3 Mose 11 - Ṅmãle̱ Kroṅkroṅ Le̱

¹ Ni Iehowa ke̱ Mose ke̱ Aaron wie ni ekē̱ame̱ ake̱:

² Nyeke̱ Israelbii le̱ awie ake̱: Šikpoṅ le̱ no koloi fẽ ateṅ nii ní nyeye ne̱: 1 Mose 7,2. Bo̱f. 10,14. 15. Kol 2,16. 1 Tim. 4,4.

³ Nii fẽ ní yo̱ koklotoi ní agbla mli kwrā ní adša mli ni ame̱go̱io̱ ame̱niyenii ni ame̱taä ye̱ šikpoṅ koloi le̱ ateṅ le̱, nomei nyeyea.

⁴ Ši kẽle̱ nii ní nyekayea ye̱ nii ní go̱io̱ ame̱niyenii ni ame̱taä ni agbla ame̱koklotoi amli le̱ ateṅ ne̱: Yoma, edšake̱ ego̱io̱ niyenii moṅ, ši agblaa ekoklotoi le̱ amli, nohewo le̱ ehe tšee hããnye;

⁵ ke̱ afutuo̱ko̱, edšake̱ ego̱io̱ eniyenii ni, etaä moṅ, ši agblako ekoklotoi amli, ehe tšee hããnye;

⁶ ke̱ kpẽṅkplẽ, edšake̱ ego̱io̱ eniyenii ni etaä moṅ, ši agblako ekoklotoi amli, ehe tšee hããnye;

⁷ ke̱ kplokō, edšake̱ okoklotoi le̱ agbla ni adša mli kwrā moṅ, ši le̱ le̱ ego̱ii eniyenii etaa, ehe tšee hããnye.

⁸ Nyekayea ame̱lōi le̱ eko eko, ni ame̱gbohĩĩ hũ nyekataä he, amehe tšee hããnye.

⁹ Ni nii ní yo̱ nui amli le̱ ateṅ nii ní nyeyea fẽ ne̱: Nii fẽ ní yo̱ fĩdši ke̱ totoi ye̱ nui amli, ye̱ ṅšo̱i amli ke̱ fāi amli le̱, nomei nyeyea.

¹⁰ Ši nii fẽ ní be̱ fĩdši ke̱ totoi ye̱ ṅšo̱i amli ke̱ fāi amli, ye̱ nii fẽ ni tšio̱ ame̱he ye̱ nui amli ke̱ nii fẽ ní hĩe kã ye̱ nui amli le̱, nihĩnii dšiame̱ hãnye.

¹¹ Ni ame̱tšã́ nihĩnii ame̱hãnye; amelōi le̱ nyekayea, ni ame̱gbohĩĩ le̱ nyehĩa.

¹² Nofẽno ni be̱ fĩdši ke̱ totoi ye̱ nui amli le̱ dši nihĩnii hãnye.

¹³ Ni nii ní nyehĩa ye̱ lofõdši ateṅ, ní nyekayea ní dši nihĩnii ne̱: okropoṅ ke̱ oko̱re ke̱ ṅšo̱ṅokropoṅ

¹⁴ ke̱ akromã ke̱ lālō̱ ke̱ eheno̱i

¹⁵ ke̱ kwãkwãlabitei fẽ ke̱ ame̱heno̱i

¹⁶ ke̱ duguma ke̱ patu ke̱ yālai ke̱ akpaṅa ke̱ eheno̱i

¹⁷ ke̱ go̱do̱ ke̱ oka ke̱ doṅme̱mahe

¹⁸ ke̱ omio̱hō̱ ke̱ kpokukpoku ke̱ guṅ

¹⁹ ke̱ klitšo ke̱ akō ke̱ eheno̱i ke̱ obleku ke̱ santrofi.

²⁰ Flikilo̱i fẽ ní wamoo̱ ni ame̱nyieo̱ nãdši edſe̱dſe̱ no̱ le̱, afe nihĩnii ahãnye.

²¹ Ši kẽle̱ ene̱mei nyeye ye̱ flikilo̱i fẽ ní wamoo̱ ni ame̱nyieo̱ nãdši edſe̱dſe̱ no̱ ní ame̱yo̱ ſŭo̱dši enyo̱nyo̱ ní tšăra ame̱nãdši ano̱ ní ame̱ke̱-tũmoo̱ ye̱ šikpoṅ le̱ no̱ le̱ ateṅ;

²² nii ne̱ ateṅ nii ni nyeye ne̱: bālabii ke̱ ame̱heno̱i, agã ke̱ eheno̱i, gugõnigugõ ke̱ eheno̱i ke̱ krili ke̱ eheno̱i.

²³ Ši flikilo̱i fẽ ní eſe̱ ní wamoo̱ ní yo̱ nãdši edſe̱dſe̱ le̱ dši nihĩnii hãnye.

²⁴ Ni ene̱mei nyeke̱-buleo̱ nyehe; mofẽmo ni *taä ame̱gbohĩĩ ahe le̱, †ehe tšee ke̱-yaši gbe̱ke̱. *5,2. †14,46.

²⁵ Ni mofẽmo ní ko̱ ame̱gbohĩĩ le̱ eko hĩeo̱ le̱, efo̱ etadei le̱ ahe, ni ehe tšee ke̱-yaši gbe̱ke̱.

²⁶ Šikpoṅ koloi fẽ ní yo̱ koklotoi ni agblaa mli le̱ ni ame̱go̱ii nii ní ame̱ye momo le̱ he tšee hããnye; mofẽmo ní taä ame̱he le̱, ehe tšee.

