2 Samuel 24 - Ṅmãle̱ Kroṅkroṅ Le̱

¹ Ni Iehowa mii wo Israel la *ekoṅ, ni etšire̱ David yi se̱ ewoame̱ ake̱: Ya ni oyakane Israel ke̱ Iuda! *21,1.

² Ni maṅtše̱ le̱ kē̱ Ioab, etatše̱ le̱ ni fata ehe le̱, ake̱: Yakpe Israel akutšei le̱ fẽ mli agbe̱ne̱, ke̱-dše̱ Dan āhũ ke̱-yaši Beeršeba, ni nyekana maṅ le̱, koni male maṅ le̱ yikule̱.

³ Ši Ioab kē̱ maṅtše̱ le̱ ake̱: Bo̱fẽbo̱ ni maṅ le̱ yifále̱ yo̱ le̱, agbe̱ne̱ Iehowa, o-Nyoṅmo̱ le̱, aṅõ nakai bo̱ toi oha afata he, ni minuṅtšo̱ maṅtše̱ ana ke̱ ehĩṅme̱ii; ši mẽba minuṅtšo̱ maṅtše̱ náa ne̱ke̱ sane ne̱ he tšui?

⁴ Ši kẽle̱ maṅtše̱ le̱ nā wa fè Ioab ke̱ asafoiatše̱mei le̱; ni Ioab ke̱ ta le̱ no̱ asafoiatše̱mei le̱ dše maṅtše̱ le̱ hĩe ame̱te, koni ame̱yakane Israel maṅ le̱.

⁵ Ni ame̱yafo Iordan, ni ame̱yabo̱ nsra ye̱ Aroer, maṅ ní kã Gad dšō̱ le̱ teṅ le̱ ninedšũrõgbe̱ ke̱-yaã Iazer gbe̱;

⁶ ke̱ke̱ ni ame̱yaše̱ Gilead ke̱ šišigbe̱ Hodši šikpoṅ le̱ no̱, ni ame̱te Dan-Iaan ke̱-lo̱go̱ ke̱-te Zidon;

⁷ ni ame̱še̱ Tiro maṅ ni he wa le̱ mli ke̱ Hivbii ke̱ Kanaanbii amãdši le̱ fẽ mli; ni ame̱yiṅ ame̱te Iuda wuoyigbe̱ ni ame̱še̱ Beeršeba.

⁸ Ni beni *ame̱yakpa šikpoṅ le̱ fẽ no̱ le̱, ame̱ba Ierusalem ye̱ nyõdši ne̱hũ ke̱ gbĩĩ nyoṅmai-enyo̱ se̱. *Ios. 18,9.

⁹ Ni Ioab ṅõ maṅ le̱ ni ayakane le̱ yibo̱ ebahã maṅtše̱ le̱: ni hĩĩ ní hĩe ewa ni ame̱še̱ tayā ní yo̱ Israel dši akpei-ohai-kpānyo̱, ni hĩĩ ni yo̱ Iuda dši akpei-ohai-enumo̱.

¹⁰ Ši beni David ekane maṅ le̱ se̱ le̱, etšui fã. Ni David kē̱ Iehowa ake̱: Mife eša kple ake̱ mife ene̱; ši agbe̱ne̱ Iehowa, mīkpao fai, tši otšũlo̱ nõša ne̱ ohã se̱; edšake̱ miye kwašiai asane naakpa!

¹¹ Ni beni David te ši lebi le̱, Iehowa wiemo̱ ba gbalo̱ Gad ní dši David ninalo̱ le̱ ṅõ ake̱:

¹² Ya ní oyakē̱ David ake̱: Bo̱ni Iehowa kē̱ ne̱: Mihĩe nibii etẽ mīſie ohĩe, ko̱ mli ekome, ní mafeo!

¹³ Ni Gad ba David ṅõ, ni ebagbale̱ ni ekē̱le̱ ake̱: Ani ōsumo̱ *ake̱ hõmo̱ aba oṅõ ye̱ ošikpoṅ le̱ no̱ afii kpawo lo? alo oodšo foi ye̱ ohenye̱lo̱i ahĩe nyõdši etẽ, ni ame̱nyie ose̱? alo gbēle-hela aba ošikpoṅ le̱ no̱ gbĩĩ etẽ? Agbe̱ne̱ susumo̱ he ni okwe̱ nõ hetō ní mĩke̱-yahã moni tšũmi le̱! *Ier. 21,10; 29,17. Ezek. 8,12.

