2 Samuel 22 - Ṅmãle̱ Kroṅkroṅ Le̱

¹ Ni David wie ne̱ke̱ lala ne̱ mli wiemo̱i le̱ etšõ Iehowa, gbĩ ni Iehowa dšiele̱ ye̱ ehenye̱lo̱i le̱ fẽ adeṅ ke̱ Saul hũ deṅ le̱,

² ni ekē̱: Iehowa dši mite̱sā ke̱ mimō̃ ke̱ miherelo̱.

³ Nyoṅmo̱ ni dši mite̱sā, eṅõ mibaä abo ye̱, mitše̱ṅ ke̱ miyiwalaheremo̱ aklonto, mimõ ní kwo̱ ke̱ mibobāhe hũ; miyiwala-herelo̱, bo ohereo̱ miyiwala ke̱-dše̱o̱ yiwale̱ mli.

⁴ Mabo matšé̱ Iehowa, moni sa yidšiemo̱ le̱, ni aahere miyiwala ye̱ mihenye̱lo̱i le̱ adeṅ.

⁵ Edšake̱ gbĕle ṅšo̱kei le̱ ebo̱lemi ke̱-kpe, ni fãi fõdši le̱ ewo mihe gbeyei;

⁶ gbohĩĩadše kpãi le̱ ebo̱lemi ke̱-kpe, gbẽle tšõnei le̱ hũ edũmi.

⁷ Beni efĩmi le̱, mibo mitšē̱ Iehowa, hē̃ mi-Nyoṅmo̱ le̱ mitšé̱; ni enu migbē ke̱-dše̱ eso̱lemo̱we le̱, ni miblo̱mo̱ le̱ bote etoiiaṅ hũ.

⁸ Ke̱ke̱ ni šikpoṅ le̱ hoso ni ekpokpo; ṅwei šišitōi le̱ tšire̱ ame̱he ni ame̱hoso, edšake̱ emli efũ.

⁹ Lasũ fã ke̱-dše̱ egugō mli ke̱-te ṅwei, ni la hũ dše̱ edãṅ šã nii, ehã ṅāi tãã ni ehere.

¹⁰ Ehã ṅwei kpo enā ši ni ebayi ši, ni duṅ kpĩ yo̱ enādšiaši.

¹¹ Ni etá kerub no̱ ni efliki, ni anale̱ ye̱ kē̱yo̱ fīdši ano̱.

¹² Ni eṅõ duṅ eši bū ewo ehe, nyoṅmo̱ ni ewo ke̱ atatui kpīkpī.

¹³ Kpe̱mo̱ ni nyie ehīe le̱ hã ṅãi tšẽ ni ehere.

¹⁴ Šimo̱ Iehowa šimo̱ ke̱-dše̱ ṅwei, ni moni yo̱ ṅwei šoṅṅ le̱ wó egbē.

¹⁵ Ni etšĕrẽ gãimlibii eke̱-gbe̱ame̱ eſã, srawa hũ eke̱-wo ame̱he gbeyei.

¹⁶ Ke̱ke̱ ni ṅšo̱ṅ nudšō̱i le̱ dše kpo, ni dše le̱ šišitōi le̱ bakãmo̱ ši faṅṅ ye̱ Iehowa dše̱mo̱ le̱ nā, ye̱ egugõṅ mumo̱ le̱ hũmo̱ nā.

¹⁷ Ekpã enine mli ke̱-dše̱ ṅwei eba-wómi, egblami ke̱-dše̱ nui babaō mli.

¹⁸ Edšiemi ke̱-dše̱ mihenye̱lo̱ ní he wa le̱ deṅ, ke̱-dše̱ mei ni he tšẽo̱mi le̱ adeṅ, edšake̱ ame̱he wa fèmi.

¹⁹ Ame̱batuami ye̱ mimanehũlũ gbĩ le̱ no̱, ši Iehowa dši mise̱tšo.

²⁰ Edšiemi ke̱-te heni lē̱ hũ, edšiemi, edšake̱ eye̱ mihe tšui.

²¹ Iehowa tomi nãdšiaṅ ye̱ midšale̱ le̱ nā, ewomi nyõmo̱ ye̱ mideṅ tšemo̱ le̱ nā.

²² Edšake̱ mible kã Iehowa gbe̱i le̱ ahe, ni nõša ko hāko mike̱ mi-Nyoṅmo̱ le̱ teṅ agbla.

²³ Edšake̱ emlai le̱ fẽ ye̱ mihĩe, ni ekpo̱i le̱, midšeko ame̱he.

²⁴ Ni miye emū hũ mihāle̱, ni mitšĩ mihe ke̱-dše̱ minõša le̱ he.

²⁵ Hewo̱ le̱ Iehowa ewomi nyõmo̱ ye̱ midšale̱ nā, ye̱ mihe ní tše ye̱ ehĩe le̱ nā.

