2 Samuel 19 - Ṅmãle̱ Kroṅkroṅ Le̱

¹ [Y. 18,33.] Ni maṅtše̱ le̱ dšidšā, ni ekwo̱ ke̱-te pia ni yo̱ agbó le̱ yiteṅ le̱ mli ni efó; ni beni eyaä le̱, ne̱ke̱ ekē̱: Mibi Absalom, mibi! Mibi Absalom! miná ni kũle̱ mi moṅ migbo ye̱ onãdšiaṅ, Absalom, mibi, mibi!

² [1.] Ni ayagba Ioab ake̱: Na, maṅtše̱ le̱ mīfó ni ewo yãra ye̱ Absalom hewo̱.

³ [2.] Ni nakai gbĩ le̱ kũnimyeli le̱ tšṍ ṅko̱mo̱yeli ehã maṅ mū le̱ fẽ, edšake̱ maṅ le̱ nu ye̱ nakai gbĩ le̱ no̱ ake̱: Maṅtše̱ le̱ bi le̱ sane le̱ mīdo̱le̱.

⁴ [3.] Ni maṅ le̱ dšu ši nakai gbĩ le̱ ke̱-ba mã le̱ṅ, tamo̱ bo̱ni maṅ ko dšuo̱ ši ke̱-baä, kē̱ ame̱dšo foi ye̱ ta nā ni amehĩe gboi le̱.

⁵ [4.] Ši maṅtše̱ le̱ ha ehĩe, ni maṅtše̱ le̱ bo ke̱ gbē wale̱ ekē̱: Mibi Absalom, mibi, mibi!

⁶ [5.] Ši Ioab ba maṅtše̱ le̱ ṅõ ye̱ šĩa le̱ ni ekē̱: Ṅme̱ne̱ owo otšũdši fẽ ní here bo ke̱ obihĩĩ ke̱ obiyei ke̱ oṅãmei ke̱ ohemei ayiwala le̱ ahĩegbĕle,

⁷ [6.] ake̱-ni osumoo̱ ohenye̱lo̱i le̱ moṅ ni onye̱o̱ osuolo̱i le̱. Edšake̱ ṅme̱ne̱ otšõ faṅṅ ake̱ lume̱i le̱ ke̱ tšũdši le̱ dšee noko ye̱ ohĩe, edšake̱ kpako mina ake̱ edši Absalom yi ná wala ni wo̱fẽ wo̱gboi ṅme̱ne̱, kũle̱ eṅõ onā!

⁸ [7.] Nohewo̱ le̱ agbe̱ne̱ te ši ni odše kpo ni oyaše̱dše otšũdši le̱ amī; edšake̱ mina Iehowa ake̱, ké̱ odšee kpo oyaa le̱, no le̱ kē̱ ſe̱ nū kome ye̱ ohewo̱ nyō ne̱ṅ fĩ! ni no moṅ aatšṍ efōṅ ahão fè efõṅ fẽ ni eba ono̱ ke̱-dše̱ oblahĩaṅ āhũ ke̱-baši bene̱ ne̱!

⁹ [8.] Ke̱ke̱ ni maṅtše̱ le̱ te ši ni ebatá koi le̱ ši. Ni ayagba maṅ mū le̱ fẽ ake̱: Na, maṅtše̱ le̱ ebatá koi le̱ ši. Ke̱ke̱ ni maṅ mū le̱ fẽ ba maṅtše̱ le̱ hĩe. Ši Israel le̱, ame̱fẽ ame̱dšodšō foi ke̱-te ame̱būi amli.

¹⁰ [9.] Ni maṅ mū le̱ fẽ mītšuku nā ye̱ Israel akutšei le̱ fẽ mli ake̱: Maṅtše̱ ne̱ dši moni dšiewo̱ ke̱-dše̱ wo̱henye̱lo̱i le̱ adeṅ ni le̱ noṅṅ eherewo̱ ke̱-dše̱ Filistibii le̱ adeṅ, ni agbe̱ne̱ edšo foi ke̱-dše̱ šikpoṅ le̱ no̱ ye̱ Absalom bĩe ne̱;

¹¹ [10.] ni Absalom hũ ní wo̱fo̱le̱ mũ wo̱wo wo̱no̱ maṅtše̱ le̱ eyagbo ye̱ ta le̱ mli; nohewo̱ le̱ agbe̱ne̱ mẽba nyetšĩĩ maṅtše̱ le̱ kplamo̱ tã nyeyee sane ne̱?

