2 Samuel 23 - Ṅmãle̱ Kroṅkroṅ Le̱

¹ Agbe̱ne̱ David nāgbē wiemo̱i ne̱: Bo̱ni David, Išai bi le̱, kē̱ ne̱, bo̱ni nū ní awó eno̱ godšō, mo hũ ni Iakob Nyoṅmo̱ le̱ fo̱le̱ mū, ke̱ Israel lalatše̱ ní lalai ṅõ le̱ kē̱ ne̱:

² Iehowa Mumo̱ le̱ tšṍ mino̱ wie, ni ewiemo̱ le̱ kã milile̱i no̱:

³ Israel Nyoṅmo̱ le̱ kē̱, Israel te̱sā le̱ ke̱mi wie: Moni yeo̱ gbomei ano̱ ye̱ dšale̱ nā, moni yeo̱ no̱ ye̱ Nyoṅmo̱ gbeyeišemo̱ nā le̱:

⁴ eetamo̱ lebi la, beni hũlũ teo̱ ši le̱, lebi ni oblo̱tu be̱, beni dšeṅ etše ye̱ nune̱mo̱ se̱ le̱, ni dſe̱fo̱ kwẽo̱ ke̱-dše̱o̱ šikpoṅ le̱.

⁵ Ani dšee nakai miwe le̱ yo̱ ye̱ Mawu ṅõ lo? edšake̱ eke̱mi ekpãṅ nāno̱ kpãṅmo̱, ni atole̱ gbe̱dšiano̱ ye̱ nibii fẽ mli, ni emã ši šiṅṅ; miyiwalaheremo̱ fẽ ke̱ mitaomo̱ fẽ, ani ehãã akwẽ?

⁶ Ši yakagbomei le̱, ame̱fẽ ame̱tamo̱ ṅmei ni aše̱re̱ aſie, ni anyẽẽ ake̱ nine akō̱lo̱;

⁷ ni moni aata ame̱he le̱, dša ehĩe dade ke̱ akplo̱tšo, ni ake̱ la aašãame̱ kwrā ye̱ heni ame̱yo̱ le̱ noṅṅ.

⁸ Kākãlo̱i ni David yo̱ le̱ agbe̱i ne̱: Iošeb-Bašebet, Takemonnyo le̱, moni dši onukpa ye̱ mei etẽ le̱ ateṅ le̱, ewó ekplo̱ no̱ šikōme le̱, egbe mei ohai-kpānyo̱.

⁹ Ni ese̱ le̱ Eleazar, Ahohinyo bi Dodo bi le̱; eye̱ hĩĩ kakabãi etẽ ni fata David he le̱ ateṅ, ni ame̱tſa Filistibii ni ebabua ame̱he nā ye̱ dše̱i ni ame̱bawu le̱ mpoa, beni Israelbii le̱ ete momo le̱;

¹⁰ le̱ ete ši edamo̱ ši ni etſia Filistibii le̱ anii āhũ ke̱-yaši beyino̱ ni eto̱ enine ni enine kpe̱te̱ klante le̱ he; ni Iehowa tšu kũnimyeli nitšumo̱ kpeteṅkple nakai gbĩ le̱, ni maṅ le̱ kũ ame̱se̱ ame̱baha nii ke̱ke̱ ye̱ ese̱.

¹¹ Ni ese̱ le̱ Šama, Hararnyo Age bi le̱. Beni Filistibii babua ame̱he nā ame̱ba odšoyeli le̱, šikpoṅ kukuō ko ye̱ dše̱i ni eno̱ eyi to̱ ke̱ yō̱i so̱ṅṅ; ni maṅ le̱ dšo foi ye̱ Filistibii le̱ ahĩe;

¹² ke̱ke̱ ni eho edamo̱ ši ye̱ šikpoṅ kukuō le̱ teṅ tū̃ntũ, ni efá he, ni egbe Filistibii le̱; ni Iehowa tšu kũnimyeli nitšumo̱ kpeteṅkple.

¹³ Ni onukpai nyoṅmai-etẽ le̱ ateṅ mei etẽ ne̱ kpleke ši ke̱-ba David ṅõ ye̱ nikpamo̱ be le̱ṅ ye̱ Adulam te̱kplo le̱ mli, ni Filistibii odšoyeli ta le̱ eba-bo̱ nsra ye̱ Refaim dšō̱ le̱ṅ.

¹⁴ Ni no mli le̱ David ye̱ te̱kplo le̱ mli, ni Filistibii asrafoi le̱ hũ ye̱ Betlehem.

¹⁵ Ni eba David tsine ni ekē̱: Namo aate ayaye̱ nu ye̱ Betlehem nubu ni yo̱ agbó lo̱ mase̱i le̱ mli ebahãmi manu?

