3 Mose 3 - Ṅmãle̱ Kroṅkroṅ Le̱

¹ Ni ke̱dši eke̱ šidā-afo̱le mība abake le̱, ke̱dši tšinai le̱ eko eke̱-ba le̱, ké̱ nū dšio, yō dšio, noni kpa ko he̱ ehe eke̱-bahã Iehowa.

² Ni eke̱ enine afõ efo̱le le̱ yiteṅ, ni egbele̱ ye̱ kpē-bū le̱ šĩnā le̱ ši, ni Aaron bihĩĩ ní dši oso̱foi le̱ aṅõ lá le̱ abaſã afo̱lešãlate̱ le̱ ne̱ ke̱-kpe.

³ Ni šidā-afo̱le le̱ he noni eke̱ la ašã ahã Iehowa ne̱: fo̱ ní ha mlinii le̱ ahe le̱ ke̱ fo̱ fè ní yo̱ mlinii le̱ ahewo̱ le̱,

⁴ ke̱ sabai enyo̱ le̱ ke̱ fo̱ ní yo̱ he ye̱ he̱ mli le̱ ke̱ noni tšotšŏro mle̱bo le̱ he ní adšie ye̱ sabai le̱ ahe le̱.

⁵ Ni Aaron bihĩĩ le̱ ašã ye̱ afo̱lešãlate̱ le̱ ne̱ ye̱ šā̃-afo̱le le̱ ní kã lai le̱ no̱ ye̱ la le̱ no̱ le̱ no̱; afo̱le ní ake̱ la šãa ní dšeo̱ ṅma woo̱ Iehowa ni.

⁶ Ni ké̱ tō eke̱-bašã šidā-afo̱le ehã Iehowa le̱, nū dšio, yō dšio, noni kpa ko be̱ ehe eke̱-ba.

⁷ Ke̱dši gwanteṅ dši noni eke̱-bahã le̱, eke̱-ba ni eke̱-bahã Iehowa,

⁸ ni eke̱ enine afo efo̱le le̱ yiteṅ, ni egbele̱ ye̱ kpē-bū le̱ hĩe, ni Aaron bii le̱ aṅõ elá le̱ abaſã afo̱lešãlate̱ le̱ no̱ ke̱-kpe.

⁹ Ni šidā-afo̱le le̱ mli noni ake̱ la ašã ahã Iehowa ne̱: efo̱ le̱ ke̱ elei mū ní edšie ye̱ kotose̱wu le̱ he kpākpa le̱, ke̱ fo̱ ní ha mlinii le̱ ahe le̱ ke̱ fo̱ fẽ ní yo̱ mlinii le̱ ahewo̱ le̱,

¹⁰ ke̱ sabai enyo̱ le̱ ke̱ fo̱ ní yo̱ he ye̱ he̱ mli le̱, ke̱ noni tšotšŏro mle̱bo le̱ he ní adšie ye̱ sabai le̱ ahe le̱.

¹¹ Ni oso̱fo le̱ asã ye̱ afo̱lešãlate̱ le̱ no̱; Iehowa la le̱ niyenii dši no.

¹² Ni ke̱dši tōabotia dši noni eke̱-bake le̱, eke̱-bahã Iehowa,

¹³ ni eke̱ enine afõ eyiteṅ, ni egbele̱ ye̱ kpē-bū le̱ hĩe, ni Aaron bihĩĩ le̱ aṅõ elá le̱ aſã afo̱lešãlate̱ le̱ no̱ ke̱-kpe.

¹⁴ Ni noni eṅõ ye̱ mli ní eke̱ la ašã ahã Iehowa ne̱: fo̱ ní ha mlinii le̱ ahe le̱ ke̱ fo̱ fẽ ní yo̱ mlinii le̱ ahewo̱ le̱,

¹⁵ ke̱ sabai enyo̱ le̱ ke̱ fo̱ ní ye̱ he ye̱ he̱ mli le̱ ke̱ noni tšotšŏro mle̱bo le̱ he ní adšie ye̱ sabai le̱ ahe le̱.

¹⁶ Ni oso̱fo le̱ ašã nii ne̱ ye̱ afo̱le-šãlate̱ le̱ no̱, ní etšṍ la niyenii ní dšeo̱ ṅma le̱; fo̱ le̱ fẽ le̱ Iehowa nõ ni.

¹⁷ Etšṍ nāno̱ akpo̱ ní kã ši hã nyeyino̱i le̱ ye̱ nyešihĩle̱hei le̱ fẽ: nyekayea fo̱ ko fo̱ ko alo lá ko lá ko. 1 Mose 9,4. 3 Mose 7,23. 26; 17,10-14. 5 Mose 12,15. 18. Bo̱f. 15,20. 29.