2 Samuel 6 - Ṅmãle̱ Kroṅkroṅ Le̱

¹ Ni David bua Israel hĩĩ ní ahala le̱ fẽ nā ke̱-kpe ekoṅ, ame̱yibo̱ dši akpei-nyoṅmai-etẽ.

² Ni David te ši ni eke̱ mei ní fata ehe le̱ fẽ yiṅ ke̱-te *Baale-Iuda, ní ame̱yawó Nyoṅmo̱ adeka le̱ ní atšé̱o̱ gbe̱i ní †dši Iehowa Zebaot ni hīo̱ kerubim le̱ ateṅ le̱ gbe̱i ye̱ no le̱ ke̱-ba. *Ios. 15,9. †2 Mose 26,32.

³ Ni ame̱wó Nyoṅmo̱ adeka le̱ ame̱mã ſīli hē ko no̱ ke̱-dše̱ *Abinadab we le̱ ye̱ Gibea, ni Uza ke̱ Ahio, Abinadab bihĩĩ le̱, kudo̱ö̱ ſīli hē le̱. *1 Sam. 7,1.

⁴ Ni beni ame̱yadšie Nyoṅmo̱ adeka le̱ ye̱ Abinadab we le̱ ye̱ Gibea le̱, Ahio nyie adeka le̱ hĩe.

⁵ Ke̱ke̱ ni David ke̱ Israel we le̱ fẽ ſe̱ ye̱ Iehowa hĩe ame̱tſia dībō̱tšo saṅkũi sro̱toi ke̱ obentai ke̱ be̱dši ke̱ mīdši ke̱ ṅme̱dši ke̱ ṅoṅoi.

⁶ Ši beni ame̱še̱ Nakon ṅmā̃gbẽmo̱he le̱, Uza kpã enine mli ke̱-te Nyoṅmo̱ adeka le̱ he ni emõ mli; edšake̱ tšinai le̱ hã ehoso.

⁷ Ni Iehowa mlila te ši wo Uza, ni Nyoṅmo̱ tſale̱ nõ ye̱ etõmo̱ le̱ hewo̱, ni *egbo ye̱ dše̱i ye̱ Nyoṅmo̱ adeka le̱ mase̱i. *4 Mose 1,15. 1 Sam. 6,19.

⁸ Ni edo̱ David ake̱ Iehowa egbá ewo Uza; ni etšé̱ dše̱i ake̱ Perez-Uza ke̱ ṅme̱ne̱.

⁹ Ni David še Iehowa gbeyei nakai gbĩ le̱, ni ekē̱: Té aafe tẽṅ ní Iehowa adeka le̱ aaba miṅõ hũ?

¹⁰ Nohewo̱ le̱ David sumo̱o̱ ake̱ eke̱ Iehowa adeka le̱ baä eṅõ ye̱ David mã le̱ṅ; ši David wó ke̱-tšṍ afã ke̱-te Obed-Edom, Gitinyo le̱, we le̱,

¹¹ Ni Iehowa adeka le̱ hĩ Obed-Edom, Gitinyo le̱, we le̱ nyõdši etẽ; ni Iehowa dšō̱ Obed-Edom ke̱ ewe le̱ fẽ.

¹² Ni ayagba maṅtše̱ David ake̱: Nyoṅmo̱ adeka le̱ hewo̱ le̱ Iehowa edšō̱ Obed-Edom we le̱ ke̱ noſẽno ni eyo̱ le̱. Ke̱ke̱ ni David yiṅ ete eyawó Nyoṅmo̱ adeka le̱ ke̱-dše̱ Obed-Edom we le̱ ke̱-ba David mã le̱ṅ ke̱ mīše̱.

¹³ Ni eba mli ake̱, kē̱ mei ni tēre Iehowa adeka le̱ fãmo̱ ame̱nãdši šii ekpa le̱, egbeo̱ tšina ke̱ tõ ní ewo fo̱ ešãa afo̱le. 1 Maṅ. 8,5.

¹⁴ Ni David dšó ye̱ Iehowa hĩe ke̱ ehewale̱ fẽ, ni David emĩa ke̱ klala efod.

¹⁵ Ni David ke̱ Israel we le fẽ yawó Iehowa adeka le̱ ke̱-ba ke̱ ošebō̱ ke̱ te̱tre̱mantre̱ kpãmo̱.

¹⁶ Ni eba mli ake̱, beni Iehowa adeka le̱ še̱ David mã le̱ṅ le̱, Mikal, Saul bi-yō le̱, yabu samfle̱ nā, ni ena maṅtše̱ David mīhũlu ni ēdšó ye̱ Iehowa hĩe, ni egbe ehe guo̱ ye̱ etšui mli.

¹⁷ Ni ame̱ke̱ Iehowa adeka le̱ ba ni ame̱ke̱-bamã egbe̱he ye̱ bū ní David eši ehãle̱ le̱ teṅ. Ni David šā šã-afo̱lei ni egbe šidā-afo̱lei ye̱ Iehowa hĩe.

¹⁸ Ni beni David šã šã-afo̱lei le̱ ke̱ šidā-afo̱lei le̱ egbe nā le̱, eke̱ Iehowa Zebaot gbe̱i *dšŏ̱ maṅ le̱. *1 Maṅ. 8,55.

¹⁹ Ni edša maṅ le̱ fẽ ni dši Israel asafo mū le̱ fẽ nii, hĩĩ le̱ ke̱ yei le̱ fẽ, ehã mofẽmo abolo akwābo̱ kome ke̱ lō kukuli kome ke̱ weinyibii atatale kome. Ke̱ke̱ ni maṅ le̱ fẽ ṅō-ſie no̱ mofẽmo ke̱-te ewe.

²⁰ Ke̱ke̱ ni David kũ ese̱ ke̱-ba ni ebadšō̱ ewe le̱. Ni Mikal, Saul biyō le̱, dše kpo eke̱ David bakpe ni ekē̱: Aso nyam pam Israel maṅtše̱ le̱ wo ehĩe ṅme̱ne̱ ne̱ ake̱ edšie ehebo ṅme̱ne̱ ye̱ etšũdši le̱ aweyei le̱ ahĩe, tamo̱ yakagbomei le̱ eko dšieo̱ ehe ne̱!

²¹ Ši David kē̱ Mikal ake̱: Iehowa ni dše otše̱ ke̱ ewe le̱ fẽ se̱ ni ehalami ewomi Iehowa maṅ Israel no̱ *lumo̱ le̱ hĩe midšò ye̱, hẽ, le̱ ehĩe madšó ye̱! *5,2.

²² Ni asaṅ mibafe mihe hũmi fè ne̱-ke̱ tete ni mibuṅ mihe ake̱ moko, ni weyei le̱ ni okē̱o̱ le̱, ame̱ moṅ ame̱awo mihĩe nyam!

²³ Ni Mikal, Saul biyō le̱, náá bi āhũ ke̱-yaši egbo.