4 Mose 36 - Ṅmãle̱ Kroṅkroṅ Le̱

¹ Ni Manase bi Makir bi Gilead bii le̱ aweku le̱ mli tše̱mei onukpai ni dše̱ Iosef bii le̱ akutšei le̱ amli le̱ tši be̱ṅke̱ ni ame̱bawie ye̱ Mose ke̱ Israelbii le̱ atše̱mei onukpai ni dši lume̱i le̱ ahĩe,

² ni ame̱kē̱: Iehowa fã́ minuṅtšo̱ ake̱ edša šikpoṅ le̱ mli *ye̱ ošikifõ nā ehã Israelbii, ni Iehowa †fã́ minuṅtšo̱ ake̱ eṅõ wo̱nyemi Zelofehad gbe̱fãṅnõ le̱ ehã ebiyei le̱. *26,55. †27,6. 7.

³ Ni ke̱dši ame̱yagbã Israelbii akutšei krokomei le̱ amli bii le̱ eko le̱, nto bĕle̱ abadšie ame̱no̱yelinii le̱ ke̱-dše̱ wo̱tše̱mei le̱ ano̱yelinii le̱ amli, ni aṅõ-fata akutšo ní ame̱yadõmo̱ le̱ no̱yelinii le̱ ahe, ni ebadše wo̱gbe̱fãṅnõ le̱ mli.

⁴ Ni ke̱-še̱ Israelbii *anyã́mo̱ afi le̱ no̱ le̱, abaṅõ ame̱no̱yelinõ le̱ afata akutšo ní ame̱yadõmo̱ le̱ no̱yelinii le̱ ahe, bĕle̱ adšie ame̱nõ le̱ ke̱-dše̱ wo̱tše̱mei akutšo le̱ no̱yelinii le̱ amli. *3 Mose 25,10-13.

⁵ Ni Mose wo Israelbii le̱ akitã ye̱ Iehowa wiemo̱ le̱ nā ake̱: Bo̱ni Iosef bii le̱ akutšo le̱ kē̱ le̱ dša.

⁶ Kitã ní Iehowa woo̱ ye̱ Zelofehad biyei le̱ ahewo̱ ne̱: Ame̱gbã moni ame̱sumoo̱ moṅ; ši kẽle̱ dša ame̱gbã ame̱tše̱mei akutšo le̱ mli wekumei le̱ eko,

⁷ beni afe ni Israelbii le̱ ano̱yelinii le̱ akadše akutšo kome mli ke̱-mīya aku-tšo kroko mli; ši moṅ Israelbii le̱ ateṅ mofẽmo akpe̱te̱ etäe̱mei akutšo le̱ no̱yelinii le̱ ahe.

⁸ Ni biyō-fẽ-biyō ní náa no̱yelinii le̱ eko ye̱ Israelbii le̱ akutšei le̱ eko mli le̱ egbã etše̱ akutšo le̱ mli wekumei le̱ eko, koni Israelbii le̱ ateṅ mofẽmo tše̱mei ano̱yelinii le̱ ahĩ edeṅ,

⁹ ni no̱yelinii le̱ akadše̱ akutšo kome mli ke̱-mīya akutšo kroko mli; ši moṅ Israelbii le̱ akutšei le̱ ateṅ mofẽmo akpe̱te̱ eno̱yelinii le̱ ahe.

¹⁰ Bo̱ni Iehowa wo Mose kitã le̱, nakai Zelofehad biyei le̱ fe;

¹¹ ni *Mahela, Tirza, Hogla, Milka ke̱ Noa, Zelofehad biyei le̱ gbã ame̱tše̱kwẽmei le̱ abihĩĩ; *26,33.

¹² mei ní dše̱ Iosef bi Manase bii le̱ awekumei le̱ ateṅ so̱ṅṅ ame̱gbã, ni ame̱no̱yelinii le̱ ka ame̱tše̱ wekumei le̱ akutšo le̱ mli.

¹³ Ene̱mei dši kitãi ke̱ akpo̱i ní Iehowa tšṍ Mose nine no̱ ewo Israelbii le̱ ye̱ Moab ṅã kplenē le̱ no̱ ye̱ Iordan nā ye̱ Ieriko ṅe̱le̱no̱ le̱.