5 Mose 11 - Ṅmãle̱ Kroṅkroṅ Le̱

¹ Nohewo̱ le̱ suomo̱ Iehowa, o-Nyoṅmo̱ le̱, ni oye egbēi ano̱ ke̱ ekpo̱i ke̱ emlai ke̱ ekitãi le̱ ano̱ dãne̱!

² Ni nyenãa nyelea ṅme̱ne̱, — edšake̱ dšee nyebii ní lee ni ame̱naa le̱ mike̱-wieo̱, — nyele Iehowa, nye-Nyoṅmo̱ le̱, tšo̱semo̱ le̱, ke̱ edale̱ le̱, ke̱ eninešiwale̱ ke̱ enine ní akpã mli le̱,

³ ke̱ ekadii le̱, ke̱ enitšumo̱i ní etšu ye̱ Mizraim, nii ní efe Mizraim maṅtše̱ Farao ke̱ ešikpoṅ le̱ fẽ le̱,

⁴ ke̱ nii ní efe Mizraim ta le̱ ke̱ ame̱kpo̱ṅo̱i ke̱ ame̱ſīlii le̱, bo̱ni ehã Ṅšo̱-tšuru le̱ mli nui le̱ baha ame̱no̱, beni ame̱tiuo̱nye le̱ ke̱ bo̱ni Iehowa kpãtã ame̱hĩe kē̱-baši ṅme̱ne̱ gbĩ ne̱ le̱, 2 Mose 14,25. 27.

⁵ ke̱ nii ni efe ehãnye ye̱ ṅã le̱ no̱ ke̱-baši beyino̱ ní nyebaše̱ bie̱ ne̱,

⁶ ke̱ nii ni efe Datan ke̱ Abiram ní dši Ruben bi Eliab bii le̱, bo̱ni šikpoṅ gble enā ni emī̃ame̱ ke̱ ame̱šĩabii ke̱ ame̱-būi ke̱ ame̱nibii fẽ ní ame̱yo̱ ye̱ Israel mū le̱ fẽ teṅ le̱. 4 Mose 18,31-35.

⁷ Ši nye le̱ nyehĩṅme̱ii ena Iehowa nibii wudši ní etšu le̱ fẽ.

⁸ Nohewo̱ le̱ nyeyea kitãi ní mi-woo̱nye ṅme̱ne̱ ne̱ fẽ no̱, koni nyehe awa, ni nyeya nyeyaṅõ šikpoṅ ní nye-foo̱ mli ke̱-ya nyeyaṅõ le̱;

⁹ ni nyegbĩĩ le̱ ase̱ atše̱ ye̱ šikpoṅ ní Iehowa kã nyetše̱mei le̱ akitã ake̱ eke̱-bahãame̱ ke̱ ame̱seši le̱ ne̱, *šikpoṅ ni hoo̱ fufo̱ ke̱ wò le̱. *2 Mose 3,17.

¹⁰ Edšake̱ šikpoṅ ní nyeyaä ní nyeyaṅõ le̱, etamo̱o̱ Mizraim šikpoṅ le̱, heni nyedše̱ le̱, heni ke̱ odũ onii ní dša oke̱ onane ſie no̱ nu, tamo̱ bo̱ni aſieo̱ ſie abō̱ mli nii ano̱ nu le̱;

¹¹ ši šikpoṅ ní nyeyaä ní nyeyaṅõ le̱, gõdši ke̱ dšō̱i ašikpoṅ ni, ni ṅwei nu ne̱o̱ ſieo̱ no̱,

¹² šikpoṅ ní Iehowa, o-Nyoṅmo̱ le̱, bāa yi; dãne̱ Iehowa, o-Nyoṅmo̱ le̱, hĩṅme̱ii dſere no̱ ke̱-dše̱ afi šišidšē ke̱-yaši afi nāgbē. Lal. 65,10. 11.

¹³ Ni aaba mli ake̱, ke̱dši nyebo kitãi ní miwoo̱nye ṅme̱ne̱ ne̱ toi, ni nyesumo̱ Iehowa, nye-Nyoṅmo̱ le̱, ni nyesúmo̱le̱ ke̱ nyetšui fẽ ke̱ nyesusuma fẽ le, 3 Mose 26,3-39.

¹⁴ no le̱ mahã nu ane̱ ye̱ nyešikpoṅ le̱ no̱ ye̱ ebe le̱ mli, agbie̱nā ke̱ gbo fẽ, ko-ni owo oble ke̱ owein ke̱ omũ le̱ nābuamo̱,

¹⁵ ni mahã oṅãno̱ aba dſe̱i ahã ošĩa koloi le̱, koni oye nii ni oto̱.

¹⁶ Nyekwe̱a nyehe ní ahĩa ke̱ke̱, koni akalaka nyetšui, ni nyekpale, ni nyeyasúmo̱ nyoṅmo̱i krokomei ní nyedšaame̱;

¹⁷ ni Iehowa mli akafũnye, ní eṅá ṅwei nā, koni nyoṅmo̱ akane̱, ni šikpoṅ le̱ baa edeṅ nibale̱, ni nyehĩe bakpãtã amrõ ke̱-dše̱ šikpoṅ kpakpa ní Iehowa ke̱-hãanye ne̱ no̱. 3 Mose 26,19. 5 Mose 28,23.