¹² [11.] Ni maṅtše̱ David tšũ ate Zadok ke̱ Abiatar, oso̱foi le̱, aṅõ ayakē̱ame̱ ake̱: Nyeyakē̱a Iuda onukpai le̱ ake̱: Mẽba nye moṅ nyekpeo̱ se̱ ye̱ maṅtše̱ le̱ kplamo̱ ke̱ ewe le̱ bā mli ne̱? Ši Israel mū le̱ fẽ wiemo̱ le̱ ebaše̱ maṅtše̱ le̱ ṅõ.

¹³ [12.] Minyemimei dšinye, mihelo ke̱ miwui hũ dšinye; bēle̱ mẽba nye moṅ nyekpeo̱ se̱ ye̱ maṅtše̱ le̱ kplamo̱ ke̱-ba mli ne̱?

¹⁴ [13.] Ni nyekē̱a *Amasa ake̱: Ani dšee †mihelo ke̱ miwu dšio? Ké̱ dšee bo ooye tatše̱ ohãmi dā ye̱ Ioab nãdšiaṅ fĩ, Nyoṅmo̱ afemi ne̱ke̱ ke̱ ne̱ke̱! *17,26. †1 Kron. 2,16. 17.

¹⁵ [14.] Ni edo̱ Iuda hĩĩ le̱ fẽ ayi ke̱-ba eṅõ tamo̱ nū kome tšui, ni ame̱tšũ ke̱-ba maṅtše̱ le̱ ṅõ ake̱: Kũ ose̱ ni oba, bo ke̱ otšũdi le̱ fẽ!

¹⁶ [15.] Ni maṅtše̱ le̱ kũ ese̱ ni eba Iordan nā. Ši Iuda hĩĩ le̱ ba Gilgal ni ame̱ke̱ maṅtše̱ le̱ bakpe ní ame̱ke̱le̱ fo Iordan.

¹⁷ [16.] Ši *Šimei, Gera bi ni dši Benyaminnyo ni dše̱ Bahurim le̱, he fe oyá ni eke̱ Iuda hĩĩ le̱ kpleke ši ni eke̱ maṅtše̱ David bakpe. *1 Maṅ. 2,8.

¹⁸ [17.] Ni Benyamin hĩĩ akpe fata ehe, ni *Ziba, Saul we le̱ tšũlo̱ le̱, ke̱ ebihĩĩ nyoṅma ke̱ enumo̱ le̱ ke̱ etšũdši nyoṅmai-enyo̱ le̱ hũ ke̱le̱ ba; ni ame̱ṅõ-ſie no̱ ke̱-tšṍ maṅtše̱ le̱ hĩe ni ame̱yafo Iordan. *15,1-4; 9,2. 10.

¹⁹ [18.] Ni fāfõ-le̱le̱ le̱ fo ke̱-te se̱ le̱, koni aṅõ-fo maṅtše̱ le̱ we le̱, ni afe noni sa ehĩe. Ni Šimei, Gera bi le̱, ho kũla ši ye̱ maṅtše̱ le̱ hĩe, beni efo Iordan ke̱-ba le̱,

²⁰ [19.] ni ekē̱ maṅtše̱ le̱ ake̱: Minuṅtšo̱ akabu nõša ehãmi, ni asaṅ kākai nibii fõdši ni otšũlo̱ fe gbĩ ni minuṅtšo̱ maṅtše̱ dše kpo ye̱ Ierusalem le̱, ni maṅtše̱ ekaṅō-wo etšui he. 16,5.

²¹ [20.] Edšake̱ otšũlo̱ le ake̱ efe eša; nohewo̱ le̱ na, mi tšutšu midše̱ Iosef we le̱ fẽ teṅ miba ṅme̱ne̱, koni mike̱ minuṅtšo̱ maṅtše̱ abakpe ne̱.

