowa, wo̱-Nyoṅmo̱ le̱, ke̱-hãwo̱ le̱ no̱.

³⁰ Ši Hešbon maṅtše̱ Sihon le̱ ekplẽẽ ní wo̱tšṍ eṅõ ke̱-ho; edšake̱ Iehowa, o-Nyoṅmo̱ le̱, ewadše emumo̱ ni ehã etšui ekpliṅ, beni afe ní eke̱le̱ awo odeṅ, take̱ bo̱ni eba mli ṅme̱ne̱ ne̱.

³¹ Ni Iehowa kē̱mi ake̱: Na, mibõi Sihon ke̱ ešikpoṅ le̱ no̱dšō̱mo̱ ke̱ bo hãmo̱; bõimo̱ eno̱yeli, koni ešikpoṅ le̱ atšṍ onõ!

³² Ni Sihon ke̱ emaṅ mū le̱ fẽ dše kpo ke̱wo̱ bawu ye̱ Iahaz.

³³ Ni Iehowa, wo̱-Nyoṅmo̱ le̱, dšō̱ eno̱ ehãwo̱, ni wo̱gbele̱ ke̱ ebii ke̱ emaṅ le̱ fẽ.

³⁴ Ni wo̱ṅõ emãdši le̱ fẽ ye̱ nakai be le̱ mli, ni wo̱fe maṅ-fẽ-maṅ ke̱ hĩĩ ke̱ yei ke̱ gbekẽbii le̱ musu, ni wo̱ſe̱e̱ mokomeflo.

³⁵ Koloi le̱ ke̱ke̱ wo̱ha ke̱ mãdši le̱ ní wo̱ṅõ le̱ hũ amli nii.

³⁶ Ke̱-dše̱ Aroer ní kã Arnon fā le̱ nā le̱ ke̱ maṅ ní kã fā le̱ nā le̱ ke̱-yaši Gilead tō̃ maṅ ko maṅ ko be̱ ní wo̱nyẽẽ, Iehowa, wo̱-Nyoṅmo̱ le̱, dšō̱ fẽ no̱ hãwo̱.

³⁷ Amonbii le̱ ašikpoṅ le̱ ke̱ke̱ he otaa, ke̱ Iabok fā le̱ hewo̱hewo̱ le̱ fẽ ke̱ goṅ le̱ no̱ mãdši le̱ ke̱ hefẽhe ní Iehowa, wo̱-Nyoṅmo̱ le̱, kē̱ okata he le̱.