4 Mose 19 - Ṅmãle̱ Kroṅkroṅ Le̱

¹ Ni Iehowa ke̱ Mose ke̱ Aaron wie ni ekē̱:

² Mla le̱ mli akpo̱ ní Iehowa wo ne̱: Kē̱mo̱ Israelbii le̱ ake̱ ame̱ke̱ *tšinayō tšuru ní yo̱ mliṅṅ ní †kpa ko kpa ko be̱ ehe ní ake̱ apã ko efoko eno̱ dã abahão; *Heb. 9,13. †3 Mose 22,20.

³ ni nyeke̱le̱ ahã oso̱fo Eleazar, ni eke̱le̱ adše kpo ke̱-ya nsra le̱ se̱, ni moko agbele̱ ye̱ ehĩe.

⁴ Ni oso̱fo Eleazar aṅõ ewao esa lá le̱ eko, ni etšẽṅe elá le̱ eſã kpē-bū le̱ hĩegbe̱ *šii kpawo. *3 Mose 4,6. 17.

⁵ Ni ašã tšinayō le̱ ye̱ ehĩe, ehewolo le̱ ke̱ elō le̱ ke̱ lá le̱ ke̱ efei le̱ fẽ.

⁶ Ni oso̱fo le̱ aṅõ tšenedrutšo ke̱ *hisopo ke̱ munẽle afõ tšinayō ní ašãa le̱ no̱. *3 Mose 14,6.

⁷ Ke̱ke̱ ni oso̱fo le̱ *afo̱ etadei le̱ ahe, ni eke̱ nu adšu ehe, ni no se̱ fẽdã ní eba nsra le̱ṅ, ni oso̱fo le̱ he tšeṅ ke̱-yaši gbe̱ke̱. *3 Mose 16,28.

⁸ Ni moni šãle̱ le̱ ke̱ nu afo̱ etadei ahe, ni eke̱ nu adšu ehe, ni ehe tšeṅ ke̱-yaši gbe̱ke̱.

⁹ Ni moko ní he tše alō tšinayō le̱ lamlu le̱, ni eke̱-yaſie nsra le̱ se̱ ye̱ heko ní tše, ni ake̱-to ní ake̱-fe hetšūmo̱nu ahã Israelbii asafo le̱; eša-afo̱le ni.

¹⁰ Ni moni lō tšinayō le̱ lamlu le̱ afo̱ etadei le̱ ahe, ni ehe tšeṅ ke̱-yaši gbe̱ke̱. Ni atšṍ akpo̱ ní kã ši dā ahã Israelbii le̱ ke̱ mokpõṅ ní batoo̱ gbo̱ ye̱ ame̱teṅ le̱.

¹¹ Moni aata gbomo ko gbonyo he le̱, ehe tšee gbĩĩ kpawo;

¹² mo le̱ ke̱ ene̱ atšũ ehe ke̱-dše̱ ehe eša le̱ mli ye̱ gbĩ ní dši gbĩ etẽ le̱ no̱ ke̱ gbĩ ní dši gbĩ kpawo le̱ no̱ ní ehe atše, ši ké̱ eke̱-tšūū ehe ke̱-dše̱e̱ ehe eša le̱ mli ye̱ gbĩ ní dši gbĩ etẽ le̱ no̱ ke̱ gbĩ ní dši gbĩ kpawo le̱ no̱ le̱, no le̱ ehe tšeṅ.

¹³ Mofẽmo ní aata gbomo ko gbonyo he ni etšūū ehe ke̱-dše̱e̱ ehe eša le̱ mli le̱, *ebule Iehowa šihĩle̱he le̱, ni aafo nakai mo le̱ ye̱ Israel aše̱ afõ; edšake̱ atšẽṅeko hetšūmo̱nu le̱ aſãko ene̱ hewo̱ le̱, ehe tšee; ehe mũdši le̱ ye̱ ehe lolo. *3 Mose 15,31.

¹⁴ Ké̱ gbomo gbo ye̱ ebū mli le̱, ehe mla ní kã ši ne̱: Mofẽmo ní aate bū le̱ mli le̱ ke̱ nofẽno ní yo̱ bū le̱ mli le̱ he tšee gbĩĩ kpawo.

¹⁵ Ni nõ-fẽ-nõ ní nā kã ni ebe̱ nānõ ní ake̱-fĩo̱ nā le̱, ehe tšee.

¹⁶ Ni mofẽmo ní aata moni enyõ ye̱ klante nā lo gbonyo ko lo gbonyowu ko lo gbonyobu ko he ye̱ dſe̱iaṅ le̱, ehe tšee gbĩĩ kpawo.

¹⁷ Ni moni he tšee le̱ hewo̱ le̱ aṅõ eša-afo̱le ní ašã le̱ lamlu le̱ eko, ni aṅõ nu ni hoo̱ aſie no̱ ye̱ nõ mli.

¹⁸ Ni moko ní he tše aṅõ hisopo atšo̱ nu le̱ mli, ni eke̱-ſã bũ le̱ ke̱ emli nii le̱ fẽ ke̱ gbomei fẽ ní yo̱ dše̱i le̱ ano̱, ke̱ moni eyata gbonyowu ko lo moni enyõ lo gbonyo ko lo gbonyobu ko he le̱ no̱.

¹⁹ Ni moni he tše le̱ aṅõ-ſã moni he tšee le̱ no̱ gbĩ ní dši gbĩ etẽ le̱ ke̱ gbĩ ní dši gbĩ kpawo le̱ no̱, ni etšū ehe ke̱-dše̱ ehe le̱ mli ye̱ gbĩ ní dši gbĩ kpawo le̱ no̱, ni efo̱ etadei le̱ ahe, ni eke̱ nu adšu ehe, ni gbe̱ke̱ le ehe aatše.

²⁰ Ši moni he tšee ni etšūū ehe ke̱-dše̱e̱ ehe eša le̱ mli le̱, aafo nakai mo le̱ ke̱-adše̱ asafo le̱ mli aše̱ afõ; edšake̱ ebule Iehowa hekroṅkroṅ le̱; atšẽṅee hetšūmo̱nu le̱ eko afãã ene̱, hewo̱ le̱ ehe tšee.

²¹ Ni ene̱ atšṍ akpo̱ ní kã ši dā ahãame. Ni moni tšẽṅe hetšūmo̱nu le̱ eſã le̱ hũ afo̱ etadei ahe; ni moni taä hetšūmo̱nu le̱ he le̱ hũ he tšee ke̱-yaši gbe̱ke̱.

²² Ni nofẽno ní moni he tšee aata he le̱ he tšee; ni moni aata nõ le̱ he le̱, ehe tšee ke̱-yaši gbe̱ke̱.