²² [21.] Ši Abišai, Zeruia bi le̱, here no̱ ekē̱: Aso ene̱ hewo̱ le̱ akagbe Šimei, ake̱-ni elomo̱ moni Iehowa efo̱le̱ mũ le̱?

²³ [22.] Ši David kē̱: Nye Zeruia bii ne̱, tē mafe nyehe tēṅ, ní nyetšṍmo̱ satana nyehãmi ṅme̱ne̱ ne̱? Aso ṅme̱ne̱ gbĩ ne̱ agbe moko ye̱ Israel, be̱? ši aso milee ake̱ ṅme̱ne̱ gbĩ ne̱ mitšṍ Israel no̱ maṅtše̱, be̱? 16,10.

²⁴ [23.] Ni maṅtše̱ le̱ kē̱ Šimei ake̱: Agbeṅo! Ni maṅtše̱ le̱ kãle̱ kitã.

²⁵ [24.] Ni Mefibošet, *Saul bi le̱, kpleke ši eke̱ maṅtše̱ le̱ bakpe, ni esāko enãdši ahe, ni eſãko etšẽṅ, ni etadei hũ efo̱ko he ke̱-dše̱ gbĩ ní maṅtše̱ le̱ yiṅ ete le̱ āhũ ke̱-baši gbĩ no̱ ni ekũ ese̱ eba ye̱ hedšo̱le̱ mli ne̱. *9,6.

²⁶ [25.] Ni eba mli ake̱ beni eba Ierusalem ní eke̱ maṅtše̱ le̱ bakpe le̱, maṅtše̱ le̱ kē̱le̱ ake̱: Mefibošet, mẽba ni oke̱mi eyaa le̱?

²⁷ [26]. Ni ekē̱: Minuṅtšo̱ maṅtše̱! mitšũlo̱ le̱ lakami; edšake̱ otšũlo̱ fã́le̱ ake̱: Wo tedši le̱ no̱ nii ohãmi ni matá no̱, ni mike̱ maṅtše̱ aya; edšake̱ akpake dši otšũlo̱.

²⁸ [27.] Ši fo *ebafo otšũlo̱ nā ehã minuṅtšo̱ maṅtše̱; ši minnntšo̱ maṅtše̱ †tamo̱ Nyoṅmo̱ bo̱fo ko, nohewo̱ le̱ femo̱ noni hĩ ye̱ ohĩe! *16,8. †14,17.

²⁹ [28.] Edšake̱ mitše̱ we le̱ fẽ le̱, gbẽle pe̱ saame̱ ye̱ minuṅtšo̱ maṅtše̱ hĩe, ni kẽle̱ *oṅõ otšũlo̱ ofutu mei ni yeo̱ nii ye̱ okplõ le̱ he le̱ ateṅ, bĕle̱ mẽ hegbe̱ miyo̱ ake̱ mabi maṅtše̱ noko doṅṅ? *9,11.

³⁰ [29.] Ši maṅtše̱ le̱ kē̱le̱ ake̱: Mẽba okã he odšadšeo̱ osane le̱ lolo? Noni *mikē̱o̱ dši ake̱: Bo ke̱ Ziba ayadša šikpoṅ le̱ mli! *9,3. 10; 15,4.

³¹ [30.] Ši Mefibošet kē̱ maṅtše̱ le̱ ake̱: Hã ni eṅõ fẽ tete, gbĩĩabo̱ ní minuṅtšo̱ maṅtše̱ eba ewe ekoṅ ye̱ hedšo̱le̱ mli le̱.

³² [31.] Ni *Barzilai, Gileadnyo le̱, kpleke ši ke̱-dše̱ Rogelim ke̱-ba, ni eke̱ maṅtše̱ le̱ ba Iordan nā, koni ebawale̱ ke̱-fo Iordan. *1 Maṅ. 2,7.

³³ [32.] Ši Barzilai egbo̱ naakpa, ni eye afii nyoṅmaí-kpānyo̱; ni bení maṅtše̱ le̱ yo̱ Mahanaim le̱, le̱ ebahãale̱ niyenii; edšake gbomo agbo dientše̱ dšile̱. 17.37.