²⁶ Mo̱bo̱nalo̱ le̱, oke̱ ohe tšõo̱le̱ ake̱ moni naä mo mo̱bo̱; moni eye emū le̱, oke̱ ohe tšõo̱le̱ ake̱ moni eye emū;

²⁷ hetšelo̱ le̱, oke ohe tšõo̱le̱ ake̱ moni he tše; ši moni be̱ eṅe̱le̱no̱ le̱, oke̱ ohe tšõo̱le̱ tamo̱ moni be̱ eṅe̱le̱no̱.

²⁸ Ni maṅ ni naã amane le̱, ohereo̱ ame̱yi wala; ši hewolo̱i le̱, ohĩṅme̱ii kã ame̱he ni obaäame̱ ši.

²⁹ Edšake̱ bo dši mikane, Iehowa, ni Iehowa aahã miduṅ le̱ mli atše.

³⁰ Ši bo mike̱-tšẽo̱ ke̱-yaninaä ta, ni mi-Nyoṅmo̱ le̱ mike̱-huluo̱ mitekeo̱ gbogbo.

³¹ Mawu le̱, egbe̱i le̱ hĩ pe̱pē̱pe̱l Iehowa wiemo̱ le̱ mli tše; edši tše̱ṅ hã mei fẽ ni ṅōo̱ ame̱hĩe fõo̱ eno̱ le̱.

³² Ši namo dši Mawu, ake̱ dša Iehowa? ni namo dši te̱sā, ake̱ dša wo̱-Nyoṅmo̱ le̱?

³³ Mawu le̱, mimõ ni wa dšile̱, ni eetšõ mei ni eye emũ le̱ egbe̱ le̱.

³⁴ Ehãa minädši feo̱ tamo̱ ofrotei anõ, ni eṅōo̱mi edamoo̱ migoṅkpo̱i le̱ ano̱.

³⁵ Etšõo̱ minidši tawŭ, ni ehãa mi-nidši do̱ō̱ akō̱ble gãi.

³⁶ Asaṅ oke̱ oyiwalaheremo̱ tše̱ṅ le̱ ehãmi, ni omlihĩle̱ le̱ ehā mitšṍ agbo.

³⁷ Ohã minādšiſãmo̱i le̱ amli elē̱ ye̱ mišiši, ni minãdši šãnee.

³⁸ Mitiu mihenye̱lo̱i le̱ ni mikpãtã ame̱hĩe, ni mikpalee ke̱-yaši beyino̱ ní miplenẽame̱.

³⁹ Ni miplenẽame̱, ni mitſiaame̱ nii, ni ame̱nyẽẽ ši ame̱te doṅṅ; ši ame̱nyõ-nyṍi ye̱ minādšiaši.

⁴⁰ Ši oke̱ hewale̱ emīami ohã tawū, ohã mei ni tete ši womi le̱ ebakotomi.

⁴¹ Asaṅ ohã mihenye̱lo̱i le̱ etšṍmo̱ ame̱se̱ ame̱hāmi, beni afe ni makpãtã mei ni nye̱o̱mi le̱ ahĩe.

⁴² Ame̱kwe̱ gbe̱, ši yiwalaherelo̱ ko be̱; ame̱kwe̱ Iehowa gbe̱, ši efoo ame̱dāṅ.

⁴³ Ni mišimo̱ame̱ mõnyõmõnyõ tamo̱ šikpoṅ mlu, minānā ame̱no̱ tamo̱ blohũiaṅ ṅmo̱to̱ ni migbe̱ame̱ miſã.

⁴⁴ Osā odšiemi ke̱-dše̱ mimaṅ le̱ mansōi le̱ amli, obā miyi, koni matšṍ dšeṅmãdši le̱ atše̱; maṅ ní milee po asũmo̱mi.

⁴⁵ Maṅse̱bii aaba ame̱he ši ame̱hãmi, kē̱ amenu mihe pe̱, ame̱abomi toi.

⁴⁶ Maṅse̱bii le̱ aagbĩ kekrē; ni ame̱-adše̱ ame̱kpokplobii le̱aṅ ame̱aba ke̱ hekpokpomo̱.

⁴⁷ Iehowa hĩe kã, ni aadšie mite̱sā le̱ yi, ni aawo Nyoṅmo̱ ní dši miyiwala-heremo̱ te̱sā le̱ hīe nyam;

⁴⁸ Mawu ni te̱ō̱ mihe owele, ni ebaã mādši aši ewoo̱ mišiši le̱,

⁴⁹ ni edšiee̱mi ke̱-dše̱o̱ mihenye̱lo̱i le̱ adeṅ, hē̃, bo owóo̱ mino̱ ke̱-tekeo̱ mei ni teo̱ ši woo̱mi le̱; odšieo̱mi ke̱-dše̱o̱ nū yiwalo̱ le̱ deṅ.

⁵⁰ Nohewo̱ le̱ madšie oyi, Iehowa, ye̱ dšeṅmãdši le̱ ateṅ, ni mala madšie ogbe̱i le̱ yi,

⁵¹ bo moni oke̱ yiwalaheremo̱ kple hãa omaṅtše̱ le̱, ni ofeo̱ moni ofo̱le̱ mũ ni dši David ke̱ eseši le̱ edšũrõ ke̱-yaã nāno̱ le̱!