¹⁶ Ke̱ke̱ ni hĩĩ kakabãi etẽ ne̱ ṅõtšere̱ mli ke̱-tšṍ Filistibii le̱ ansra le̱ mli, ni ame̱yaye̱ nu le̱ ye̱ Betlehem nubu le̱ ni yo̱ agbó le̱ mase̱i le̱ mli, ni ame̱wó ke̱-ba ame̱ke̱-bahā David, ši esumo̱o̱ ake̱ enu eko, ni eſo̱se eſie ši ehã Iehowa,

¹⁷ ni ekē̱: Iehowa! kāhã ene̱ mīgbalemi fō̃ṅfõ ake̱ mafe ene̱! ani dšee hĩĩ ni še̱re̱ ame̱he ame̱ſie le̱ alá ne̱? Nohewo̱ esumo̱o̱ ake̱ enu le̱. Nii ni hĩĩ kakabãi etẽ le̱ fe ne̱.

¹⁸ Ni Abišai, Ioab nyemi le̱, ni dši *Zeruia bi le̱, dši mei etẽ le̱ ateṅ onukpa. Le̱ hũ ewó ekplo̱ no̱ ye̱ mei ohai-etẽ no̱ ni egbeame̱, ni ená gbe̱i ye̱ mei etẽ le̱ ateṅ. *21,17.

¹⁹ Mei etẽ le̱ ateṅ le̱, le̱ dši moni hīe yo̱ nyam fē fẽ; nohewo̱ le̱ awole̱ ame̱safoatše̱, ši kleṅkleṅ mei etẽ le̱ eninaa-ame̱.

²⁰ Ni Benaia, nū ekãlo̱ ko ni tšu nibii wudši ni edše̱ *Kabzeel le̱ bi Iehoiada bi le̱, le̱ hũ egbe Ariel ní dše̱ Moab le̱ bihĩĩ enyo̱ le̱, ni le̱ noṅṅ ekpleke ši ke̱-te ni eyagbe dšata ye̱ bu ko mli ye̱ snō be le̱ mli. *Ios. 15,21. Neh. 11,25.

²¹ Ni esā egbe Mizraimnyo kpanaku ko; ni Mizraimnyo le̱ hĩe akplo̱ ye̱ edeṅ, ši le̱ le̱ ehĩe dēhĩemo̱tšo ke̱kpleke ši ke̱-yaninale̱, ni ešõ akplo̱ le̱ ye̱ Mizraimnyo le̱ deṅ, ni eke̱ le̱dientše̱ ekple̱ le̱ gbele̱.

²² Nii ni Iehoiada bi Benaia le̱ fe ne̱, ni ená gbe̱i ye̱ hĩĩ kakabãi etẽ le̱ ateṅ.

²³ Eble ye̱ nyam fē mei nyoṅmai-etẽ le̱, ši kleṅkleṅ mei etẽ le̱ eninaa-ame̱. Ni David wole̱ onukpa ye̱ ehebuio̱i le̱ ano̱.

²⁴ Mei nyoṅmai-etẽ le̱ ateṅ mokome dši *Asahel, Ioab nyemi le̱; Elhanan, Dodo bi, ní dše̱ Betlehem le̱; *2,18.

²⁵ Šama, Harodnyo le̱; Elika, Harodnyo le̱;

²⁶ Helez, Paltinyo le̱; Ira, Ikeš bi le̱ ni dši Tekonyo le̱; 1 Kron. 27,9. 10.

²⁷ Abiezer, Anatotnyo le̱; Mebunai, Hušatnyo le̱;

²⁸ Zalmon, Ahohinyo le̱; Maharai, Netofatnyo le̱;

²⁹ Heleb, Baana bi le̱, ni dši Netofatnyo le̱; Itai, Ribai bi le̱, ni dše̱ Benyaminbii le̱ a-Gibea le̱;

³⁰ Benaia, Piratonnyo le̱; Hidai ní dše̱ Gaaš fãi le̱ anã le̱;

³¹ Abi-Albon, Arbatnyo le̱; Azmawet, Barhumnyo le̱;

³² Eliaba, Saalbonnyo le̱; Bene-Iašen; Ionatan;

³³ Šama, Hararnyo le̱; Ahiam, Šarar bi le̱, Ararnyo le̱;

³⁴ Elifelet, Ahasbai bi le̱, ní dši Maakatnyo le̱ bi le̱; Eliam, *Ahitofel, Gilonnyo le̱, bi le̱; *15,12.

³⁵ Hezro, Karmelnyo le̱; Paarai, Arbnyo le̱;

³⁶ Igal, Natan bi le̱ ní dše̱ Zoba le̱; Bani, Gadnyo le̱;

³⁷ Zelek, Amonnyo le̱; Naharai, Beerotnyo le̱, moni dši Zeruia bi Ioab tawūniihĩelo̱ le̱;

³⁸ Ira, Itrinyo le̱; Gareb, Itrinyo le̱;

³⁹ Uria, *Hitnyo le̱. Mei le̱ fē dši nyoṅmai-etẽ ke̱ kpawo. *11,3.