4 Mose 30 - Ṅmãle̱ Kroṅkroṅ Le̱

¹ Ni Mose kē̱ Israelbii le̱ boni Iehowa wo le̱ Mose le̱ kitã le̱ fẽ.

² Ni Mose ke̱ Israelbii le̱ akutšei le̱ ano̱ onukpai le̱ wie ake̱: Kitã ní Iehowa ewo ne̱:

³ Ke̱dši nū ko *wo Iehowa ši lo ekã kitã efõ ehe no̱ ni eke̱-gu ehe noko le̱, ekakũ ewiemo̱ le̱ mli; bo̱fẽbo̱ ní dše enā le̱, efe nakai. *3 Mose 27,2-25. 5 Mose 23,22. Kods. 11,35. Dsads. 5,3. 4.

⁴ Ši ke̱dši yō ko wo Iehowa ši ni eke̱-gu ehe noko ye̱ etše̱ we ye̱ eblayeiaṅ,

⁵ ni etše̱ banu ešiwō le̱ ke̱ nõ femo̱ ní eguo̱ ehe le̱, ni ekē̱ē̱ noko le̱, no le̱ ešiwōi le̱ fẽ mà heni mã, ni nõ femo̱ ní egu ehe le̱ hũ mã heni mã.

⁶ Ši ke̱dši etše̱ ekplẽẽle̱ gbĩ ní enu le̱ noṅṅ le̱, no le̱ ešiwōi le̱ ke̱ nõ femo̱ ní egu ehe le̱ ekomeflo be̱ no̱, ni Iehowa aaṅõ-fale̱, edšake̱ etše̱ ni ekplẽẽle̱.

⁷ Ši ké̱ be mli ní ešiwōi le̱ kã eno̱ lolo lo eša ehe ewie wiemo̱ ko eke̱-gu ehe noko le̱ ni eyagbã,

⁸ ni ewù le̱ banu ni gbĩ ní enu le̱ ekē̱ē̱ noko le̱, no le̱ ešiwōi le̱ mã heni mã, ni nõ femo̱ ní egu ehe le̱ hũ mã heni mã.

⁹ Ši ke̱dši ewù le̱ ekplẽẽle̱ gbĩ ní enu le̱ noṅṅ le̱, no le̱ ešiwō le̱ ke̱ wiemo̱ ní eša ehe ewie ní eke̱-gu ehe noko le̱ be̱ no̱, ni Iehowa aaṅõ-fale̱.

¹⁰ Ši yō okũlafo lo moni ewù eſiele̱ le̱ šiwō le̱ ke̱ nofẽno ní egu ehe femo̱ le̱ mã heni mã hãle̱.

¹¹ Ši ke̱dši ewù we le̱ eyo̱ ni ewo ši lo ekã kitã efõ ehe no̱ eke̱-gu ehe noko femo̱,

¹² ni ewṅ le̱ nu ni ekē̱ē̱ noko ni ekplẽle̱ le̱, no le̱ ešiwōi le̱ fẽ mã heni mã, ni nofẽno ní egu ehe femo̱ le̱ hũ mã heni mã.

¹³ Ši ke̱dši ewù le̱ tſa fõ gbĩ ní enu le̱ noṅṅ le̱, no le̱ ešiwō le̱ ke̱ nofẽno ní dše enā ní eke̱-wo ši lo eke̱-gu ehe noko femo̱ le̱ be̱ no̱ doṅṅ; ewù le̱ etſa efō, ni Iehowa aaṅõ-fale̱.

¹⁴ Šiwō-fẽ-šiwō ke̱ kitã-fẽ-kitã ní akã afõ he no̱ ní ake̱-wa susuma yi le̱, yo wù le̱ dši moni kplẽo̱, ni yō wù le̱ noṅṅ dši moni tſaä fõo̱;

¹⁵ ši ke̱dši ewù le̱ ekē̱ē̱ noko kwrā ṅme̱ne̱ ke̱ wó̱ le̱, no le̱ ekplẽ ešiwō le̱ ke̱ nofẽno ní egu ehe femo̱ le̱, edšake̱ gbĩ ní enu le̱ ekē̱ē̱ noko;

¹⁶ ši ke̱dši beni enu le̱ se̱ kwrā dãni etſa efõ le̱, no le̱ nū le̱ batĕre yō le̱ sõ le̱.

¹⁷ Ene̱mei dši akpo̱i ní Iehowa wo Mose ye̱ nū ke̱ eṅã teṅ ke̱ tše̱ ke̱ ebiyō teṅ, beni eyo̱ eblayeiaṅ ye̱ etše̱ we le̱.