4 Mose 15 - Ṅmãle̱ Kroṅkroṅ Le̱

¹ Ni Iehowa ke̱ Mose wie ni ekē̱:

² Oke̱ Israelbii le̱ awie ni okē̱ame̱ ake̱: Ke̱dši nyeyaše̱ šikpoṅ ní miṅõ-hãanye ní nyehĩ no̱ le̱ no̱,

³ ni nyeke̱ tšinai ke̱ tōi bašã afo̱le ahã Iehowa le̱, šā̃-afo̱le dšio, gbē-afo̱le dšio, ke̱ *šiwō ko no̱ nyeke̱-yeo̱, alo tšuidšŭrõ nā, alo nyegbĩĩ dšudši ní ato le̱ eko no̱ nyešãa ye̱, koni edše ṅma ehã Iehowa le̱, *3 Mose 7,16.

⁴ no le̱ moni ke̱ enikẽnii bahã Iehowa le̱, aṅõ *niyenii-afo̱le hũ ke̱-ba: ṅmā̃ mã [efa] mlidšāi nyoṅma mli ekome ní awo mli mũ hin mlidšāi edſe̱ mli ekome, 3 Mose 6,14.

⁵ ke̱ wein ni *ake̱-baye ṅkpai hin mlidšāi edſe̱ mli ekome, ni eṅo-fata šā̃-afo̱le lo gbē-afo̱le le̱, ní dši tōbi kome le̱ he. *28,7.

⁶ Ši kē̱ tōagbo ni le̱, oke̱ ṅmā̃ mã [efa] mlidšāi nyoṅma mli enyo̱ ní awo mli mũ hin mlidšāi etẽ mli ekome afe ehe niyenii-afo̱le,

⁷ ni oke̱ wein hin mlidšāi etẽ mli ekome abahã ní ake̱-ye ṅkpai ní edše ṅma ewo Iehowa.

⁸ Ši ké̱ oke̱ tšina-oblanyo bašã šā̃-afo̱le lo gbē-afo̱le ní oke̱-ye šiwō no̱ lo oke̱-fe šidā-afo̱le ohã Iehowa le̱,

⁹ no le̱ niyenii-afo̱le ní oke̱-fata tšina-oblanyo le̱ he ke̱-ba ne̱: ṅmā̃ mã [efa] mlidšāi nyoṅma mli etẽ ní awo mli mũ hin fã;

¹⁰ ni oke̱ wein hin fã hũ abahã ní ake̱-ye ṅkpai, afo̱le ní ake̱ la šãa ní dšeo̱ ṅma woo̱ Iehowa dši no.

¹¹ Nakai afe tšina-fẽ-tšina lo tōagbo-fẽ-tōagbo lo tōgwanteṅbi lo tōabotiabi;

¹² ye̱ afole ní nyebasã le̱ ayibo̱ nā, bo̱ni nyefe nyehā ekomekome ye̱ ame̱yibo̱ le̱ nā dši no.

¹³ Šikpoṅ le̱ no̱ bii le̱ ateṅ mofẽmo afe nii ne̱ nakai, ké̱ ẽšã afo̱le ní dšeo̱ ṅma woo̱ Iehowa le̱.

¹⁴ Ni ke̱dši mokpõṅ ko bato gbo̱ ye̱ nyeteṅ lo mofẽmo ní badõmo̱nye kwrā le̱, ké̱ ebašã afo̱le ní dšeo̱ ṅma woo̱ Iehowa le̱, bo̱ni nyefeo̱ le̱, nakai le̱ hũ efe.

¹⁵ Akpo̱ kome akã ši ahã *maṅtšo mū le̱ fẽ, ahã nye ke̱ mokpõṅ ní batonye gbo̱ le̱; nāno̱ akpo̱ dši no hã nyesešibii le̱ fẽ, bo̱ni nyeyo̱ le̱, nakai gbo̱ hũ yo̱ ye̱ Iehowa hĩe. *2 Mose 12,49.

¹⁶ Mla kome ke̱ gbe̱na kome aka ši ahã nye ke̱ mokpõṅ ní bato nyeṅõ le̱ fẽ.

¹⁷ Ni Iehowa ke̱ Mose wie ni ekē̱:

¹⁸ Oke̱ Israelbii le̱ awie ni okē̱ame̱ ake̱: Ke̱ nyeyaše̱ šikpoṅ ní mike̱nye yaä no̱ le̱ no̱,

¹⁹ ni eba mli ake̱ nyeye šikpoṅ le̱ no̱ abolo le̱ eko le̱, nyešãa no̱wómo̱-afo̱le nyehãa *Iehowa: *2 Mose 23,16. 19.

²⁰ *nyekleṅkleṅ mã le̱ nyeke̱-fea kaka ní nyeke̱-šã no̱wómo̱-afo̱le; bo̱ni nyešãa nyeṅmā̃-šāhe le̱ no̱wómo̱-afo̱le le̱, nyešãale̱ nakai. *5 Mose 26,1. 2.

²¹ Nyeke̱ nyekleṅkleṅ mã le̱ eko ahãa Iehowa ake̱ no̱wómo̱-afo̱le ye̱ nyeyino̱i fẽ mli.