¹⁴ Ke̱ke̱ ni David kē̱ Gad ake̱: Efĩmi naakpa! ene̱ le̱ nyehãa wo̱gbēa Iehowa deṅ, edšake̱ emo̱bo̱nale̱i fá; ši gbomo deṅ ni akahã migbē!

¹⁵ Ke̱ke̱ ni Iehowa hã gbēle-hela ba Israel no̱ ke̱-dše̱ lebi ke̱-yaši be ní ato le̱, ni maṅ le̱ ní dše̱ Dan ke̱-yaſie Beeršeba le̱ mli mei akpei-nyoṅmai-kpawo gboi.

¹⁶ Ni beni bo̱fo le̱ kpã enine mli ye̱ Ierusalem no̱ ní ebafitele̱ le̱, ke̱ke̱ ni Iehowa ſa ehe ye̱ efõṅ le̱ hewo̱, ni ekē̱ bo̱fo ni fiteo̱ maṅ le̱ ake̱: Efá, agbe̱ne̱ eū onine! Ni Iehowa bo̱fo le̱ ye̱ Arauna, Iebusnyo le̱, ṅmā̃gbẽmo̱he le̱ mase̱i.

¹⁷ Ni beni David na bo̱fo le̱ ni tſiaä maṅ le̱ nii le̱, eke̱ Iehowa wie ni ekē̱: Na, mi mife eša le̱, ni mi mitõ le̱; ši ne̱ke̱ tōi ne̱, meni ame̱fe? Kpã onine mli owo mi ke̱ mitše̱ we le̱ moṅ! 4 Mose 16,22.

¹⁸ Ni Gad ba David ṅõ nakai gbĩ le̱ ni ekē̱le̱ ake̱: Ya ní oyamã afo̱lešālate̱ ohã Iehowa ye̱ Arauna, Iebusnyo le̱, ṅmãgbēmo̱he le̱!

¹⁹ Ni David yiṅ te ye̱ Gad wiemo̱ le̱ nā, tamo̱ bo̱ni Iehowa efã́ le̱.

²⁰ Ni beni Arauna yakwe̱ le̱, ena maṅtše̱ le̱ ke̱ etšũdši le̱ miba eṅõgbe̱, ni Arauna dše kpo ni eke̱ ehĩe bu ši ni ekoto maṅtše̱ le̱;

²¹ ni Arauna kē̱: Mẽhewo̱ minuṅtšo̱ maṅtše̱ baä etšũlo̱ ṅõ ne̱? Ni David kē̱: Miba oṅmā̃gbēmo̱he le̱ hemo̱, ni mamā afo̱lešãlate̱ mahã Iehowa, ni gbēle-hela le̱ se̱ afo ye̱ maṅ le̱ no̱.

²² Ni Arauna kē̱ David ake̱: Minuṅtšo̱ maṅtše̱, nofẽno ni hĩ ye̱ ohĩe le̱, ṅõ ni oke̱-šā afo̱le le̱: na, tšinai ni ake̱-šã šã-afo̱le le̱ ke̱ ṅmā̃gbēmo̱ſīlii le̱ ke̱ tšinai le̱ ahe nibii le̱ ni ake̱-fe lai.

²³ Ene̱mei fẽ Arauna ṅõ-hã maṅtše̱ le̱; ni Arauna kē̱ maṅtše̱ le̱ ake̱: Iehowa, o-Nyoṅmo̱ le̱, aná ohe tšui!

²⁴ Ši maṅtše̱ le̱ kē̱ Arauna ake̱: Dabi, ši moṅ mahe ní mawoö nyõmo̱, beni afe ni mike̱ nibii ni miná yaka akašã šã-afo̱lei mīhã Iehowa, mi-Nyoṅmo̱ le̱! Ni David he ṅmā̃gbēmo̱he le̱ ke̱ tšinai le̱ ehā dſie̱te̱i šekeli nyoṅmai-enumo̱.

²⁵ Ni David mã afo̱lešālate̱ le̱ ye̱ dše̱i ehã Iehowa, ni ešã šã-afo̱lei ke̱ šidā-afo̱lei; ni *akpãtã Iehowa ahã šikpoṅ le̱, ni gbĕle-hela le̱ se̱ fo ye̱ Israel no̱. *21,14.