²⁷ Ni koloi fẽ ní nyieo̱ ame̱nidši ano̱ ye̱ koloi fẽ ní nyieo̱ nãdši edſe̱dſe̱ ano̱ le̱ ateṅ le̱, ame̱he tšee hããnye; mofẽmo ni taä ame̱gbohĩĩ ahe le̱, ehe tšee ke̱-yaši gbe̱ke̱.

²⁸ Ni moni wóo̱ ame̱gbohĩĩ le̱ eko le̱, efo̱ etadei le̱ ahe, ni ehe tšee ke̱-yaši gbe̱ke̱; ame̱he tšee hããnye.

²⁹ Wāmo̱nii ní wamoo̱ ye̱ šikpoṅ le̱ no̱ le̱ ateṅ nii ní he tšee hããnye ne̱: sone ke̱ kwakwe ke̱ odā ke̱ eheno̱i

³⁰ ke̱ mampam ke̱ odiṅmo̱lo̱ ke̱ tšũnye ke̱ kõdõ ke̱ obosumaketeo.

³¹ Ene̱mei dši nii ní he tšee hããnye ye̱ nii fẽ ní wamoo̱ le̱ ateṅ; mofẽmo ní taä ame̱he, kē̱ ame̱gboi le̱, ehe tšee ke̱-yaši gbe̱ke̱.

³² Ni nofẽno ní ame̱teṅ eko ní egbo aagbe no̱ le̱, ehe tšee, tšonii dšio, atadei dšio, wolo lo kpekpe alo nofẽno ní ake̱tšuo̱ nii dšio; aṅõ-ſie nu mli, ni ehe tšee ke̱-yaši gbe̱ke̱; no fẽdã ni ehe aatše.

³³ Ni sũnõ-ſẽ-šũno ní ame̱teṅ eko aagbe mli le̱: nofẽno ní yo̱ mli le̱, ehe tšee, ni nõ le̱ hũ nyedſaä.

³⁴ Niyenii fẽ ní ayeo̱ ní ake̱ ne̱ke̱ nu ne̱ eko aawo mli le̱, ehe tšee, ni nofẽno ní anuo̱ ní yo̱ ne̱ke̱ noko mli le̱, ehe tšee.

³⁵ Ni nofẽno ní ame̱gbohĩĩ le̱ eko aagbe no̱ le̱, ehe tšee, flõnõ dsio, late̱ dšio, adſra; ehe tšee, ni ehe tšee hããnye.

³⁶ Ši kẽle̱ nubui-ahĩṅme̱ii ke̱ nubui ke̱ kpākpoi le̱, nomei ahe tše. Ši moni taä ame̱gbohĩĩ le̱ ahe le̱, ehe tšee.

³⁷ Ni kē̱ ame̱gbohĩĩ le̱ eko gbe dũmo̱nii ní adũo̱ le̱ ano̱ le̱, ehe tše kẽ.

³⁸ Ši ké̱ ake̱ nu awo dũmo̱nii le̱ ahe, ni ame̱gbohĩĩ le̱ eko gbe ṅo̱ le̱, ehe tšee hããnye.

³⁹ Ni ké̱ koloi ní ayeo̱ le̱ eko gbo le̱, moni taä egbonyo le̱ he le, ehe tšee ke̱-yaši gbe̱ke̱.

⁴⁰ Ni moni *yeo̱ egbonyo le̱ eko le̱, efo̱ etadei le̱ ahe, ni ehe tšee ke̱-yaši gbe̱ke̱. Ni moni wóo̱ egbonyo le̱; efo̱ etadei le̱ ahe, ni ehe tšee ke̱-yaši gbe̱ke̱. *2 Mose 22,31.

⁴¹ Ši nofẽno ní wamoo̱ ye̱šikpoṅ le̱ no̱ le̱, nihĩnii ni, nyekayea.

⁴² Nofẽno ní nyieo̱ emũsũ no̱ ke̱ nofẽno ní nyieo̱ nãdši edſe̱dſe̱ no̱ ke̱-yaši nii fẽ ní yo̱ nãdši pīpī ye̱ wāmo̱nii ní wamoo̱ ye̱ šikpoṅ le̱ no̱ le̱ ãteṅ le̱ no̱ le̱, nyekayea; edšake̱ nihĩnii ni.

⁴³ Nyeke̱ wãmo̱nii ní wamoo̱ le̱ eko eko akabulea nyehe, ni nyekawoa nyehe mũdšiye̱ ame̱he, ní ame̱hã nyehe wo mũdši.

⁴⁴ Edšake̱ midsi Iehowa, nye-Nyoṅmo̱ le̱, hewo̱ le̱ nyefea nyehe kroṅkroṅ, koni nyehĩ kroṅkroṅ, *edšake̱ kroṅkroṅ dšimi; nohewo le̱ nyeke̱ nibii ní wamoo̱ ye̱ šikpoṅ le̱ no̱ le̱ eko eko akabulea nyehe. *19,2.

⁴⁵ Edšake̱ midsi Iehowa, moni dsienye ke̱-dše̱ Mizraim šikpoṅ le̱ no̱, koni matšṍ Nyoṅmo̱ mahãnye; nohewo le̱ nyefea kroṅkroṅ, edšake̱ mokroṅkroṅ dšimi. 20,26.

⁴⁶ Ene̱ dši mla ní kã ši ye̱ šikpoṅ koloi ke̱ lofõdši ke̱ nofẽno ní hĩe kã ní tšio̱ ehe ye̱ nui amli le̱ ke̱ kolo-fẽ-kolo ní wamoo̱ ye̱ šikpoṅ no̱ le̱ hewo̱,

⁴⁷ koni ake̱-fe sro̱to ye̱ nii ní he tšee ke̱ nii ní he tše le̱ ateṅ ke̱ koloi ní ayeo̱ ke̱ nii ní ayee le̱ ateṅ.