¹⁸ Nohewo̱ le̱ *nyeṅõa miwiemo̱i ne̱ nyetoa nyetšuii amli ke̱ nyesusumai amli, ni nyeṅõ-fe kaimo̱nrii nyefĩmo̱ nyenidši-aši, ni ame̱tšṍmo̱ hĩenātramo̱nii ye̱ nyehĩṅme̱ii ateṅ. *6,6-9.

¹⁹ Ni nyeṅõ-tsõ nyebii, ni nyewie he, beni otá ošĩa ke̱ beni onyie gbe̱ teṅ ke̱ beni okã ši ke̱ beni ote ši;

²⁰ ni oṅmã ye̱ ošĩa le̱ šĩnātšei ke̱ omaṅ le̱ agbói le̱ ahe,

²¹ koni ogbĩĩ ke̱ obii le̱ agbĩĩ afã ye̱ šikpoṅ ní Iehowa kã otše̱mei le̱ akitã ake̱ eeṅõ-hãame̱ le̱ no̱, tamo̱ bo̱ni ṅwei ke̱ šikpoṅ gbĩĩ yo̱ le̱.

²² Ši ke̱dši nyedſẽṅ ne̱ke̱ kitã ní miwoo̱nye ne̱ no̱, ni nyeye no̱, ni nyesumo̱ Iehowa, nye-Nyoṅmo̱ le̱, ni nyenyie egbè̱i le̱ fẽ no̱, ni nyeke̱ nyehe kpe̱te̱ ehe le̱,

²³ no le̱ Iehowa aaſie ne̱ke̱ dšeṅmãdši ne̱ fẽ ke̱-adše̱ nyehĩe, ní nyeye dšeṅmãdši ní dăra ni ame̱he wa fènye le̱ ano̱. 7,1. 2.

²⁴ Hefẽhe ní nyenane aasa le̱, dše̱i aatšṍ nyenõ, ke̱-dše̱ ṅã le̱ no̱ ke̱ Lebanon, ke̱-dše̱ fā ní dši Eufrate fā le̱ nā ke̱-yaši anaigbe̱-ṅšo̱ le̱ nā aafe nyehũsũ.

²⁵ Mokomoko nyẽṅ nyehĩe adamo̱, ni Iehowa, nye-Nyoṅmo̱ le̱, aahã nyehe ṅmiṅmi ke̱ nyehe gbeyei amõ šikpoṅ ní nyeanyie no̱ le̱ fẽ, take̱ bo̱ni ewonye ši le̱.

²⁶ Na, miṅõ dšō̱mo̱ ke̱ lōmo̱ miſie nyehĩe ṅme̱ne̱: 30,1. 15.

²⁷ dšō̱mo̱ dši nyenõ, ke̱dši nyebo Iehowa, nye-Nyoṅmo̱ le̱, kitãi ni miwoo̱nye ṅme̱ne̱ gbĩ no̱ atoi le̱; 26,2. 15.

²⁸ ši lōmo̱ dši nyenõ, ke̱dši nyeboo Iehowa, nye-Nyoṅmo̱ le̱, kitãi le̱ atoi, ní nyekpale ke̱-dše̱ gbe̱ ní miwoo̱nye he kitã ṅme̱ne̱ ne̱ no̱, nī nyeyanyie nyoṅmo̱i krokomei ní nyelee sá le̱ ase̱ le̱.

²⁹ Ni aaba mli ake̱, ke̱dši Iehowa, o-Nyoṅmo̱ le̱, ke̱o yaše̱ šikpoṅ ní oyaä oyaṅõle̱ no̱ le̱, no le̱ odšadše dšō̱mo̱ le̱ ye̱ *Gerizim goṅ le̱ no̱ ni lōmo̱ le̱ hũ ye̱ Ebal goṅ le̱ no̱. *27,12. 13. Ios. 8,33. 34.

³⁰ Na, ame̱ye Iordan se̱ ye̱ anaigbe̱ le̱, ye̱ Kanaanbii le̱ ní yo̱ ṅã kplenē le̱ no̱ le̱ ašikpoṅ le̱ no̱, ye̱ Gilgal ṅe̱le̱no̱, ye̱ *More tšei wudši le̱ amase̱i. *1 Mose 12,6.

³¹ Edšake̱ nyebafo Iordan ní nyeyaṅõ šikpoṅ ní Iehowa, nye-Nyoṅmo̱ le̱, ke̱-hãanye le̱, ni nyeṅõ ní nyehĩ no̱.

³² Nohewo̱ le̱ nyedſẽṅa no̱, ni nyeyea akpo̱i le̱ fẽ ke̱ mlai le̱ fẽ ní mike̱-ſieo̱ nyehĩe ṅme̱ne̱ gbĩ ne̱ le̱ ano̱.