³⁴ [33.] Nohewo̱ le̱ maṅtše̱ le̱ kē̱ Barzilai ake̱: Hã ní wo̱te, ni malè̱o ye̱ mimase̱i ye̱ Ierusalem.

³⁵ [34.] Ši Barzilai kē̱ maṅtše̱ le̱ ake̱: Miwala mli afii le̱, gbĩĩ enyie po eſe̱, ni mike̱ maṅtše̱ yaä Ierusalem?

³⁶ [35.] Afii nyoṅmai-kpānyo̱ miye ne̱: ani mayo noni hĩ ke̱ noni ehĩĩ, alo mana noni mibaye lo noni mibanu le̱ ṅõmo̱, alo manu hĩĩ ni laä ke̱ yei ní laä agbe lolo? Ni mẽba mo̱ ni otšũlo̱ aatšṍ dšatšu ahã minuṅtšo̱ maṅtšo̱ lolo?

³⁷ [36.] Iordan ke̱ke̱ otšũlo̱ kē̱ eke̱ maṅtše̱ aafo eyawale̱; ni mẽba ni maṅtše̱ aatomi nãdšiaṅ ne̱ke̱?

³⁸ [37.] Hã ni otšũlo̱ akũ ese̱ aya, ni mayagbo ye̱ midientše̱ mimaṅ ye̱ mitše̱ ke̱ minye gbonyobu le̱ mase̱i. Ši na otšũlo̱ Kimham, hã ni eke̱ minuṅtšo̱ maṅtše̱ aya, ni ofe noni hĩ ye̱ ohĩe ohãle̱.

³⁹ [38.] Ni maṅtše̱ le̱ kē̱: Mike̱ Kimham aate, ni mafe noni hĩ ye̱ ohĩe mabāle̱, ni noſēno ni oobimi le̱, mafe mahão.

⁴⁰ [39.] Ni beni maṅ mŭ le̱ fē fo Iordan le̱, maṅtše̱ le̱ hũ fo; ni maṅtše̱ le̱ ſo̱ Barzilai nā ni edšō̱le̱, ní ekũ ese̱ ke̱-te edšē̱he le̱ ekoṅ.

⁴¹ [40.] Ši maṅtše̱ le̱ foṅ ke̱-te Gilgal, ni Kimham ke̱le̱ te. Ni Iuda maṅ mū le̱ fẽ ke̱ maṅtše̱ le̱ foṅ ke̱-te, ni Israel maṅ le̱ fā hũ fata ehe.

⁴² [41.] Ni na, Israel hĩĩ le̱ fẽ ba maṅtše̱ le̱ ṅō, ni ame̱bakē̱ maṅtše̱ le̱ ake̱: Mẽhewo̱ ni wo̱nyemimei, Iuda hĩĩ le̱, dšuo ke̱-te, ni ame̱ke̱ maṅtše̱ ke̱ ewe le̱ ke̱ David hĩĩ le̱ fẽ ní fata ehe le̱ fo Iordan ke̱-ba le̱?

⁴³ [42.] Ke̱ke̱ ni Iuda hĩĩ le̱ fẽ here Israel hĩĩ le̱ ano̱ ni ame̱kē̱: Edšake̱ *maṅtše̱ le̱ wo̱wekunyo ni! ni mẽba ni nyemli ewo la ye̱ ne̱ke̱ sane ne̱ hewo̱ ne̱? Ani wo̱ye maṅtše̱ le̱ noko, alo ekewo̱ noko? *K. 12.13.

⁴⁴ [43.] Ni Israel hĩĩ le̱ here Iuda hĩĩ le̱ ano̱ ni ame̱kē̱: Wo̱ye̱ mlidšāi nyoṅma ye̱ maṅtše̱ le̱ mli, ni asaṅ wo̱ye̱ gbe̱nãi pī ye̱ David mli fènye; ni mi-he wo̱ mo̱ ni nyebuu wo̱, ni nyehãã wo̱ tšutšu wo̱wie ni ayaṅõ wo̱maṅtše̱ le̱ ke̱-ba? Ši Iuda hĩĩ le̱ anā wa fē Israel hĩĩ le̱.