²² Ni ke̱dši *nyelee be ni nyeyatõ ne̱ke̱ kitãi ne̱ fẽ ní Iehowa wo Mose le̱, *3 Mose 4,2. 13.

²³ kitãi fẽ ní Iehowa tšṍ Mose nine no̱ ewonye ke̱-dše̱ gbĩ ní Iehowa ha mla le̱ no̱ ke̱-baši nyeyino̱i fẽ mli le̱,

²⁴ ke̱dši eba mli ake̱ asafo le̱ lee be ni eyatō le̱, no le̱ asafo mū le̱ fẽ aṅõ tšina-oblanyo kome aša šā̃-afo̱le ní dšeo̱ ṅma woo̱ Iehowa, ke̱ ehe niyenii-afo̱le ke̱ ehe dā̃-afo̱le, bo̱ni ato le̱, ke̱ tōkpakpo kome ní ake̱-šã eša-afo̱le.

²⁵ Ni oso̱fo le̱ akpãtã ahã Israelbii asafo mū le̱ fẽ, ni aaṅo-faame̱; edšake̱ gbe̱dū̃ ni. Ni ame̱ke̱ ame̱nikēnii ní dši afo̱lei ní ašãa ahãa Iehowa le̱ ke̱ ame̱he eša-afo̱le le̱ eba Iehowa hĩe ye̱ ame̱tõmo̱ le̱ hewo̱;

²⁶ ni aaṅõ-fa Israelbii asafo mū le̱ fẽ ke̱ gbo̱ ní ebatoame̱ le̱ hũ; edšake̱ maṅ mũ le̱ fẽ tõ le̱.

²⁷ Ši ke̱dši mokome ko lee be ni eyafe eša ko le̱, no le̱ eke̱ tōabotiayō nií eye afi aba ní ake̱-šã eša-afo̱le; 3 Mose 4,27. 28.

²⁸ ni oso̱fo le̱ akpãtã aha moni tõ le̱; ke̱dši dšee kwa ekwa efe eša ye̱ Iehowa hĩe le̱, akpãtã ahãle̱, ni aaṅõ-fale̱.

²⁹ Mla kome akã ši ahã mofẽmo ní dšee kwa ekwa efe eša le̱, Israel šīafo̱mo̱bi dšio, mokpõṅ ní too̱ gbo̱ ye̱ nyeteṅ dšio.

³⁰ Ši moni *hĩe kã he ní efe noko fõṅ ko le̱, šĩafo̱mo̱bi ni dšio, gbo̱ ni dšio, ebo̱ musu eši Iehowa, ni nakai mo le̱ aafole̱ ke̱-dše̱ emã le̱ṅ aše̱ afõ; *Bo̱f. 13,38. Heb. 10,26. 27.

³¹ edšake̱ ebuu Iehowa wiemo̱ le̱, ni eto ekitã le̱; befẽbe ni fe le̱ aafo nakai mo le̱ aše̱ afõ; emusu atĕrele̱.

³² Ni beni Israelbii le̱ yo̱ ṅã le̱ no̱ le̱, ame̱yana nū ko mīle̱ lai ye̱ hedšō̱mo̱gbĩ le̱ no̱. 2 Mose 20,8.

³³ Ni mei ní nale̱ ake̱ ēle̱ lai le̱ kplale̱ ke̱-ba Mose ke̱ Aaron ke̱ asafo mū le̱ fẽ hĩe.

³⁴ Ni ame̱wole̱ tšũṅ; edšake̱ anáko atšõ noni sa ake̱ afele̱. 3 Mose 24,12. 2 Mose 31,14; 35,2.

³⁵ Ni Iehowa kē̱ Mose ake̱: Gbe ágbe nū le̱; asafo mū le̱ fẽ atſiale̱ te̱i ye̱ nsra le̱ se̱!

³⁶ Ke̱ke̱ ni asafo mū le̱ fẽ kplale̱ ke̱-te nsra le̱ se̱, ni ame̱yatſiale̱ te̱i ni egbo, take̱ bo̱ni Iehowa wo Mose kitã le̱.

³⁷ Ni Iehowa kē̱ Mose ake̱:

³⁸ Oke̱ Israelbii le̱ awie ni okē̱ame̱ ake̱ amefe amãnyãi ame̱wo ametadei anā ye̱ ame̱yino̱i fẽ mli, ni ame̱ke̱ kpã blū aſimo amãnyãi le̱ ano̱, 5 Mose 22,12. Mat. 28,5.

³⁹ ni afe kaimo̱ amãnyãi, ni ke̱ nyekwe̱ le̱ nyekai Iehowa kitãi le̱ fẽ ni nyeye no̱, koni nyekanyie nyetšuii ke̱ nyehĩṅme̱ii ase̱, nii ase̱ ní nyenyieo̱ ni nyeyabo̱ö̱ adſamaṅ;

⁴⁰ beni afe ní nyekai ní nyeye mikitãi le̱ fẽ no̱, ni nyetšṍmo̱ mei kroṅkroṅi nyehã nye-Nyoṅmo̱ le̱.

⁴¹ Midši Iehowa, nye-Nyoṅmo̱ le̱, moni dšienye ke̱-dše̱ Mizraim šikpoṅ le̱ no̱, koni matšṍ nye-Nyoṅmo̱ le̱, midši Iehowa, nye-Nyoṅmo̱ le̱!